ଅହମ୍ମଦାବାଦ: ଆଜିଠୁ ଆରମ୍ଭ ହୋଇଛି ବିଜେପିର ଗୁଜରାଟ ଗୌରବ ଯାତ୍ରା। ସର୍ଦ୍ଦାର ପଟେଲଙ୍କ ଜନ୍ମସ୍ଥଳୀ କରମସଦରୁ ଏହାର ଶୁଭାରମ୍ଭ କରିଛନ୍ତି ଦଳର ରାଷ୍ଟ୍ରୀୟ ସଭାପତି ଅମିତ ଶାହ । ଦେଶର ଏକତାର ପ୍ରତୀକ ସର୍ଦ୍ଦାର ପଟେଲଙ୍କ ଘରକୁ ଯାଇ ଅମିତ ଶାହ ତାଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରିଥିଲେ। ଏହି ଯାତ୍ରା ମାଧ୍ୟମରେ ଗତ ଦୁଇ ଦଶନ୍ଧିରୁ ରାଜ୍ୟରେ ଆସିଥିବା ବିକାଶକୁ ଜନସାଧାରଣଙ୍କ ନିକଟରେ ପହଞ୍ଚାଇବାକୁ ବିଜେପି ଲକ୍ଷ୍ୟ ରଖିଛି ।
ପଟେଲ ସଂରକ୍ଷଣ ଆନ୍ଦୋଳନକୁ ନେଇ ଗ୍ରାମୀଣ ଅଞ୍ଚଳରେ ଦୁର୍ବଳ ହୋଇ ପଡ଼ିଥିବା ଦଳୀୟ ସଂଗଠନକୁ ମଜଭୁତ କରିବାକୁ ମଧ୍ୟ ଲକ୍ଷ୍ୟ ରଖିଛି ବିଜେପି । ଆସନ୍ତା୧୫ ତାରିଖ ଯାଏଁ ଚାଲିବାକୁ ଥିବା ଏହି ଯାତ୍ରା ପ୍ରାୟ ୫ ହଜାର କିଲୋମିଟର ଦୂରତା ଅତିକ୍ରମ କରିବ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗାନ୍ଧିନଗରରେ ଏହାର ସମାପନ କରିବେ। ବିଜେପି ଏହି ବିକାଶ ତାଲିକାରେ ବୁଲେଟ ଟ୍ରେନକୁ ମଧ୍ୟ ସାମିଲ କରିଛି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।