ମୋଦିଙ୍କ ମା’ଙ୍କୁ ଟାର୍ଗେଟ କଲେ ଗୁଜରାଟ ଆପ୍‌ ଅଧ୍ୟକ୍ଷ, ଗର୍ଜିଲେ ସ୍ମୃତି ଇରାନୀ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ମା’ଙ୍କ ବିରୋଧରେ ଅପଶବ୍ଦ ପ୍ରୟୋଗ କରିଥିବା ଗୋପାଳ ଇଟାଲୀୟାଙ୍କୁ ଟାର୍ଗେଟ କରିଛନ୍ତି ବିଜେପି ନେତ୍ରୀ ସ୍ମୃତି ଇରାନୀ । ଗୁଜରାଟ ଆମ୍ ଆଦମୀ ପାର୍ଟି (ଏଏପି) ରାଜ୍ୟ ସଭାପତି ଗୋପାଳ ଇଟାଲୀୟା ହିରାବେନ ମୋଦିଙ୍କ ବିରୋଧରେ ଅପଶବ୍ଦ ପ୍ରୟୋଗ କରିବା ମହଙ୍ଗା ପଡ଼ିଛି। ଗୋପାଳ ଇଟାଲୀୟା ମାତୃଶକ୍ତିର ଅପମାନ କରିଥିବାରୁ ଗୁଜରାଟବାସୀ ଏହାର ଜବାବ ଦେବେ ବୋଲି କହିଛନ୍ତି ସ୍ମୃତି ଇରାନୀ।

ଏନେଇ ସ୍ମୃତି ଇରାନୀ ଟ୍ୱିଟ କରି କହିଛନ୍ତି, ଅରବିନ୍ଦ କେଜ୍ରିୱାଲଜୀ ଆପଣଙ୍କ ଦଳର ଗୋପାଳ ଇଟାଲୀୟା ବର୍ତ୍ତମାନ ହିରା ବା’ଙ୍କ ବିରୋଧରେ ଅପଶବ୍ଦ  କରୁଛନ୍ତି। ତାଙ୍କ ମୁହଁ ନାଳନର୍ଦ୍ଦମା ପରି  ପ୍ରଦୂଷିତ ହୋଇଯାଇଛି। ଏନେଇ ମୁଁ କୌଣସି ଅସନ୍ତୋଷ ବ୍ୟକ୍ତ କରୁନାହିଁ, ଗୁଜୁରାଟୀ କେତେ କ୍ରୋଧିତ ତାହା ମୁଁ ଦେଖାଇବାକୁ ଚାହେଁ ନାହିଁ, କିନ୍ତୁ ଜାଣ ଯେ ତୁମର ମୂଲ୍ୟାଙ୍କନ କରାଯାଉଛି ଏବଂ ଗୁଜୁରାଟରେ ତୁମ ଦଳ ନିର୍ବାଚନରେ ​​ଧ୍ୱଂସ ହେବ। ବର୍ତ୍ତମାନ ଲୋକମାନେ ନ୍ୟାୟ କରିବେ।

ଏଥିସହ ସେ କହିଛନ୍ତି, ହୀରା ବା’ ହେଉଛନ୍ତି ମାତୃ ଶକ୍ତିଙ୍କର ରୂପ। କେଜ୍ରିୱାଲଙ୍କ ଖାସ୍‌ ଗୋପାଳ ଇଟାଲୀୟା ଶତାୟୁ  ହିରା ବାଙ୍କୁ ତାଙ୍କ ଘୃଣା ରାଜନୀତିରୁ ମଧ୍ୟ ବାଦ ଦେଇ ନାହାନ୍ତି। ଗୁଜୁରାଟ ପରି ଏକ ସଭ୍ୟ ସମାଜରେ  ଆପ୍‌ ଏବଂ ଏହାର ବିକୃତ ମାନସିକତା ପାଇଁ କୌଣସି ସ୍ଥାନ ନାହିଁ । ଗୁଜୁରାଟ ନାମରେ ଗୁଜରାଟୀମାନେ ସେମାନଙ୍କର ଭୋଟ୍ ସହିତ ମାତୃ ଶକ୍ତିର ଅପମାନର କଡ଼ା ଜବାବ ଦେବେ।

ଏକ ସପ୍ତାହ ମଧ୍ୟରେ ଆପ୍‌ର ବିଜେପି ଅଧ୍ୟକ୍ଷ ତୃତୀୟ ଭିଡିଓ ରିଲିଜ୍ କରି ବିଜେପିକୁ ଆକ୍ରମଣ କରିଛି। ପ୍ରଥମ ଭିଡିଓରେ ଗୋପାଳ ପ୍ରଧାନମନ୍ତ୍ରୀ ମୋଦୀଙ୍କୁ ଦୁର୍ବ୍ୟବହାର କରିବା ବ୍ୟତୀତ ଅନେକ ବିବାଦୀୟ କଥା କହିଥିଲେ। ଦ୍ୱିତୀୟ ଭିଡିଓରେ, ସେ ମନ୍ଦିରକୁ ଶୋଷଣର ଆଡ୍ଡା କହିବା ସହ ମହିଳାଙ୍କୁ ସେଠାକୁ ନ ଯିବାକୁ ପରାମର୍ଶ ଦେଇଥିଲେ।  ଏହାପରେ ତୃତୀୟ ଭିଡିଓରେ ସେ ମୋଦିଙ୍କ ମା’ଙ୍କୁ ଟାର୍ଗେଟ କରିଛନ୍ତି।

ଏଠାରେ ଉଲ୍ଲେଖଯୋଗ୍ୟ ଯେ, ପ୍ରଧାନମନ୍ତ୍ରୀଙ୍କ ବିରୋଧରେ  ଅପଶବ୍ଦ ପ୍ରୟୋଗ କରିଥିବାରୁ ରାଷ୍ଟ୍ରୀୟ ମହିଳା ଆୟୋଗ ଗୋପାଳଙ୍କୁ ସମନ ଜାରି କରିଥିଲେ। ଏହାପରେ ସେ ରାଷ୍ଟ୍ରୀୟ ମହିଳା ଆୟୋଗ କାର୍ଯ୍ୟାଳୟରେ ପହଞ୍ଚି ସେଠାରେ ମଦ୍ୟ ପ୍ରଦର୍ଶନ ଜାରି କରିଥିଲେ। ଏହାପରେ ଗତକାଲି ପୁଲିସ୍‌ ତାଙ୍କୁ ଗିରଫ କରିଥିବା ବେଳେ କିଛି ଘଣ୍ଟା ପରେ ସେ ଜାମିନରେ ମୁକୁଳି ପୁଣି ଥରେ ବିଜେପିକୁ ଟାର୍ଗେଟ କରିଥିଲେ।

ଏନେଇ ଗୋପାଳ ଟ୍ୱିଟ କରିଥିଲେ, ଆୟୋଗ ମୁଖ୍ୟ ମୋତେ ଜେଲ୍‌ ପଠାଇବାର ଧମକ ଦେଉଛନ୍ତି। ମୋଦି ସରକାରଠାରୁ ପଟେଲ  ସମୁଦାୟର ଆଉ କିଛି ଆଶା ନାହିଁ। ହେଲେ ମୁଁ ସର୍ଦ୍ଦାର ବଲ୍ଲଭଭାଇ ପଟେଲଙ୍କ ବଂଶଜ । ମୁଁ ଆପଣଙ୍କ ଜେଲ୍‌କୁ ଡରୁନି ।

ଏଥିସହ ସେ କହିଛନ୍ତି, ମୋ’ ନାମ ହେଉଛି ଗୋପାଳ ଓ ମୁଁ କଂସଙ୍କ ବଂଶଧରଙ୍କୁ ଡରନ୍ତି ନାହିଁ। ମୁଁ ପାଟିଦାର ବଂଶଧର ହୋଇଥିବା ବେଳେ ଗୁଜରାଟରେ ବିଜେପିକୁ କଡା  ଚ୍ୟାଲେଞ୍ଜ ଦେଉଛି। ତେଣୁ   ଜାଣିଶୁଣି ମୋତେ ଟାର୍ଗେଟ କରାଯାଉଥିବା କହିଛନ୍ତି ଗୋପାଳ ଇଟାଲିୟା ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।