ଆଜିଠୁ ୪ ଦିନ ବ୍ୟାଙ୍କ ବନ୍ଦ

ନୂଆଦିଲ୍ଲୀ: ମୋବାଇଲ ଓ ଇଣ୍ଟରନେଟ୍‌ ବ୍ୟାଙ୍କିଂକୁ ବାଦ୍‌ ଦେଲେ ଦେଶରେ ଥିବା ସମସ୍ତ ବ୍ୟାଙ୍କ ଆସନ୍ତା ୪ ଦିନ ପାଇଁ ବନ୍ଦ ରହିବ। ଆଜିଠାରୁ ଆସନ୍ତା ମଙ୍ଗଳବାର ଯାଏ ବ୍ୟାଙ୍କର ବ୍ରାଞ୍ଚ ଗୁଡ଼ିକରେ କୌଣସି ଆର୍ଥିକ କାରବାର ହେବନାହିଁ। ତେବେ କାହିଁକି ବ୍ୟାଙ୍କ କ୍ରମାଗତ ଭାବେ ୪ ଦିନ ବନ୍ଦ ରହିବ ଜାଣନ୍ତୁ।

କେନ୍ଦ୍ର ସରକାର ବ୍ୟାଙ୍କଗୁଡ଼ିକର ଘରୋଇ କରଣ କରୁଥିବାରୁ ସମଗ୍ର ଦେଶର ବ୍ୟାଙ୍କ କର୍ମଚାରୀ ସଂଘ ଏହାକୁ ବିରୋଧ କରୁଛି। ଏଥିପାଇଁ ବ୍ୟାଙ୍କ କର୍ମଚାରୀ ସଂଘ ଦୁଇ ଦିନିଆ ଷ୍ଟ୍ରାଇକ୍‌ର ଡାକରା ଦେଇଛି। ଆସନ୍ତା ୧୫ ତାରିଖ(ସୋମବାର) ଓ ୧୬ ତାରିଖ(ମଙ୍ଗଳବାର) ସମଗ୍ର ଦେଶରେ ବିକ୍ଷୋଭ ପ୍ରଦର୍ଶନ କରାଯିବ। ଏଥିପାଇଁ ବ୍ୟାଙ୍କ ସେବା ୨ଦିନ ବନ୍ଦ ରହିବ। ସେହିପରି ଶନିବାର (ମାର୍ଚ୍ଚ ୧୩) ମାସର ଦ୍ୱିତୀୟ ଶନିବାର ହୋଇଥିବାରୁ ବ୍ୟାଙ୍କ ଗୁଡ଼ିକ ସାଧାରଣତଃ ବନ୍ଦ ରହିଥାଏ।

୧୪ ତାରିଖ ରବିବାର ହୋଇଥିବାରୁ ଏହା ଛୁଟି ଦିନ। ତେଣୁ ଷ୍ଟ୍ରାଇକ ଓ ଛୁଟି ଦିନକୁ ମିଶାଇଲେ ଆଜିଠାରୁ ୪ ଦିନ ବ୍ୟାଙ୍କ ବନ୍ଦ ରହିବ। ଆସନ୍ତା ବୁଧବାର ଠାରୁ ବିଭିନ୍ନ ବ୍ରାଞ୍ଚରେ ବ୍ୟାଙ୍କ ସେବା ସ୍ୱାଭାବିକ ହେବ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।