ନାଶିକ: ମହାମାରୀ କରୋନାର ଦ୍ରୁତ ସଂକ୍ରମଣ ଭିତରେ ବଡ଼ ଅଘଟଣ ଘଟିଛି। ମହାରାଷ୍ଟ୍ରର ନାଶିକରେ ଥିବା ଗୋଟିଏ ହସ୍ପିଟାଲ୍ରେ ଅମ୍ଳଜାନ ଟ୍ୟାଙ୍କର ଲିକ୍ ହୋଇ ଭୟଙ୍କର ପରିସ୍ଥିତି ସୃଷ୍ଟି ହୋଇଛି। ଅମ୍ଳଜାନ ଲିକ୍ ହେବାରୁ ଭେଣ୍ଟିଲେଟର୍ରେ ଥିବା ୨୨ ଜଣ କରୋନା ଆକ୍ରାନ୍ତଙ୍କ ମୃତ୍ୟୁ ଘଟିଥିବା ଜଣାପଡ଼ିଛି। ଲିକ୍ ଯୋଗୁ ଏମାନଙ୍କ ପାଖରେ ଠିକ୍ ଭାବେ ଅମ୍ଳଜାନ ପହଞ୍ଚି ପାରି ନଥିଲା। ତେଣୁ ସେମାନଙ୍କର ମୃତ୍ୟୁ ଘଟିଥିବା କୁହାଯାଉଛି।
ମହରାଷ୍ଟ୍ର ସ୍ୱାସ୍ଥ୍ୟମନ୍ତ୍ରୀ ରାଜେଶ ଟୋପେ କହିଛନ୍ତି, ନାଶିକର ଡା ଜାକିର ହୁସେନ ଏନଏମସି ହସ୍ପିଟାଲରେ ଏହି ଅଘଟଣ ଘଟିଛି। ଅମ୍ଳଜାନ ଟ୍ୟାଙ୍କରରେ ଭର୍ତ୍ତି ହେବା ବେଳେ ଏହା ଲିକ୍ ହୋଇଥିଲା। ଫଳରେ ଚାରିଆଡ଼େ ଏହା ବ୍ୟାପୀ ଯାଇଥିଲା। ବର୍ତ୍ତମାନ ସ୍ଥିତିକୁ ନିୟନ୍ତ୍ରଣ କରିବାକୁ ଚେଷ୍ଟା କରାଯାଉଛି।
ଅମ୍ଳଜାନ ଲିକ୍ ହେବାର ଭିଡିଓକୁ ଏଏନ୍ଆଇ ପକ୍ଷରୁ ଟ୍ୱିଟ କରାଯାଇଛି। ଭିଠିଓରେ ଅମ୍ଳଜାନ ଲିକ୍ ହେବାରୁ ସମଗ୍ର ଅଞ୍ଚଳ ଏକ ପ୍ରକାରର ଧୂଆଁମୟ ହୋଇଯାଇଥିବା ଦେଖିବାକୁ ମିଳିଛି। ଏହି ହସ୍ପିଟାଲରେ ୧୭୧ ଜଣ ରୋଗୀ ଅମ୍ଳଜାନ ସହାୟତାରେ ଚିକିତ୍ସିତ ହେଉଥିଲେ। ଟ୍ୟାଙ୍କରର ଭାଲଭେସ ସମସ୍ୟା ଥିବାରୁ ଏଭଳି ପ୍ରଚୁର ପରିମାଣର ଅମ୍ଳଜାନ ଲିକ୍ ହୋଇଥିବା ଶ୍ରୀ ଟୋପେ କହିଛନ୍ତି।
#WATCH | An Oxygen tanker leaked while tankers were being filled at Dr Zakir Hussain Hospital in Nashik, Maharashtra. Officials are present at the spot, operation to contain the leak is underway. Details awaited. pic.twitter.com/zsxnJscmBp
— ANI (@ANI) April 21, 2021
ସୂଚନା ଅନୁସାରେ, ହସ୍ପିଟାଲର ଭେଣ୍ଟିଲେଟରରେ ଥିବା ୨୨ ଜଣ କରୋନା ଆକ୍ରାନ୍ତ ପ୍ରାଣ ହରାଇଛନ୍ତି। ରୋଗୀଙ୍କୁ ଅମ୍ଳଜାନ ଯୋଗାଉଥିବା ଟ୍ୟାଙ୍କର୍ରେ ଲିକ୍ ହେବାରୁ ଏତେ ବଡ଼ ଘଟଣା ଘଟିଛି। ଟ୍ୟାଙ୍କର୍ରେ ଲିକ୍ ହେବେରୁ ରୋଗୀଙ୍କ ପାଖରୁ ଠିକ୍ ଭାବେ ଅମ୍ଳଜାନ ପହଞ୍ଚି ପାରି ନଥିଲା। ଏଥିଯୋଗୁ ସେମାନଙ୍କର ମୃତ୍ୟୁ ହୋଇଥିବା ଆଶଙ୍କା କରାଯାଉଛି।
ଏହି ହସ୍ପିଟାଲଟି ନାଶିକ ମ୍ୟୁନସିପାଲଟି କର୍ପୋରେସନ୍ ଦ୍ୱାରା ପରିଚାଳିତ ହେଉଥିଲା। ଘଟଣାକୁ ନେଇ ରୋଗୀଙ୍କ ସମ୍ପର୍କୀୟଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଛି। ଅମ୍ଳଜାନ କେମିତି ଲିକ୍ ହେଲା, ତା’ର ତଦନ୍ତ କରିବାକୁ ସରକାର ନିର୍ଦ୍ଦେଶ ଦେଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
