ଚାଇନା-ପାକିସ୍ତାନ ସହ ମିଶି ସାମରିକ ଯୁଦ୍ଧାଭ୍ୟାସ କରିବ ଭାରତ

ନୂଆଦିଲ୍ଲୀ: ଚାଇନା ଓ ପାକିସ୍ତାନ ସହ ସୀମା ବିବାଦ ଚାଲିଥିବା ବେଳେ ଭାରତ ସରକାର ବଡ଼ ପଦକ୍ଷେପ ନେଇଛନ୍ତି। ରୁଷରେ ଆରମ୍ଭ ହେବାକୁ ଥିବା ମିଳିତ ସାମାରିକ ଅଭ୍ୟାସରେ ଭାରତ ମଧ୍ୟ ସାମିଲ ହେବ। ତେବେ ଭାରତ ସହ ଚାଇନା ଓ ପାକିସ୍ତାନ ମଧ୍ୟରେ ଯୋଗଦେବାର କାର୍ଯ୍ୟକ୍ରମ ରହିଛି। ତେଣୁ ଭାରତ ଉଭୟ ପାକିସ୍ତାନ ଓ ଚାଇନା ଯବାନଙ୍କ ସହ ମିଶି, ତା’ର ସାମରିକ କଳା ପ୍ରଦର୍ଶନ କରିବ।

ଆସନ୍ତାମାସରେ ହିଁ ଏହି ମିଳିତ ସମରାଭ୍ୟାସ ରୁଷରେ ଆୟୋଜନ ହେବ। ଏହି ମିଳିତ ସମରାଭ୍ୟାସରେ ୩ ସେନାର ୨୦୦ ଅଫିସର ଓ ଯବାନ ସାମିଲ ହେବେ। ସେପ୍ଟେମ୍ବର ୧୫ରୁ ୨୦ ଯାଏ Kavkaz 2020 ନାଁରେ ଏହି ସମରାଭ୍ୟାସ ହେବ।

ଭାରତ-ଚାଇନା ଓ ପାକିସ୍ତାନ ବ୍ୟତୀତ ମୋଟ ୧୮ଟି ଦେଶ ରୁଷ ତରଫରୁ ଆୟୋଜିତ ଡ୍ରିଲରେ ଭାଗ ନେବେ। ରୁଷ ଏହାକୁ ଆୟୋଜନ କରୁଥିବାରୁ ଭାରତ ଏଥିରେ ଯୋଗଦେବାକୁ ସହମତି ପ୍ରକାଶ କରିଛି।

ଆହୁରି ପଢ଼ନ୍ତୁ