ନୂଆଦିଲ୍ଲୀ: ରାଜସ୍ଥାନରେ ଚାଲିଥିବା ରାଜନୀତିକ ସଙ୍କଟ ମଧ୍ୟରେ ମୁଖ୍ୟମନ୍ତ୍ରୀ ଅଶୋକ ଗେହଲଟଙ୍କୁ ଆଉ ଏକ ଝଟକା ଲାଗିଛି। ଗୋଟିଏ ପଟେ ମୁଖ୍ୟମନ୍ତ୍ରୀ ପଦ ବଜାୟୀ ରଖିବାକୁ ସଂଘର୍ଷ କରୁଥିବା ଗେହଲଟ ଅନ୍ୟପଟେ ଆଇନଗତ ବିବାଦରେ ଛନ୍ଦି ହେବାର ଆଶଙ୍କା ପ୍ରକାଶ ପାଇଛି। କାରଣ ଗେହଲଟଙ୍କ ଘନିଷ୍ଠ ସହଯୋଗୀଙ୍କ ଏକାଧିକ ଠିକଣାରେ ଆଜି ଆୟକର ବିଭାଗ ଚଢ଼ଉ କରିଛି।
ଗେହଲଟଙ୍କ ସହଯୋଗୀ କୁହାଯାଉଥିବା ଧର୍ମେନ୍ଦ୍ର ରାଠୋରଙ୍କ ରାଜସ୍ଥାନ ଓ ଦିଲ୍ଲୀ ଠିକଣାରେ ଏଭଳି ଚଢ଼ଉ ହୋଇଛି। ସେ ବିଦେଶକୁ ବେଆଇନ ଭାବେ ଅର୍ଥ ନେଣଦେଣ କରିଥିବା ଅଭିଯୋଗ ହୋଇଛି। ରାଠୋରଙ୍କ ବ୍ୟତୀତ ରାଜୀବ ଅରୋରା ନାମକ ଜଣେ ଗହଣା ବ୍ୟବସାୟୀଙ୍କ ଘରେ ମଧ୍ୟ ଆୟକର ବିଭାଗର ଅଧିକାରୀମାନେ ରେଡ କରିଛନ୍ତି।
ଆୟକର ବିଭାଗ ପକ୍ଷରୁ ମିଳିଥିବା ସୂଚନା ଅନୁଯାୟୀ, ପ୍ରାୟ ୨୦୦ ଅଧିକାରୀ ଏକକାଳୀନ ଦିଲ୍ଲୀ, ରାଜସ୍ଥାନ ଓ ମହାରାଷ୍ଟ୍ରର ଏକାଧିକ ସ୍ଥାନରେ ଚଢ଼ଉ କରିଛନ୍ତି।
ଏବେ ବି ଜୟପୁର, କୋଟା, ଦିଲ୍ଲୀ ଓ ମୁମ୍ବାଇରେ ଛାନଭିନ କରାଯାଉଛି। ଟିକସ ଫାଙ୍କିବା ଓ ବିଦେଶକୁ ବେଆଇନ ଭାବେ ଅର୍ଥ ନେଣଦେଣ କରିବା ଭଳି ଅଭିଯୋଗ ପାଇବା ପରେ ଏଭଳି ଚଢ଼ଉ କରାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
