ନୂଆଦିଲ୍ଲୀ: ପୁଣିଥରେ ବିସ୍ତାରବାଦୀ ଚାଇନାର ଆଉ ଏକ ଚାଲ ସାମ୍ନାକୁ ଆସିଛି। ଚାଇନା ବିବାଦୀୟ ପାଙ୍ଗୋଙ୍ଗ ହ୍ରହରେ ବେଆଇନ ଭାବେ ବ୍ରିଜ୍ କାମ ଜୋରସୋରରେ ଚଳାଇଛି। ଏବେ ପ୍ରବଳ ତୁଷାର ପାତ ହେଉଛି। ଏହି ତୁଷାର ପାତ ବନ୍ଦ ହେବା ପୂର୍ବରୁ ହିଁ ବ୍ରିଜ୍ କାମ ଶେଷ କରି ଚାଇନା ପଡ଼ୋଶୀ ଭାରତକୁ ଚେକ୍ ଦେବାକୁ ଚାହୁଁଥିବା ନୂଆ ସ୍ୟାଟେଲାଇଟ ଛବିରୁ ତଥ୍ୟ ସାମ୍ନାକୁ ଆସିଛି।
ଚାଇନା ପାଙ୍ଗୋଙ୍ଗରେ ନିର୍ମାଣ କରୁଥିବା ବ୍ରିଜ୍ର ଲମ୍ବ ୪୦୦ ମିଟର ଓ ଚଉଡ଼ା ୮ ମିଟର। ପାଙ୍ଗୋଙ୍ଗର ଉତ୍ତର ଉପକୂଳରେ ଥିବା ଗୋଟିଏ ଚାଇନିଜ୍ ଆର୍ମି ଫିଲ୍ଡର ଦକ୍ଷିଣ ଭାଗରେ ଏହି ବ୍ରିଜ୍ଟି ରହିଛି। ୨୦୨୦ ମସିହାରେ ଭାରତ ଓ ଚାଇନା ମଧ୍ୟରେ ଯେତେବେଳେ ବିବାଦ ହୋଇଥିଲା ଏଠାରେ ବେଜିଂର ହସ୍ପିଟାଲ ଓ ଯବାନଙ୍କ ରହିବା ପାଇଁ ବିଭିନ୍ନ ନିର୍ମାଣ କାମ କରାଯାଇଥିବା ଦେଖିବାକୁ ମିଳିଥିଲା।
ଜାନୁଆରୀ ୧୬ର ସ୍ୟାଟେଲାଇଟ ଛବିରୁ ସ୍ପଷ୍ଟ ହୋଇଛି ଯେ ବ୍ରିଜ୍ କାମ ଯଥାଶୀଘ୍ର ଶେଷ କରିବାକୁ ବେଜିଂ ଶ୍ରମିକମାନେ ଜୋରଦାର ଉଦ୍ୟମ କରୁଛନ୍ତି। ଶ୍ରମିକମାନେ ଗୋଟିଏ ବଡ଼ କ୍ରେନ୍ ସହାୟତାରେ ବ୍ରିଜ୍ର ପିଲାରଗୁଡ଼ିକୁ କଂକ୍ରିଟ୍ ସ୍ଲାବ ସହ ଯୋଡ଼ିବା କାମରେ ଲାଗିଛନ୍ତି। ଏହା ଉପରେ tarmac ବିଛାଯିବ।
ନିର୍ମାଣ ଗତିକୁ ଦେଖିଲେ ଏହି ବ୍ରିଜ୍ କାମ ଆସନ୍ତା କିଛି ମାସ ମଧ୍ୟରେ ଶେଷ ହୋଇଯିବ ବୋଲି କୁହାଯାଉଛି। ତେବେ ଚାଇନାର ମୁଖ୍ୟ ସାମରିକ ହବ୍ ରୁଟୋଗକୁ ସଡ଼କ ପଥ ଯୋଗେ ସଂଯୋଗ କରିବା ପାଇଁ ଆହୁରି ଅଧିକ ସମୟ ଲାଗିବ। ପାଙ୍ଗୋଙ୍ଗରେ ବ୍ରିଜ୍ ନିର୍ମାଣ ହେଉଥିବା ସମ୍ପର୍କରେ ପ୍ରଥମେ ଦି ପ୍ରିଣ୍ଟ୍ ରିପୋର୍ଟ ପ୍ରକାଶ କରିଥିଲା।
ଏବେ ହାଇ ରିଜୋଲ୍ୟୁସନ୍ ସ୍ୟାଟେଲାଇଟ୍ ଚିତ୍ର ସାମ୍ନାକୁ ଆସିଛି। ଏହି ବ୍ରିଜ୍ ଦ୍ୱାରା ଚାଇନା ପାଙ୍ଗୋଙ୍ଗ କୂଳକୁ ବିବାଦ ସମୟରେ ଶୀଘ୍ର ସୈନ୍ୟ ବାହିନୀ ପଠାପାରିବ ବୋଲି କୁହାଯାଉଛି।
ଉତ୍ତର ଉପକୂଳରେ ରହୁଥିବା ଯବାନମାନଙ୍କୁ ଆଉ ରୁଟୋଗ ବେସ୍ରେ ପହଞ୍ଚିବା ପାଇଁ ପାଙ୍ଗୋଙ୍ଗ ହ୍ରଦ ଚାରିପାଖରେ ୨୦୦ କିମି ରାସ୍ତା ଅତିକ୍ରମ କରିବାକୁ ପଡ଼ିବ ନାହିଁ। ସେମାନେ ବ୍ରିଜ୍କୁ ବ୍ୟବହାର କଲେ, ୧୫୦ କିମି ଦୂରତା କମି ଯିବ। ଯଥାଶୀଘ୍ର ବ୍ରିଜ କାମ ଶେଷ କରିବାକୁ ଚାଇନା ବଡ଼ବଡ଼ କ୍ରେନ ଓ ଯନ୍ତ୍ରପାତିର ବ୍ୟବହାର କରୁଛି।
ଏହା ଖରାପ ପାଗ ଓ ପ୍ରବଳ ତୁଷାର ପାତ ସମୟରେ ମଧ୍ୟ ନିର୍ମାଣ କାମକୁ ତ୍ୱରାନ୍ୱିତ କରିପାରିବ। ଏଥିସହ ପାଙ୍ଗୋଙ୍ଗର ଉତ୍ତର ଭାଗରେ ଚାଇନା ସହଜରେ ଯିବା ଆସିବା କରିବା ପାଇଁ ରାସ୍ତା ମଧ୍ୟ ନିର୍ମାଣ କରୁଛି।
Incase you're still wondering why the new bridge at #PangongTso matters, here's an explainer on its implications & potential advantages it holds for #China's troops in the area, very likely a lesson learnt from #India's maneuvers at Rezang La in 2020 https://t.co/wsQwQuHQT9 pic.twitter.com/xoAzkWIhqY
— Damien Symon (@detresfa_) January 4, 2022
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।