କରୋନା ସଂକ୍ରମଣ ଭିତରେ ଏକାଠି ଇସ୍ତଫା ଦେଲେ ଗୋଟିଏ ଜିଲ୍ଲାର ୧୪ ଡାକ୍ତର

ଲକ୍ଷ୍ନୌ: ମହାମାରୀ କରୋନା ଭିତରେ ଉତ୍ତର ପ୍ରଦେଶର ଉନ୍ନାଓରୁ ବିଚଳିତ କରିବା ଭଳି ଘଟଣା ଘଟିଛି। ଜିଲ୍ଲାର ଗ୍ରାମାଞ୍ଚଳ ହସ୍ପିଟାଲଗୁଡ଼ିକର ଦାୟିତ୍ୱରେ ଥିବା ୧୪ ଜଣ ଡାକ୍ତର ଏକାଠି ଇସ୍ତଫା ଦେଇଛନ୍ତି। ଜିଲ୍ଲାରେ କରୋନା ସଂକ୍ରମଣ ବଢ଼ୁଥିବା ବେଳେ ସରକାର ସେମାନଙ୍କୁ ବଳିର ବୋଦା ବନାଇବାରେ ଲାଗିଛନ୍ତି। ଏଥିପାଇଁ ସେମାନେ ନିଜ ନିଜ ପଦରୁ ଇସ୍ତଫା ଦେଇଥିବା କଥା କହିଛନ୍ତି। ଇସ୍ତଫା ଦେଇଥିବା ଡାକ୍ତରମାନେ ଉନ୍ନାଓରେ ଥିବା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଓ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରଗୁଡ଼ିକରେ କାର୍ଯ୍ୟ […]

Doctors

Doctors

Hemant Lenka
  • Published: Thursday, 13 May 2021
  • Updated: 13 May 2021, 04:10 PM IST

Sports

Latest News

ଲକ୍ଷ୍ନୌ: ମହାମାରୀ କରୋନା ଭିତରେ ଉତ୍ତର ପ୍ରଦେଶର ଉନ୍ନାଓରୁ ବିଚଳିତ କରିବା ଭଳି ଘଟଣା ଘଟିଛି। ଜିଲ୍ଲାର ଗ୍ରାମାଞ୍ଚଳ ହସ୍ପିଟାଲଗୁଡ଼ିକର ଦାୟିତ୍ୱରେ ଥିବା ୧୪ ଜଣ ଡାକ୍ତର ଏକାଠି ଇସ୍ତଫା ଦେଇଛନ୍ତି। ଜିଲ୍ଲାରେ କରୋନା ସଂକ୍ରମଣ ବଢ଼ୁଥିବା ବେଳେ ସରକାର ସେମାନଙ୍କୁ ବଳିର ବୋଦା ବନାଇବାରେ ଲାଗିଛନ୍ତି। ଏଥିପାଇଁ ସେମାନେ ନିଜ ନିଜ ପଦରୁ ଇସ୍ତଫା ଦେଇଥିବା କଥା କହିଛନ୍ତି।

ଇସ୍ତଫା ଦେଇଥିବା ଡାକ୍ତରମାନେ ଉନ୍ନାଓରେ ଥିବା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଓ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରଗୁଡ଼ିକରେ କାର୍ଯ୍ୟ କରୁଥିଲେ। ଏହି ହସ୍ପିଟାଲଗୁଡ଼ିକ ଉପରେ ଗ୍ରାମାଞ୍ଚଳର ଲୋକମାନେ ହିଁ ଚିକିତ୍ସା ପାଇଁ ନିର୍ଭର କରନ୍ତି। ମିଳିତ ଇସ୍ତଫାପତ୍ରରେ ଦସ୍ତଖତ କରିଥିବା ୧୪ ଜଣ ଡାକ୍ତରଙ୍କ ମଧ୍ୟରୁ ୧୧ ଜଣ ବୁଧବାର ସନ୍ଧ୍ୟାରେ ଉନ୍ନାଓର ମୁଖ୍ୟ ମେଡିକାଲ ଅଧିକାରୀଙ୍କ ଅଫିସକୁ ଯାଇଥିଲେ।

ସେମାନେ ସେଠାରେ ମିଳିତ ଇସ୍ତଫାପତ୍ରକୁ ତାଙ୍କ ଡେପୁଟିଙ୍କୁ ହସ୍ତାନ୍ତର କରିଛନ୍ତି। ଇସ୍ତଫାପତ୍ରରେ ଡାକ୍ତରମାନେ କହିଛନ୍ତି, ମହାମାରୀ ସମୟରେ ସେମାନେ କଠିନ ପରିଶ୍ରମ କରୁଛନ୍ତି। ତଥାପି କୌଣସି କାରଣ ନଥାଇ, ଡାକ୍ତରମାନଙ୍କୁ ଖରାପ ବ୍ୟବହାର କରାଯାଉଛି। ସେମାନଙ୍କୁ ଉପଯୁକ୍ତ ସମ୍ମାନ ମଧ୍ୟ ଦିଆଯାଉନି।

ଆମ ଟିମ ଦିନରାତି ଏକ କରି ଲୋକଙ୍କ କାମ କରୁଛି। ହେଲେ ଆମେ କିଛି କାମ କରୁନାହୁଁ ବୋଲି କୁହାଯାଉଛି। ଡିଏମଙ୍କ ଠାରୁ ଆରମ୍ଭ କରି ଅନ୍ୟ ଅଧିକାରୀ, ଏସଡିଏମ ଓ ତହସିଲଦାର ଆମକୁ ସୁପରଭାଇଜ କରୁଛନ୍ତି। ସେମାନେ ବାରମ୍ବାର କେବଳ ରିଭ୍ୟୁମ ମିଟିଂ କରୁଛନ୍ତି।

ଆମ ଟିମ୍‌ ମଧ୍ୟାହ୍ନରୁ କୋଭିଡ୍‌ ପଜିଟିଭ ରୋଗୀଙ୍କୁ ଚିହ୍ନଟ କରି ଆଇସଲେଟ କରିବା କାର୍ଯ୍ୟରେ ଲାଗୁଛନ୍ତି। ନମୁନା ସଂଗ୍ରହ ଠାରୁ ଆରମ୍ଭ କରି ମେଡିସିନ ଓ ସେବା ଯୋଗାଉଛନ୍ତି। ସବୁ କିଛି ସନ୍ଧ୍ୟା ବେଳକୁ ଶେଷ ହେଉଛି। ଏହି ସମୟରେ ହଠାତ୍‌ ଏସଡିଏମ ଫୋନ କରି ରିଭ୍ୟୁ ମିଟିଂ ଡାକି ଦେଉଛନ୍ତି।

ଯଦି କେହି ୩୦ କିମି ଦୂରରେ କାର୍ଯ୍ୟ କରୁଛି, ତା’ହେଲେ ସେ ମଧ୍ୟ ଏହି ତଥାକଥିତ ରିଭ୍ୟୁ ମିଟିଂକୁ ଆସିବାକୁ ବାଧ୍ୟ ହେଉଛି। ଆମେ କାମ କରୁଛୁ ବୋଲି ଆମକୁ ପ୍ରମାଣିତ କରିବାକୁ ପଡ଼ୁଛି। ଆମେ ଠିକ୍‌ ଭାବେ କାମ କରୁ ନଥିବାରୁ ସଂକ୍ରମଣ ବୃଦ୍ଧି ପାଉଛି ବୋଲି ସେମାନେ ବାରମ୍ବାର ଦର୍ଶାଇବାକୁ ଚେଷ୍ଟା କରୁଛନ୍ତି। ଅଧିକାରୀମାନେ ବାରମ୍ବାର କେବଳ ରିଭ୍ୟୁ ମିଟିଂ ଡାକୁଛନ୍ତି। ଏହା କେବେ ଶେଷ ହେଉନାହିଁ। ଏସବୁ ଦୃଷ୍ଟିରେ ରଖି ଆମେ ଇସ୍ତଫା ଦେଉଥିବା ଡାକ୍ତରମାନେ କହିଛନ୍ତି।

ଉନ୍ନାଓର ଜଣେ ବରିଷ୍ଠ ଅଧିକାରୀ କହିଛନ୍ତି, ସବୁ କିଛି ଶୀଘ୍ର ସମାଧାନ ହୋଇଯିବ। ଆମେ ଡାକ୍ତରମାନଙ୍କ ସହ କଥା ହୋଇଛୁ। ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ମଧ୍ୟ ସମସ୍ତଙ୍କ ସହ ଆଲୋଚନା କରାଯାଇଛି। ଆମର ଆଶା ଶୀଘ୍ର ସମସ୍ୟାର ସମାଧାନ ହେବ। ସେମାନେ ଆମ ଟିମ୍‌ର ସଦସ୍ୟ। ସେମାନେ ବାହାର ଲୋକ ନୁହନ୍ତି। ଆମେ ନିଶ୍ଚିତ ଏହି ସମସ୍ୟାର ସମାଧାନ କରିବୁ ବୋଲି ଅଧିକାରୀ ଜଣଙ୍କ କହିଛନ୍ତି।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos