ନୂଆଦିଲ୍ଲୀ: ଚଳିତବର୍ଷ ନୋଟବନ୍ଦୀ ଓ ଜିଏସ୍ଟି କାରଣରୁ ବାହାଘର ଖର୍ଚ୍ଚ ବଢ଼ିପାରେ। ଫଟୋଗ୍ରାଫି,ଅଳଙ୍କାର ଓ କପଡ଼ା ସମେତ ଅନ୍ୟାନ୍ୟ ସାମଗ୍ରୀ ପାଇଁ ପୂର୍ବ ତୁଳନାରେ ଅଧିକ ଅର୍ଥ ଗଣିବାକୁ ପଡ଼ିବ। କହିବାକୁ ଗଲେ ପୂର୍ବ ବଜେଟ୍ ତୁଳନାରେ ଏଥର ବାହାଘର ଖର୍ଚ୍ଚ ୧୦ରୁ୧୫ ପ୍ରତିଶତ ମହଙ୍ଗା ହୋଇପାରେ।
ଜିଏସ୍ଟି ଓ ନୋଟବନ୍ଦୀ କାରଣରୁ ଅନେକ ଜିନିଷର ମୂଲ୍ୟରେ ପରିର୍ତ୍ତନ ହୋଇଛି। ଫଳରେ ଆଗକୁ ବିବାହ ସିଜିନ୍ରେ ଏହାର ସିଧାସଳଖ ପ୍ରଭାବ ପଡ଼ିବ। ଏସୋଚେମ୍ ଅନୁସାରେ ଏହି ବିବାହ ଋତୁରେ ଅଳଙ୍କାର ଓ ପୋଷାକ କିଣିବା, ବିୟୁଟି ପାର୍ଲିର, ହୋଟେଲ, ମ୍ୟାରେଜ ହଲ୍, କୋରିୟର ଓ ଅନ୍ୟ ସେବା ପାଇଁ ପୂର୍ବ ତୁଳନାରେ ଅଧିକ ଟଙ୍କା ଦେବାକୁ ପଡ଼ିବ।
ରିପୋର୍ଟ ଅନୁସାରେ ଜିଏସ୍ଟି ଲାଗୁ ହେବା ପରେ ଶପିଂଙ୍ଗ, ଟେଣ୍ଡ୍ ବୁକିଂ ଓ କ୍ୟାଟରିଂ ପରି ଅନେକ ଗୁରୁତ୍ୱପୂର୍ଣ୍ଣ ଜିନିଷର ମୂଲ୍ୟ ଢେର ବଢ଼ି ଯାଇଛି। ଏହି ସେବା ବାବଦକୁ ଅଧିକାଂଶ ୧୮ରୁ ୨୮ ପ୍ରତିଶତ ପର୍ଯ୍ୟନ୍ତ ଜିଏସ୍ଟି ଲାଗିଛି। ଯାହା ପୂର୍ବରୁ ନ ଥିଲା।
ଜିଏସ୍ଟି ପୂର୍ବରୁ ଟେଣ୍ଡ୍ ବୁକିଂ ଓ କ୍ୟାଟରିଂ ସମେତ ଆଉ କିଛି ସେବା ଯୋଗାଉଥିବା ଲୋକ ଅଣ ପଞ୍ଜୀକୃତ ବିଲ୍ ବ୍ୟବହାର କରୁଥିଲେ। ଏହା ଉପରେ ସେମାନଙ୍କୁ କୌଣସି ଟ୍ୟାକ୍ସ ଦେବାକୁ ପଡୁ ନ ଥିଲା।
ଏବେ ୫୦୦ ଟଙ୍କାରୁ ଅଧିକ ଟଙ୍କାର ଜୋତା କିଣିଲେ ୧୮ ପ୍ରତିଶତ ଜିଏସ୍ଟି ଦେବାକୁ ପଡୁଛି। ସେହିପରି ସୁନା ଓ ହୀରା ଅଳଙ୍କାର ଉପରେ ଟିକସ ୧.୬ ପ୍ରତିଶତରୁ ବୃଦ୍ଧି ହୋଇ ୩ ପ୍ରତିଶତ କରାଯାଇଛି। ପଞ୍ଚ ତରକା ହୋଟେଲରେ ବାହାଘର ପାଇଁ ୨୮ ପ୍ରତିଶତ ଜିଏସ୍ଟି ଲାଗିବ। ଇଭେଣ୍ଟ ମ୍ୟାନଜମେଣ୍ଟ ଆଉଟଫିଟ୍ ବାବଦକୁ ୧୮ ପ୍ରତିଶତ ଜିଏସ୍ଟି ଦେବାକୁ ପଡୁଛି। ହଲ୍ ଓ ଗାର୍ଡନେକୁ ବିବାହ ବୁକିଙ୍ଗ୍ କରିବା ପାଇଁ ଆପଣଙ୍କୁ ଏହି ବର୍ଗରେ ଟିକସ୍ ଦେବାକୁ ପଡ଼ିବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।