ଶ୍ରୀନଗର: ଦୀର୍ଘ ୧୧ ମାସ ପରେ କଶ୍ମୀର ଉପତ୍ୟକା ଓ ଜମ୍ମୁ ଡିଭିଜନ ମଧ୍ୟରେ ଆଜିଠାରୁ ଟ୍ରେନ୍ ସେବା ଆରମ୍ଭ ହେବ। ମହାମାରୀ କରୋନା ଯୋଗୁ ୧୧ ମାସ ହେଲା କଶ୍ମୀର ଓ ଜମ୍ମୁ ମଧ୍ୟରେ ଟ୍ରେନ୍ ଗଡ଼ୁ ନଥିଲା। ହେଲେ ଆଜି ବାରମୁଲ୍ଲାରୁ ବନିହାଲ ମଧ୍ୟରେ ଟ୍ରେନ ଗଡ଼ିବ।
ଜଣେ ରେଳ ଅଧିକାରୀ କହିଛନ୍ତି, ଦୀର୍ଘ ମାସ ପରେ ଟ୍ରେନ୍ ସେବା ଆରମ୍ଭ ହେବାକୁ ଯାଉଛି। ଏଥିପାଇଁ ଗତକାଲି ୧୩୭ କିମିର ଡ୍ରାଏ ରନ୍ କରାଯାଇଥିଲା। ବାରମୁଲ୍ଲାରୁ ବନିହାଲ ଯାଏ ବିନା ଯାତ୍ରୀରେ ଟ୍ରେନ୍ ଚଳାଚଳ କରି ଆମେ ସବୁ ପ୍ରକାରର ପ୍ରସ୍ତୁତି ଶେଷ କରିଛୁ। ଆଜି ଦିନ ୧୧.୨୬ରୁ ବନିହାଲରୁ ଗୋଟିଏ ଟ୍ରେନ୍ ବାରମୁଲ୍ଲା ଯିବ। ସେହିପରି ବାରମୁଲ୍ଲାରୁ ଆଉ ଏକ ଟ୍ରେନ୍ ସକାଳ ୯.୧୦ରେ ବନିହାଲ ଅଭିମୁଖେ ଯାତ୍ରା ଆରମ୍ଭ କରିବ।
ଦୈନିକ ଦୁଇଟି ଟ୍ରେନ୍ ଏହି ଦୁଇ ସ୍ଥାନ ମଧ୍ୟରେ ଚଳାଚଳ କରିବାକୁ ପ୍ରାରମ୍ଭିକ ଭାବେ ନିଷ୍ପତ୍ତି ହୋଇଛି। ସ୍ଥିତିକୁ ଦେଖି ଟ୍ରେନ୍ ସଂଖ୍ୟା ମଧ୍ୟ ବୃଦ୍ଧି କରାଯିବ। ବାରମୁଲ୍ଲାରୁ ବନିହାଲ ମଧ୍ୟରେ ୧୭ଟି ଷ୍ଟେସନ ରହିଥିବା ସେ ସୂଚନା ଦେଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।