ଅହମଦାବାଦ: ମହାମାରୀ କରୋନାର ଆରଟି-ପିସିଆର ଟେଷ୍ଟର ଦାମ କମ କରିଛନ୍ତି ଗୁଜରାଟ ସରକାର। ପୂର୍ବରୁ ରାଜ୍ୟରେ ଥିବା ଘରୋଇ ଲ୍ୟାବରେ କରୋନାର ଆରଟି-ପିସିଆର ଟେଷ୍ଟ ପାଇଁ ଜଣେ ବ୍ୟକ୍ତିଙ୍କୁ ୧୫ ଶହ ଟଙ୍କା ଦେବାକୁ ପଡ଼ୁଥିଲା। ହେଲେ ନୂଆ ନିର୍ଦ୍ଦେଶନାମା ଅନୁଯାୟୀ, ଏଣିକି ଘରୋଇ ଲ୍ୟାବରେ ଆରଟି-ପିସିଆର ଟେଷ୍ଟ କଲେ ୮ଶହ ଟଙ୍କା ଦେବାକୁ ପଡ଼ିବ।
ଗୁଜରାଟ ପୂର୍ବରୁ ଦିଲ୍ଲୀ ସରକାର ଗତକାଲି କରୋନାର ଆରଟି-ପିସିଆର ଟେଷ୍ଟର ଦାମକୁ ୨୪ ଶହ ଟଙ୍କାରୁ ହ୍ରାସ କରି ୮ ଶହ ଟଙ୍କା କରିଥିଲେ। ଗୁଜରାଟର ଉପ ମୁଖ୍ୟମନ୍ତ୍ରୀ ନୀତୀନ ପଟେଲ କହିଛନ୍ତି, କରୋନାର ଟେଷ୍ଟ କିଟ୍ର ମୂଲ୍ୟ ହ୍ରାସ ପାଇବାରେ ଲାଗିଛି। ଏହି କାରଣରୁ ଲୋକଙ୍କୁ ଫାଇଦା ଦେବା ପାଇଁ ଆରଟି-ପିସିଆର ଟେଷ୍ଟର ଦାମକୁ ହ୍ରାସ କରାଯାଇଛି।
ଆଜିଠାରୁ ସରକାରୀ ଅନୁମୋଦନ ପ୍ରାପ୍ତ ଘରୋଇ ଲ୍ୟାବରେ ଲୋକଙ୍କ ଠାରୁ ଆରଟି ପିସିଆର ଟେଷ୍ଟ ବାବଦରେ ୮ ଶହ ଟଙ୍କା ଆଦାୟ କରାଯିବ। ପୂର୍ବରୁ ଏହା ୧୫ ଶହ ଟଙ୍କା ଥିଲା। ତେଣୁ ରାଜ୍ୟ ସରକାର ଟେଷ୍ଟ ବାବଦରେ ୭ ଶହ ଟଙ୍କା ହ୍ରାସ କରିଛନ୍ତି।
ସେହିପରି ପୂର୍ବରୁ ଘରୋଇକୁ ଯାଇ ସ୍ୱାବ ସଂଗ୍ରହ କରୁଥିବା ଲ୍ୟାବ ଗୁଡ଼ିକ ଆରଟି-ପିସିଆର ଟେଷ୍ଟ ପାଇଁ ୨ ହଜାର ଟଙ୍କା ନେଉଥିଲେ। କିନ୍ତୁ ଏବେ ଏହା ୧୧ ଶହ ଟଙ୍କାକୁ ହ୍ରାସ କରାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।