ଅହମଦାବାଦ: ଗୁଜରାଟର ଅହମଦାବାଦରେ ଥିବା ଗୋଟିଏ ମେଡିକାଲ କଲେଜର ନାଁକୁ ବଦଳାଇ ଦିଆଯାଇଛି। ଏଠାରେ ଥିବା ମେଡିକାଲ କଲେଜର ନାଁ ନରେନ୍ଦ୍ର ମୋଦି ମେଡିକାଲ କଲେଜ ରଖାଯାଇଛି। ପୂର୍ବରୁ ଏହା ଏଲଜି ମେଡିକାଲ କଲେଜ ଭାବେ ପରିଚୟ ହାସଲ କରିଥିଲା। ହେଲେ ଏବେ ଏହା ପ୍ରଧାନମନ୍ତ୍ରୀ ମୋଦିଙ୍କ ନାଁରେ ପରିବର୍ତ୍ତନ ହୋଇଛି।
ଏହି ନାମ ପରିବର୍ତ୍ତନ ଧାରାକୁ ଟିଆରଏସର କାର୍ଯ୍ୟକାରୀ ସଭାପତି ତଥା ତେଲେଙ୍ଗାନାର ଶିଳ୍ପମନ୍ତ୍ରୀ କେଟି ରାମା ରାଓ(କେଟିଆର) ତୀବ୍ର ସମାଲୋଚନା କରିଛନ୍ତି। ସେ ନାଁ ବଦଳ ପାଇଁ ପ୍ରଧାନମନ୍ତ୍ରୀ ମୋଦି ଓ ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କୁ ଟାର୍ଗେଟ କରିଛନ୍ତି।
ଟ୍ୱିଟ ଯୋଗେ କେଟିଆର ପ୍ରଧାନମନ୍ତ୍ରୀ ମୋଦି ଓ ସୀତାରମଣଙ୍କୁ ଗାନ୍ଧିଜୀ ବାଣ ମାରିଛନ୍ତି। ସେ ଟ୍ୱିଟ କରି କହିଛନ୍ତି ଯେ ଅହମଦାବାଦରେ ଥିବା ଏଲଜି ମେଡିକାଲ କଲେଜର ନାଁକୁ ବଦଳାଇ ନରେନ୍ଦ୍ର ମୋଦି ମେଡିକାଲ କଲେଜ ରଖାଯାଇଛି।
ପୂର୍ବରୁ ସର୍ଦ୍ଦାର ପଟେଲ ଷ୍ଟାଡିୟମର ନାଁକୁ ନରେନ୍ଦ୍ର ମୋଦି ଷ୍ଟାଡିୟମ କରାଯାଇଥିଲା। ଯଦି ଅର୍ଥମନ୍ତ୍ରୀ ନିର୍ମଳାଜୀ ଏହି ଧାରା ଜାରି ରଖିବେ, ତା’ହେଲେ ଖୁବଶୀଘ୍ର ଆରବିଆଇକୁ ନୂଆ ନୋଟ ଛାପିବା ପାଇଁ ନିର୍ଦ୍ଦେଶ ଦେଇ ପାରିବେ ଓ ଏହି ନୋଟରେ ଗାନ୍ଧିଜୀଙ୍କ ବଦଳରେ ମୋଦିଜୀଙ୍କ ଫଟୋ ମଧ୍ୟ ରଖିପାରିବେ ବୋଲି ସେ କହିଛନ୍ତି।
LG medical college in Ahmedabad renamed as Narendra Modi medical college!
Already Sardar Patel stadium has been renamed as Narendra Modi stadium
If FM Nirmala Ji has her way, RBI may soon be ordered to print new currency notes where Mahatma Gandhi Ji will be replaced by Modi Ji
— KTR (@KTRTRS) September 16, 2022
ଏହାପୂର୍ବରୁ ମଧ୍ୟ ଏହି ନାଁ ବଦଳ ନୀତିକୁ ନେଇ କେଟିଆର ବିଜେପିକୁ ସିଧାସଳଖ ଟାର୍ଗେଟ କରିଥିଲେ। ଝାରଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ତଥା ବିଜେପି ନେତା ରଘୁବର ଦାସ କହିଥିଲେ ଯେ ତାଙ୍କ ଦଳ ଯଦି ତେଲେଙ୍ଗାନାରେ କ୍ଷମତାକୁ ଆସିବ, ତା’ହେଲେ ହାଇଦ୍ରାବାଦର ନାଁକୁ ଭାଗ୍ୟନଗରରେ ପରିବର୍ତ୍ତନ କରାଯିବ। ଏହାର ଜବାବରେ କେଟିଆର କହିଥିଲେ ଯେ ବିଜେପି ପ୍ରଥମେ କାହିଁକି ଅହମଦାବାଦର ନାଁକୁ ଆଦାନୀବାଦରେ ପରିବର୍ତ୍ତନ କରୁନାହିଁ?
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।