ସାଧ୍ୱୀ ପ୍ରଜ୍ଞାଙ୍କୁ ନିର୍ବାଚନ କମିଶନ ଛାଟ, ୭୨ ଘଣ୍ଟା ପ୍ରଚାର କରିପାରିବେ ନାହିଁ

ନୂଆଦିଲ୍ଲୀ: ବିବାଦୀୟ ବୟାନ ଦେବା ବିଜେପିର ଭୋପାଲ ଲୋକସଭା ପ୍ରାର୍ଥୀ ସାଧ୍ୱୀ ପ୍ରଜ୍ଞା ସିଂହ ଠାକୁରଙ୍କୁ ମହଙ୍ଗା ପଡ଼ିଛି। ବାବ୍ରୀ ମସଜିଦ୍‌ ଉପରେ ସାଧ୍ୱୀ ବିବାଦୀୟ ବୟାନ ଦେଇଥିବାରୁ ନିର୍ବାଚନ କମିଶନ ଆଜି ତାଙ୍କୁ ଦଣ୍ଡିତ କରିଛନ୍ତି।

ସେ ଆସନ୍ତା ୭୨ ଘଣ୍ଟା ପାଇଁ କୌଣସି ନିର୍ବାଚନୀ ସଭା କିମ୍ବା ପ୍ରଚାର କରିପାରିବେ ନାହିଁ ବୋଲି କମିଶନ କହିଛନ୍ତି। ଏହି ବ୍ୟାନ୍‌ ଆଦେଶ ଆସନ୍ତାକାଲି ସକାଳ ୬ଟାରୁ ଆରମ୍ଭ ହେବ। ସାଧ୍ୱୀ ପ୍ରଜ୍ଞା ୨୬/୧୧ ମୁମ୍ବାଇ ହମ୍‌ଲାରେ ସହିଦ ହୋଇଥିବା ହେମନ୍ତ କରକରେଙ୍କୁ ଅପମାନିତ କରିଥିଲେ। ସେହିପରି ବାବ୍ରୀ ମସଜିଦ୍‌ ଭାଙ୍ଗି ସେ ଗର୍ବିତ ବୋଲି ବୟାନ ଦେଇଥିଲେ। ଏଥିପାଇଁ ନିର୍ବାଚନ କମିଶନ ତାଙ୍କୁ ନୋଟିସ୍‌ କରି ଜବାବ ତଲବ କରିଥିଲେ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।