କେନ୍ଦ୍ର ନିରାଶ, ପ୍ରହସନ ପାଲଟିବ ଗ୍ଲୋବାଲ ଟେଣ୍ଡର!

ନୂଆଦିଲ୍ଲୀ: ଭାରତରେ କରୋନାର ଦ୍ୱିତୀୟ ଲହର ଏବେ ସରକାରଙ୍କ ପାଇଁ ଚିନ୍ତା ବଢ଼ାଇଛି। କରୋନାକୁ ଚେକ୍ ଦେବାକୁ ଲକଡ଼ାଉନ, ଶଟଡାଉନ ସହିତ ଟିକାକରଣ ଉପରେ ଜୋର ଦେଇଛନ୍ତି ସରକାର। ହେଲେ ଦେଶର ଦୁଇ ଟିକା କମ୍ପାନୀ ସେରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆ ଏବଂ ଭାରତ ବାୟୋଟେକ ଚାହିଦା ତୁଳନାରେ ଆବଶ୍ୟକ ଟିକା ଏବେ ଯୋଗାଇବାରେ ବିଫଳ ହୋଇଛନ୍ତି। ଯଦିଓ ଋଷିଆର ସ୍ପୁଟନିକ ଭି ଭାରତରେ ପହଞ୍ଚିଛି ହେଲେ ଏହାପରେ ବି ଚାହିଦା ପୂରଣ ହେଉନି। ତେଣୁ ବିଦେଶୀ […]

3-american-naccine

3-american-naccine

Subhransu Sekhar
  • Published: Saturday, 15 May 2021
  • Updated: 15 May 2021, 05:06 PM IST

ନୂଆଦିଲ୍ଲୀ: ଭାରତରେ କରୋନାର ଦ୍ୱିତୀୟ ଲହର ଏବେ ସରକାରଙ୍କ ପାଇଁ ଚିନ୍ତା ବଢ଼ାଇଛି। କରୋନାକୁ ଚେକ୍ ଦେବାକୁ ଲକଡ଼ାଉନ, ଶଟଡାଉନ ସହିତ ଟିକାକରଣ ଉପରେ ଜୋର ଦେଇଛନ୍ତି ସରକାର। ହେଲେ ଦେଶର ଦୁଇ ଟିକା କମ୍ପାନୀ ସେରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆ ଏବଂ ଭାରତ ବାୟୋଟେକ ଚାହିଦା ତୁଳନାରେ ଆବଶ୍ୟକ ଟିକା ଏବେ ଯୋଗାଇବାରେ ବିଫଳ ହୋଇଛନ୍ତି। ଯଦିଓ ଋଷିଆର ସ୍ପୁଟନିକ ଭି ଭାରତରେ ପହଞ୍ଚିଛି ହେଲେ ଏହାପରେ ବି ଚାହିଦା ପୂରଣ ହେଉନି। ତେଣୁ ବିଦେଶୀ ଟିକା କିଣିବାକୁ ଚିନ୍ତା କରୁଛନ୍ତି ସରକାର।

ଇତି ମଧ୍ୟରେ କେନ୍ଦ୍ର ସରକାର ଟିକା ନେଇ ଆମେରିକାର ତିନି ବିଶ୍ୱସ୍ତରୀୟ ଟିକା କମ୍ପାନୀ ଫାଇଜର, ମୋର୍ଡେର୍ଣ୍ଣା ଏବଂ ଜନସନ ଆଣ୍ଡ ଜନସହ କଥା ହୋଇଥିଲେ। ହେଲେ ତିନି କମ୍ପାନୀର ଉତ୍ତର କେନ୍ଦ୍ରକୁ ନିରାଶ କରିଛି। ଅନ୍ୟପଟେ କେନ୍ଦ୍ର ଟିକା ଯୋଗାଇବାରେ ବିଫଳ ହେବା ପରେ ଓଡ଼ିଶା, ୟୁପି, ରାଜସ୍ଥାନ ଆଦି ରାଜ୍ୟ ଗ୍ଲୋବାଲ ଟେଣ୍ଡର ଜରିଆରେ ଟିକା ଆଣିବାକୁ ଲକ୍ଷ୍ୟ ରଖିଛନ୍ତି। ଆଉ ଓଡ଼ିଶା ୩.୮ କୋଟି ଟିକା କିଣିବାକୁ ଟେଣ୍ଡର ଡାକିଛି ବୋଲି ମୁଖ୍ୟ ଶାସନ ସଚିବ ସୁରେଶ ମହାପାତ୍ର କହିଛନ୍ତି। ହେଲେ ଯେଉଁଠି କେନ୍ଦ୍ର ନିରାଶ ସେଠି ଓଡ଼ିଶା ଭଳି ରାଜ୍ୟକୁ କିଭଳି ମିଳିବ ଟିକା ତାହା ଏବେ ସନ୍ଦେହ ଘରେର?

ଦେଶର କୋଭିଡ୍ ଟାସ୍କ ଫୋର୍ସ କମିଟିର ଅଧ୍ୟକ୍ଷ ଡାକ୍ତର ଭିକେ ପାଲ କହିଛନ୍ତି, ଭାରତକୁ ଟିକା ଯୋଗାଇବା ପାଇଁ ସରକାର 'ଆନୁଷ୍ଠାନିକ ଭାବେ' ଫାଇଜର, ମୋର୍ଡେର୍ଣ୍ଣା ଏବଂ ଜନସନ ଆଣ୍ଡ ଜନସନ ସହ କଥା ହୋଇଥିଲେ। ତିନି କମ୍ପାନୀ କହିଛନ୍ତି, ଏବେ ସେମାନଙ୍କ ପାଖରେ ଏତେ ପରିମାଣରେ ଟିକା ନାହିଁ, କି ତିଆରି କରିପାରିବାର କ୍ଷମତା ନାହିଁ। ତେଣୁ ଏ ପ୍ରସଙ୍ଗରେ ସେମାନେ କିଛି ମାସ ପରେ କଥାବାର୍ତ୍ତା ହୋଇପାରିବେ।

ସେ ଆହୁରି କହିଛନ୍ତି ଯେ ତିନି ଟିକା କମ୍ପାନୀ ସହିତ ସରକାରଙ୍କର ଭଲ ସମ୍ପର୍କ ରହିଛି। ଟିକା ନେଇ ଚଳିତ ଆର୍ଥିକ ବର୍ଷର ତୃତୀୟ ତ୍ରୟମାସିକ କମ୍ପାନୀ ଆଲୋଚନା କରିବାକୁ ରାଜି ହୋଇଛନ୍ତି। ଅର୍ଥାତ ଚଳିତ ବର୍ଷର ଶେଷ ବେଳକୁ। ସରକାର ଆଶା କରୁଛନ୍ତି ଯେ ଏହି ତିନି ଟିକା କମ୍ପାନୀ ଘରୋଇ ଟିକା କମ୍ପାନୀକୁ ଟେକ୍ନୋଲୋଜି ଶେୟାର କରି ଟିକା ଉତ୍ପାଦନକୁ ବୃଦ୍ଧି କରିବେ।

ସୂଚନାଯୋଗ୍ୟ, ବିଦେଶରୁ ଭାରତ ଟିକା ଆଣିବା ଏବେ ସହଜ ନୁହେଁ। କାରଣ ସାରା ବିଶ୍ୱ ଏବେ କରୋନା କୋପରୁ ବର୍ତ୍ତିବା ପାଇଁ ଟିକାକରଣ ଉପରେ ଗୁରୁତ୍ୱ ଦେଉଛନ୍ତି। ବିଶ୍ୱରେ ୨୦୦ରୁ ଅଧିକ ଦେଶ ଏହି ଉହାନ ଭାଇରସ ଦ୍ୱାରା ପ୍ରଭାବିତ ହୋଇଛନ୍ତି। ହେଲେ ହାତ ଗଣତି କିଛି ଦେଶ ଟିକା ବାହାର କରିବାରେ ସଫଳ ହୋଇଛନ୍ତି। ଚାଇନା ବାହାର କରିଥିବା ଟିକାକୁ କିଣିବା ପାଇଁ କୌଣସି ଦେଶ ଆଗ୍ରହ ଦେଖାଉ ନାହାନ୍ତି। ତେଣୁ ଆମେରିକାର ଏହି ତିନି ଟିକା କମ୍ପାନୀ ଉପରେ ଅନେକ ଦେଶ ନିର୍ଭର କରୁଛନ୍ତି। ଯେହେତୁ ଟିକା ବାହାର କରିନଥିବା ଦେଶ ଆଗୁଆ ଟିକା ବୁକ କରି ଦେଇଛନ୍ତି ତେଣୁ ଭାରତ ଏବେ ସେହି କମ୍ପାନୀ ପାଖରୁ ଟିକା ପାଇ ପାରୁନାହିଁ ବୋଲି ଜଣାପଡ଼ିଛି।

https://odishareporter.in/nation-world/india/it-is-difficult-for-states-to-get-vaccine-through-global-tenders-643040

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos