ୱାସିଂଟନ: ଆମେରିକାରେ ଅପରାଧର ଏକ ଅଜବ ମାମଲା ସାମ୍ନାକୁ ଆସିଛି। ଯେଉଁଥିରେ ଅଭିଯୁକ୍ତ କୌଣସି ମଣିଷ ନୁହେଁ ବରଂ କୁକୁର। ଶୁଣିବାକୁ ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ କଥାଟି ସତ।
ରିପୋର୍ଟ ମୁତାବକ ଶୁକ୍ରବାର ଜଣେ ୫୧ ବର୍ଷୀୟ ବ୍ୟକ୍ତି ନିଜ ପୋଷା କୁକୁର ସହ ଖେଳୁଥିଲା। ଖେଳୁ ଖେଳୁ କୁକୁରଟି ମାଲିକ ପାଖରେ ଥିବା ବନ୍ଧୁକରୁ ଗୁଳି ଫୁଟାଇଥିଲା। ଏହାପରେ ସଙ୍ଗେ ସଙ୍ଗେ ମାଲିକ ୯୧୧ ପୋଲିସ ନମ୍ୱରକୁ ଫୋନ୍ କରି ଘଟଣା ସଂପର୍କରେ ଜଣାଇଥିଲେ। ଏହି ଘଟଣା ସଂପର୍କରେ ଜାଣି ପୋଲିସ ମଧ୍ୟ ଆଶ୍ଚର୍ଯ୍ୟରେ ପଡିଗଲା ଯେ ଏହା କିପରି ସମ୍ଭବ। ପୋଲିସ୍ ଘଟଣା ସ୍ଥଳରେ ପହଞ୍ଚିବା ପରେ ଏହା ସତ ବୋଲି ଜଣାପଡିଥିଲା।
ଘଟଣା ଅନୁସାରେ ୱାସିଂଟନର ଲୋବାରେ ରହୁଥିବା ରିଚର୍ଡ ଲେମମ୍ ଘରର ସୋଫାରେ ବସି ନିଜ ୨ କୁକୁର ସହ ଖେଳୁଥିଲେ। ଏହି ସମୟରେ ପିଟବୁଲ ନାମକ ଏକ ପ୍ରଜାତୀ କୁକୁର ଡେଇଁପଡି ରିଚାର୍ଡ କୋଳରେ ବସିଯାଇଥିଲା। ଏହାପରେ ବେଲ୍ଟରେ ଲାଗିଥିବା ୯ ଏମ୍ଏମ୍ ପିସ୍ତଲ୍କୁ ଟାଣିବାକୁ ଲାଗିଥିଲା। ପିସ୍ତଲ ଟାଣିବା ସମୟରେ ସେଥିରୁ ଗୁଳି ଫୁଟି ରିଚାର୍ଡଙ୍କ ଶରୀରରେ ବାଜିଥିଲା। ଭାଗ୍ୟବସତଃ ରିଚାର୍ଡ ଅଧିକ ଆହତ ହୋଇ ନଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
