ପାଟନା: କରୋନାର ଦ୍ୱିତୀୟ ଲହରୀକୁ ରୋକିବା ପାଇଁ ଟିକାକରଣ କାର୍ଯ୍ୟକ୍ରମକୁ ଜୋରଦାର କରାଯାଉଛି। ଏଥିପାଇଁ ବିଭିନ୍ନ ରାଜ୍ୟକୁ ଟିକା ମଧ୍ୟ ପଠାଯାଉଛି। ଏସବୁ ଭିତରେ ଆଶ୍ଚର୍ଯ୍ୟ କରିବା ଭଳି ଗୋଟିଏ ଭିଡିଓ ସାମ୍ନାକୁ ଆସିଛି। ବିହାରର ପାଟନାକୁ ପ୍ରାୟ ୯ ଲକ୍ଷ ଟିକାର ଡୋଜ୍ ନେଇ ଯାଉଥିବା ଗୋଟିଏ ଗାଡ଼ି ଅଧା ରାସ୍ତାରେ ଖରାପ ହୋଇଯାଇଛି।
ରାସ୍ତାରେ ଟିକା ଭର୍ତ୍ତି ଗାଡ଼ିର ବ୍ୟାଟେରୀ ଡାଉନ ହୋଇଯିବାରୁ ଲୋକମାନେ ଏହାକୁ ଧକ୍କା ଦେଉଥିବା ବେଳର ଦୃଶ୍ୟ ଦେଖିବାକୁ ମିଳିଛି। ଲୋକମାନେ ଧକ୍କା ଦେବାରୁ ଗାଡ଼ିଟି ପୁଣି ଷ୍ଟାର୍ଟ ହୋଇ ନିଜର ଗନ୍ତବ୍ୟ ସ୍ଥଳକୁ ଯାଇଥିଲା। ଏହି ଭିଡିଓକୁ ଏନଡିଭି ସାମ୍ବାଦିକ ମନୀଷ କୁମାର ଟ୍ୱିଟ କରିଛନ୍ତି। ସେ ଲେଖିଛନ୍ତି, “ବ୍ୟାଟେରୀ ଡାଉନ କାରଣରୁ ଭିଡିଓରେ ଯେଉଁ ଗାଡ଼ିକୁ ଧକ୍କା ଦିଆଯାଉଛି, ସେଥିରେ ପ୍ରାୟ ୯ ଲକ୍ଷ କରୋନା ଟିକା ରହିଛି। ଆଜି ଏହି ଟିକା ବିହାରର ପାଟନାରେ ପହଞ୍ଚିଛି।”
जिस वाहन को बैटरी डाउन होने के कारण धक्का दिया जा रहा हैं उसमें कोरोना के क़रीब नौ लाख वैक्सीन दोज हैं जो आज पटना पहुँचा ।@ndtvindia @Anurag_Dwary @Suparna_Singh @mangalpandeybjp @NitishKumar pic.twitter.com/gGlJTSNonW
— manish (@manishndtv) April 9, 2021
ଏହି ଭିଡିଓ ପୋଷ୍ଟ ହେବା ପରେ ଭାଇରାଲ ହେବାରେ ଲାଗିଛି। ଖରାପ ଗାଡ଼ିରେ ଟିକା ପରିବହନ କରାଯାଉଥିବାରୁ ଅନେକ ଲୋକ ମୁଖ୍ୟମନ୍ତ୍ରୀ ନୀତୀଶ କୁମାରଙ୍କୁ ଟାର୍ଗେଟ କରିଛନ୍ତି। ଜଣେ ଟ୍ୱିଟର ବ୍ୟବହାରକାରୀ ଲେଖିଛନ୍ତି, ତେଜସ୍ୱୀ ଯାଦବ ଠିକ କଥା କହିଥିଲେ। ମୁଖ୍ୟମନ୍ତ୍ରୀ ମହୋଦୟ ଡିପ୍ରେସନରେ ଅଛନ୍ତି। ଲାଗୁଛି ସରକାରକୁ ମଧ୍ୟ ଧକ୍କା ମାରି ମାରି ଚଳାଉଛନ୍ତି ବୋଲି ସେ କଟାକ୍ଷ କରିଛନ୍ତି।
Tejashwi yadav ne sahi kaha cm shab depression me hai jabse 43 seat aai ye sawal puchiega aap aaj
Sarkar bhi aise hi 4 paiyo ki dhakke maar maarke chal rhi hai— Arpit Jain (@Aman782000) April 9, 2021
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।