ପାର୍ବଣ ପରେ ପୁଣି ମୁଣ୍ଡ ଟେକୁଛି କି ମହାମାରୀ କରୋନା?

ଭୋପାଳ: ତଳ ମୁହାଁ ହୋଇଥିବା ମହାମାରୀ କରୋନା ଭାଇରସ ପୁଣିଥରେ ତା’ର ତାଉ ଦେଖାଇବା ଆରମ୍ଭ କରିଛି କି? ପାର୍ବଣ ଛୁଟିରେ ମସଗୁଲ ରହିଥିବା ଲୋକମାନେ ଏବେ ଏହି ଭାଇରସର ପଞ୍ଝାରେ ପଡ଼ିଆ ଆରମ୍ଭ କରିଛନ୍ତି କି? ଏମିତି ଅନେକ ପ୍ରଶ୍ନ ଭିତରେ ମଧ୍ୟପ୍ରଦେଶରୁ ବିଚଳିତ କରିବା ଭଳି ଖବର ସାମ୍ନାକୁ ଆସୁଛି। ପ୍ରଥମେ କେରଳରେ କରୋନା ସଂକ୍ରମଣ ଉପର ମୁହାଁ ହୋଇଥିବା ବେଳେ ଏବେ ମଧ୍ୟପ୍ରଦେଶରେ ସମାନ ସ୍ଥିତି ସୃଷ୍ଟି ହେବାର ଆଶଙ୍କା ପ୍ରକାଶ ପାଇଛି। […]

corona

corona

Hemant Lenka
  • Published: Wednesday, 24 November 2021
  • Updated: 24 November 2021, 03:05 PM IST

ଭୋପାଳ: ତଳ ମୁହାଁ ହୋଇଥିବା ମହାମାରୀ କରୋନା ଭାଇରସ ପୁଣିଥରେ ତା’ର ତାଉ ଦେଖାଇବା ଆରମ୍ଭ କରିଛି କି? ପାର୍ବଣ ଛୁଟିରେ ମସଗୁଲ ରହିଥିବା ଲୋକମାନେ ଏବେ ଏହି ଭାଇରସର ପଞ୍ଝାରେ ପଡ଼ିଆ ଆରମ୍ଭ କରିଛନ୍ତି କି? ଏମିତି ଅନେକ ପ୍ରଶ୍ନ ଭିତରେ ମଧ୍ୟପ୍ରଦେଶରୁ ବିଚଳିତ କରିବା ଭଳି ଖବର ସାମ୍ନାକୁ ଆସୁଛି।

ପ୍ରଥମେ କେରଳରେ କରୋନା ସଂକ୍ରମଣ ଉପର ମୁହାଁ ହୋଇଥିବା ବେଳେ ଏବେ ମଧ୍ୟପ୍ରଦେଶରେ ସମାନ ସ୍ଥିତି ସୃଷ୍ଟି ହେବାର ଆଶଙ୍କା ପ୍ରକାଶ ପାଇଛି। ଗତ ୧୫ ଦିନ ମଧ୍ୟରେ ଚିହ୍ନଟ ହୋଇଥିବା ମୋଟ ସଂକ୍ରମିତଙ୍କ ମଧ୍ୟରୁ କେବଳ ଶେଷ ୩ ଦିନରେ ୩୦% ଆକ୍ରାନ୍ତ ରହିଛନ୍ତି। ଏହାର ଅର୍ଥ ଧୀରେଧୀରେ ମଧ୍ୟପ୍ରଦେଶରେ ପୁଣିଥରେ କରୋନା ଭାଇରସ ତା’ର କାୟା ବିସ୍ତାର କରୁଥିବା ଆଶଙ୍କା ସୃଷ୍ଟି ହୋଇଛି।

ନଭେମ୍ବର ୭ରୁ ନଭେମ୍ବର ୨୨ ମଧ୍ୟରେ ରାଜ୍ୟରୁ ୧୩୭ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏହି ୧୩୭ କେସ୍ ମଧ୍ୟରୁ ନଭେମ୍ବର ୨୦ରୁ ୨୨ ମଧ୍ୟରେ ୪୧ ଜଣ ବା ୨୯%ରୁ ଅଧିକ ଲୋକ ଆକ୍ରାନ୍ତ ହୋଇଛନ୍ତି। ୧୫ ଦିନ ତଳରେ ଯେଉଁ ୩ ଜିଲ୍ଲାରେ କୌଣସି ସକ୍ରିୟ ରୋଗୀ ନଥିଲେ ଏବେ ସେଠାରେ ଅତିକମରେ ଜଣେ ଆକ୍ରାନ୍ତ ରହିଛନ୍ତି। ଦାମୋହରେ କୌଣସି ସକ୍ରିୟ ରୋଗୀ ନଥିଲେ। ହେଲେ ଏବେ ସେଠାରେ ୧୧ ଜଣ କରୋନା ରୋଗୀ ରହିଛନ୍ତି।

ଏମାନେ ସମସ୍ତେ ନଭେମ୍ବର ୨୦,୨୧ ଓ ୨୨ ତାରିଖରେ କରୋନାରେ ଆକ୍ରାନ୍ତ ହୋଇଛନ୍ତି। ସେହିପରି ଶାହଡୋଲରେ ମଧ୍ୟ କୌଣସି ସକ୍ରିୟ ରୋଗୀ ନଥିଲେ। କିନ୍ତୁ ନଭେମ୍ବର ୨୧ରେ ଏଠାରେ ୨ ଜଣଙ୍କ ଟେଷ୍ଟ ରିପୋର୍ଟ ପଜଟିଭ ଆସିଛି। ନଭେମ୍ବର ୧୯ରେ ବରୱାନି ଜିଲ୍ଲାରେ ପୁଣି ଜଣେ ବ୍ୟକ୍ତି କରୋନାରେ ଆକ୍ରାନ୍ତ ହୋଇଛନ୍ତି।

ଭୋପାଲରେ ୫୦ ଜଣ କରୋନାରେ ଆକ୍ରାନ୍ତ ହୋଇଥିବା ବେଳେ ଇନ୍ଦୋରରେ ୪୪ ଜଣ ଓ ଜବଲପୁର ଏବଂ ଦାମୋହରେ ୧୧ ଜଣ ଲେଖାଏ ବ୍ୟକ୍ତି ମହାମାରୀ ପଞ୍ଝାରେ ପଡ଼ିଛନ୍ତି।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos