ବେଙ୍ଗାଲୁରୁ: ଦେଶର ସବୁ ସ୍ଥାନରେ ମହାମାରୀ କରୋନା ସଂକ୍ରମଣ ହ୍ରାସ ପାଉଥିବା ବେଳେ କେରଳରେ ଏହା ବଢ଼ିବାରେ ଲାଗିଛି। ସଂକ୍ରମଣକୁ ଦୃଷ୍ଟିରେ ରଖି ଆଜି କର୍ଣ୍ଣାଟକା ସରକାର କେରଳ ଫେରନ୍ତାଙ୍କ ପାଇଁ କଡ଼ା ନିୟମ ପ୍ରଣୟନ କରିଛନ୍ତି। କେରଳରେ ବର୍ତ୍ତମାନ ଦେଶର ମୋଟ ସଂକ୍ରମିତଙ୍କ ମଧ୍ୟରୁ ୫୦%ରୁ ଅଧିକ ଆକ୍ରାନ୍ତ ଚିହ୍ନଟ ହେଉଛନ୍ତି। ଏଥିପାଇଁ ସେଠାରୁ ଆସୁଥିବା ଲୋକଙ୍କ ପାଇଁ ଆରଟିପିସିଆର ଟେଷ୍ଟର ନେଗେଟିଭ ରିପୋର୍ଟ ବାଧ୍ୟତାମୂଳକ କରାଯାଇଛି।
୭୨ ଘଣ୍ଟା ଭିତରେ ଯେଉଁମାନେ ଆରଟିପିସିଆର ଟେଷ୍ଟ କରି ନେଗେଟିଭ ରିପୋର୍ଟ ପାଇଥିବେ, ସେମାନଙ୍କୁ କର୍ଣ୍ଣାଟକା ଭିତରେ ପ୍ରବେଶ ପାଇଁ ଅନୁମତି ମିଳିବ। ଟିକା ନେଇଥିଲେ ମଧ୍ୟ ନିୟମ ଲାଗୁ ହେବ। ନେଗେଟିଭ ରିପୋର୍ଟ ଦେଖାଇଲେ ବି କେରଳ ଫେରନ୍ତା ୭ ଦିନ ବାଧ୍ୟତାମୂଳକ ହୋମ କ୍ୱାରେଣ୍ଟାଇନରେ ରହିବେ ବୋଲି ସରକାର ଗାଇଡଲାଇନ ଜାରି କରିଛନ୍ତି।
ନିର୍ଦ୍ଦେଶନାମାରେ କୁହାଯାଇଛି ଯେ ପଡ଼ୋଶୀ ରାଜ୍ୟରୁ ଆସୁଥିବା ଛାତ୍ରଛାତ୍ରୀ ଓ କର୍ମଚାରୀମାନେ ମଧ୍ୟ ଇନଷ୍ଟିଚ୍ୟୁସନାଲ କ୍ୱାରେଣ୍ଟାଇନରେ ରହିବେ। ସଂପୃକ୍ତ ଶିକ୍ଷାନୁଷ୍ଠାନ ଓ କମ୍ପାନୀ ପକ୍ଷରୁ ନିଜ କର୍ମଚାରୀଙ୍କୁ କ୍ୱାରେଣ୍ଟାଇନରେ ରଖିବାକୁ ବ୍ୟବସ୍ଥା କରାଯିବ। ତେବେ ଜରୁରୀ କାଳୀନ କାମ ପାଇଁ କେରଳରୁ ଆସୁଥିବା ଯାତ୍ରୀ ଓ ୨ ବର୍ଷରୁ କମ ବୟସ୍କଙ୍କ ପାଇଁ କୌଣସି କ୍ୱାରେଣ୍ଟାଇନ ବ୍ୟବସ୍ଥା ଲାଗୁ ହେବନି। ସ୍ୱାସ୍ଥ୍ୟକର୍ମୀ ଓ ପରୀକ୍ଷା ଦେବାକୁ ଆସୁଥିବା ଛାତ୍ରଛାତ୍ରୀମାନଙ୍କ ପାଇଁ ମଧ୍ୟ କ୍ୱାରେଣ୍ଟାଇନ ନିୟମ ଲାଗୁ ହେବନି।
Passengers arriving from #Kerala, please make note of the latest GoK guidelines. For queries, write to us on feedback@bialairport.com or call us on 080-22012001. #BLRAirport #Bengaluru #StaySafe pic.twitter.com/WNdpemyxnF
— BLR Airport (@BLRAirport) September 2, 2021
ଗତ ୨୪ ଘଣ୍ଟା ମଧ୍ୟରେ ଦେଶରୁ ୪୭,୦୯୨ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏହାର ୭୦% ବା ୩୨,୮୦୩ ଜଣ ଆକ୍ରାନ୍ତ କେରଳରୁ ରହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।