କୋଲକାତା: ପଶ୍ଚିମବଙ୍ଗ ବିଧାନସଭା ନିର୍ବାଚନରେ ବଡ଼ ବିଜୟ ହାସଲ କରିବା ଦିଗରେ ଶାସକ ଟିଏମସି। ଗୋଟିଏ ପଟେ ଭୋଟ ଗଣତି ଜାରି ରହିଥିବା ବେଳେ ଅନ୍ୟପଟେ ଟ୍ରେଣ୍ଡ ଆସିବାରେ ଲାଗିଛି। ଗଣତି ଆରମ୍ଭ ହେବା ମାତ୍ରେ ବିଜେପି ଆଗରେ ରହିଥିଲା। କିନ୍ତୁ ଏବେ ନିର୍ବାଚନ କମିଶନ ଜାରି କରିଥିବା ଟ୍ରେଣ୍ଡ ଅନୁଯାୟୀ, ମମତା ବାନାର୍ଜୀଙ୍କ ଟିଏମସି ୨୦୪ଟି ଆସନରେ ଆଗରେ ରହିଛି।
ବିଜେପି ମାତ୍ର ୮୫ଟି ଆସନରେ ଲିଡ୍ କରୁଛି। କିଛି ସମୟ ପୂର୍ବରୁ ଟିଏମସି ଓ ବିଜେପି ମଧ୍ୟରେ ଜୋରଦାର ଟକ୍କର ଦେଖିବାକୁ ମିଳିଥିଲା। ବିଜେପି ୧୧୫ଟି ଆସନରେ ଆଗରେ ମଧ୍ୟ ଥିଲା। ହେଲେ ଏବେ ଟିଏମସି ଯଥେଷ୍ଟ ଆଗକୁ ଚାଲି ଯାଇଛି। ବାମ ମେଣ୍ଟ ଗୋଟିଏ ଆସନରେ ଆଗରେ ଥିବା ବେଳେ ଅନ୍ୟାନ୍ୟ ଦଳ ୨ଟି ଆସନରେ ଆଗରେ ରହିଛନ୍ତି।
#WATCH TMC supporters celebrate at Kalighat, Kolkata as party leads on 202 seats as per official trends#WestBengalElections2021 pic.twitter.com/iiOyPhf8be
— ANI (@ANI) May 2, 2021
ପଶ୍ଚିମବଙ୍ଗ ବିଧାନସଭାର ୨୯୪ଟି ଆସନରୁ ୨୯୨ଟି ଆସନରେ ଭୋଟ ହୋଇଥିଲା। ଏଠାରେ ସରକାର ଗଠନ ପାଇଁ ମ୍ୟାଜିକ ନମ୍ବର ହେଉଛି ୧୪୭। ଏବେଠାରୁ ଟିଏମସି ୨୦୪ ଆସନରେ ଲିଡ୍ କରିଥିବାରୁ ଦଳୀୟ କର୍ମୀମାନେ ଉତ୍ସବ ମନାଇବା ଆରମ୍ଭ କରିଛନ୍ତି।
ଦେହରେ ଟିଏମସିର ନୀଳ ରଙ୍ଗ ବୋଳି ଦଳୀୟ କର୍ମୀମାନେ ବିଭିନ୍ନ ସ୍ଥାନରେ ନାଚିବା ଆରମ୍ଭ କଲେଣି। ଆସନସୋଲରେ କିଛି କର୍ମୀ ବାଣ ଫୁଟାଇଥିବା ବେଳେ କୋଲକାତାର କାଳିଘାଟରେ ଖୁସିରେ ନାଚିଛନ୍ତି। ସେହିପରି ସବୁଆଡ଼େ କର୍ମୀମାନେ ସେଲଫି ନେଇ ବିଜୟ ପାଇଁ ନିଜକୁ ପ୍ରସ୍ତୁତ କରୁଛନ୍ତି।
#WATCH | Celebrations by TMC supporters begin in Asansol as official trends show the party leading on 202 seats so far. The Election Commission has banned any victory procession amid the #COVID19 situation in the country.#WestBengalElections2021 pic.twitter.com/2sEtXI7mF6
— ANI (@ANI) May 2, 2021
ଅନ୍ୟପକ୍ଷରେ ନିର୍ବାଚନ କମିଶନ କରୋନା ସଂକ୍ରମଣକୁ ଦୃଷ୍ଟିରେ ରଖି ସବୁ ପ୍ରକାରର ବିଜୟ ଉତ୍ସବ ଉପରେ ରୋକ ଲଗାଇଛନ୍ତି। ତଥାପି ବେଙ୍ଗଲ ଓ ତାମିଲନାଡୁରେ ରାଜନୀତିକ ଦଳର କର୍ମୀମାନେ ଏକାଠି ସେଲିବ୍ରେସନରେ ମାତି ଥିବାରୁ କମିଶନ ଅସନ୍ତୋଷ ପ୍ରକାଶ କରିଛନ୍ତି। ନିୟମ ଉଲ୍ଲଙ୍ଘନକାରୀଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ନିର୍ବାଚନ କମିଶନ ସଂପୃକ୍ତ ରାଜ୍ୟର ମୁଖ୍ୟ ଶାସନ ସଚିବମାନଙ୍କୁ ନିର୍ଦ୍ଦେଶ ଦେଇଛନ୍ତି। ଏଫଆଇଆର ରୁଜୁ କରିବା ସହ ସ୍ଥାନୀୟ ଏସଏଚ୍କୁ ନିଲମ୍ବନ କରିବାକୁ ନିର୍ଦ୍ଦେଶ ଦେଇଛନ୍ତି।
ECI takes serious note of reports coming in of congregation(s) of people to celebrate anticipated victory. EC has directed Chief Secretaries of all 5 states to file FIR in each such case, suspend concerned SHO and report action taken immediately of each such incidence: ECI pic.twitter.com/DddH6KA804
— ANI (@ANI) May 2, 2021
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
