ଚକା ଜାମ ବେଳେ ଲୋକଙ୍କୁ ଖାଦ୍ୟ ଓ ପାଣି ଦେବେ ଚାଷୀ, ରାଜଧାନୀରେ ହେବନି ବିକ୍ଷୋଭ

ନୂଆଦିଲ୍ଲୀ: କୃଷି ଆଇନକୁ ବିରୋଧ କରି ଚାଷୀମାନେ ଆସନ୍ତା ୬ ତାରିଖରେ ସମଗ୍ର ଦେଶରେ ଚକା ଜାମ ଆନ୍ଦୋଳନ କରିବେ। ଦିନ ୧୨ଟାରୁ ଅପରାହ୍ନ ୩ଟା ଯାଏ ସବୁଆଡ଼େ ରାସ୍ତାରୋକ କରାଯିବ। ତେବେ ରାସ୍ତାରୋକ ଯୋଗୁ ଯଦି ଲୋକମାନେ ଫସି ଯିବେ, ତା’ହେଲେ ସେମାନଙ୍କୁ ଚାଷୀମାନେ ଖାଦ୍ୟ ଓ ପାଣି ଯୋଗାଇ ଦେବେ। ସେହିପରି ରାଜଧାନୀ ଦିଲ୍ଲୀରେ ଚକା ଜାମ ବେଳେ କୌଣସି ପ୍ରକାରର ବିକ୍ଷୋଭ କରାଯିବ ନାହିଁ ବୋଲି ଆଜି ଭାରତୀୟ କିଷାନ ୟୁନିୟନ(ବିକେୟୁ) ମୁଖପାତ୍ର […]

t

t

Hemant Lenka
  • Published: Thursday, 04 February 2021
  • Updated: 04 February 2021, 06:36 PM IST

Sports

Latest News

ନୂଆଦିଲ୍ଲୀ: କୃଷି ଆଇନକୁ ବିରୋଧ କରି ଚାଷୀମାନେ ଆସନ୍ତା ୬ ତାରିଖରେ ସମଗ୍ର ଦେଶରେ ଚକା ଜାମ ଆନ୍ଦୋଳନ କରିବେ। ଦିନ ୧୨ଟାରୁ ଅପରାହ୍ନ ୩ଟା ଯାଏ ସବୁଆଡ଼େ ରାସ୍ତାରୋକ କରାଯିବ। ତେବେ ରାସ୍ତାରୋକ ଯୋଗୁ ଯଦି ଲୋକମାନେ ଫସି ଯିବେ, ତା’ହେଲେ ସେମାନଙ୍କୁ ଚାଷୀମାନେ ଖାଦ୍ୟ ଓ ପାଣି ଯୋଗାଇ ଦେବେ। ସେହିପରି ରାଜଧାନୀ ଦିଲ୍ଲୀରେ ଚକା ଜାମ ବେଳେ କୌଣସି ପ୍ରକାରର ବିକ୍ଷୋଭ କରାଯିବ ନାହିଁ ବୋଲି ଆଜି ଭାରତୀୟ କିଷାନ ୟୁନିୟନ(ବିକେୟୁ) ମୁଖପାତ୍ର ରାକେଶ ଟିକାୟତ ଘୋଷଣା କରିଛନ୍ତି।

ସେ କହିଛନ୍ତି, ଫେବୃଆରୀ ୬ରେ ୩ ଘଣ୍ଟା ପାଇଁ ଚକା ଜାମ କରାଯିବ। ଦିଲ୍ଲୀକୁ ଛାଡ଼ି ଦେଶର ଆଉ ସବୁ ପ୍ରାନ୍ତରେ ଚାଷୀମାନେ ଚକା ଜାମ କରି ବିକ୍ଷୋଭ କରିବେ। ଚକା ଜାମ ଯୋଗୁ ଯଦି ଲୋକମାନେ ରାସ୍ତାରେ ଫସି ଯାଆନ୍ତି, ତା’ହେଲେ ସେମାନଙ୍କୁ ଆମ ତରଫରୁ ଖାଦ୍ୟ ଓ ପାଣି ଯୋଗାଇ ଦିଆଯିବ। ଆମେ ଦେଶବାସୀଙ୍କୁ ସରକାର ଆମ ସହ କ’ଣ କରୁଛନ୍ତି, ସେକଥା ଜଣାଇବାକୁ ଚାହୁଁଛୁ ବୋଲି ସେ କହିଛନ୍ତି।

ଅନ୍ୟପକ୍ଷରେ ଚାଷୀ ଆନ୍ଦୋଳନକୁ ଅନ୍ତର୍ଜାତୀୟ ସେଲେବ୍ରିଟିଙ୍କ ସମର୍ଥନ ଘଟଣାରେ ରାକେଶ ଟିକାୟତ ପ୍ରତିକ୍ରିୟା ରଖିଛନ୍ତି। ଅନ୍ତର୍ଜାତୀୟ ସେଲେବ୍ରିଟିଙ୍କ ସମର୍ଥନ ଯୋଗୁ ବିଶ୍ୱ ଦରବାରରେ ଭାରତର ଛବି ଖରାପ ହେଉଛି ବୋଲି ଅନେକ ଲୋକ ମତ ଦେଇଛନ୍ତି। ତେବେ ରାକେଶ କହିଛନ୍ତି, “ହଲିଉଡ ଷ୍ଟାରମାନେ ଚାଷୀ ଆନ୍ଦୋଳନକୁ ସମର୍ଥକ କରିବା କୌଣସି ଖରାପ ଜିନିଷ ନୁହେଁ।

ମୁଁ ବ୍ୟକ୍ତିଗତ ଭାବେ ସେମାନଙ୍କୁ ଜାଣିନି। କିନ୍ତୁ ସେମାନେ କୌଣସି ଆଶା ନ ରଖି ଆମ ଆନ୍ଦୋଳନକୁ ସମର୍ଥନ କରୁଛନ୍ତି। ସଂଯୁକ୍ତ କିଷାନ ମୋର୍ଚ୍ଚା ଯଦି ଏଥିପାଇଁ ସେଲେବ୍ରିଟିଙ୍କୁ ଧନ୍ୟବାଦ ଜଣାଇଛି, ତା’ହେଲେ ଭାରତୀୟ କିଷାନ ୟୁନିୟନ ମଧ୍ୟ ସମସ୍ତଙ୍କୁ ଧନ୍ୟବାଦ ଜଣାଉଛି।”

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos