କାହିଁକି କଂଗ୍ରେସ ଛାଡ଼ିଲେ ଜିତିନ ପ୍ରସାଦ, ପଦ୍ମ ଧରିବା ପଛରେ କିଛି ଡିଲ ହୋଇଛି କି?

ନୂଆଦିଲ୍ଲୀ: କଂଗ୍ରେସର ବରିଷ୍ଠ ନେତା ତଥା ବ୍ରାହ୍ମଣ ଚେହେରା ଦଳ ଛାଡ଼ି ବିଜେପିରେ ମିଶିଛନ୍ତି। ବୁଧବାର ବିଜେପିର ଦିଲ୍ଲୀ ମୁଖ୍ୟାଳୟରେ କେନ୍ଦ୍ରମନ୍ତ୍ରୀ ପୀୟୂଷ ଗୋୟଲଙ୍କ ଉପସ୍ଥିତିରେ ସେ ପଦ୍ମ ଧରିଥିଲେ। ଏଥିସହ ସେ ପରବର୍ତ୍ତୀ ସମୟରେ ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହଙ୍କୁ ଭେଟି ଦଳରେ ମିଶିବାର ସୁଯୋଗ ମିଳିଥିବାରୁ ଧନ୍ୟବାଦ ଜଣାଇଛନ୍ତି। ତେବେ ସେ କାହିଁକି କଂଗ୍ରେସ ଛାଡ଼ିଲେ? ବିଜେପିରେ ମିଶିବା ପାଇଁ କେବେ ଠାରୁ ଅପେକ୍ଷା କରିଥିଲେ? କ’ଣ ବିଜେପି ସହ ସେ କିଛି ଡିଲ […]

Jitin

Jitin

Hemant Lenka
  • Published: Thursday, 10 June 2021
  • Updated: 10 June 2021, 05:41 PM IST

ନୂଆଦିଲ୍ଲୀ: କଂଗ୍ରେସର ବରିଷ୍ଠ ନେତା ତଥା ବ୍ରାହ୍ମଣ ଚେହେରା ଦଳ ଛାଡ଼ି ବିଜେପିରେ ମିଶିଛନ୍ତି। ବୁଧବାର ବିଜେପିର ଦିଲ୍ଲୀ ମୁଖ୍ୟାଳୟରେ କେନ୍ଦ୍ରମନ୍ତ୍ରୀ ପୀୟୂଷ ଗୋୟଲଙ୍କ ଉପସ୍ଥିତିରେ ସେ ପଦ୍ମ ଧରିଥିଲେ। ଏଥିସହ ସେ ପରବର୍ତ୍ତୀ ସମୟରେ ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହଙ୍କୁ ଭେଟି ଦଳରେ ମିଶିବାର ସୁଯୋଗ ମିଳିଥିବାରୁ ଧନ୍ୟବାଦ ଜଣାଇଛନ୍ତି।

ତେବେ ସେ କାହିଁକି କଂଗ୍ରେସ ଛାଡ଼ିଲେ? ବିଜେପିରେ ମିଶିବା ପାଇଁ କେବେ ଠାରୁ ଅପେକ୍ଷା କରିଥିଲେ? କ’ଣ ବିଜେପି ସହ ସେ କିଛି ଡିଲ କରିଛନ୍ତି କି? ଏମିତି ଅନେକ ପ୍ରଶ୍ନ ସାଧାରଣରେ ଉଠିବା ଆରମ୍ଭ ହୋଇଛି। ଏସବୁର ଉତ୍ତର ନିଜେ ଜିତିପ ପ୍ରସାଦ ଦେଇଛନ୍ତି।

ସେ ଜାତୀୟ ଗଣମାଧ୍ୟମ ଏନଡିଟିଭିକୁ କହିଛନ୍ତି, କଂଗ୍ରେସ ଛାଡ଼ି ବିଜେପିରେ ମିଶିବା ପାଇଁ ସେ ଦଳର ଅଧ୍ୟକ୍ଷ ଜେପି ନଡ୍ଡା କିମ୍ବା ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହଙ୍କ ସହ କୌଣସି ପ୍ରକାରର ଡିଲ କରିନାହାନ୍ତି। ବିଜେପିରେ ସାମିଲ ହେବାକୁ ସେ ହଠାତ୍‌ ନିଷ୍ପତ୍ତି ନେଇନାହାନ୍ତି। ଦୀର୍ଘ ଦିନରୁ ସେ ଏହି ଦିନକୁ ଅପେକ୍ଷା କରି ବସିଥିଲେ। ତାଙ୍କ ପରିବାରର ୩ ପିଢ଼ି କଂଗ୍ରେସ ଦଳର ସେବା କରିଥିଲେ। କିନ୍ତୁ କଂଗ୍ରେସରେ ରହି କାମ କରିବା ଧୀରେଧୀରେ ତାଙ୍କ ପାଇଁ କଷ୍ଟକର ହୋଇ ପଡ଼ୁଥିଲା। ଏହି କାରଣରୁ ସେ ଦଳ ବଦଳ କରିଛନ୍ତି।

ଜିତିନ କହିଛନ୍ତି, “ମୋତେ ଲାଗିଲା ଜନତା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ରହିଛନ୍ତି। ତେଣୁ ବିଜେପିରେ ରହି ମୁଁ ଲୋକଙ୍କ ସେବା କରିବାର ଅଧିକ ସୁଯୋଗ ପାଇପାରିବି। ଆମେ ସବୁବେଳେ ଜନତାଙ୍କ ସହ ରହିଥାଉ। ତେଣୁ ଆମେ ଜାଣିଛୁ ଲୋକମାନେ କ’ଣ ଚାହୁଁଛନ୍ତି।”

ଜିତିନ ପ୍ରସାଦ କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧି କିମ୍ବା ଦଳର କୌଣସି ନେତାଙ୍କ ସମ୍ପର୍କରେ ବିଶେଷ କିଛି କହିନାହାନ୍ତି। ସେ କହିଛନ୍ତି, “ଯୋଗୀ ଆଦିତ୍ୟନାଥଜୀଙ୍କ ସହ ରହି ଅଧିକ କାମ କରିପାରିବି। ଦଳ ମୋତେ ଯେଉଁ ଦାୟିତ୍ୱ ଦେବ, ତା’କୁ ଠିକ ଭାବେ କରିବି। ବିଶେଷ କରି ବ୍ରାହ୍ମଣ ଚେତନା ମଞ୍ଚରେ ଅଧିକ କାମ ହେବ।”

କ’ଣ କଂଗ୍ରେସ କିଛି କାମ କରିନି ବୋଲି ପ୍ରଶ୍ନରେ ଜିତିନ କହିଛନ୍ତି, “ମୁଁ କେବେ ହେଲେ କଂଗ୍ରେସ କିଛି କରିନାହିଁ ବୋଲି କହିନାହିଁ। ମୋତେ କଂଗ୍ରେସ ସରକାର ବେଳେ କ୍ୟାବିନେଟ ମନ୍ତ୍ରୀ ପଦ ମିଳିଥିଲା। ସେତେବେଳେ ମୁଁ କାମ କରିଛି। କିନ୍ତୁ ମୋତେ ଲାଗୁଛି ବିଜେପି ଗୋଟିଏ ସଂଗଠିତ ଦଳ। ଅନ୍ୟ ଦଳଗୁଡ଼ିକରେ ବ୍ୟକ୍ତିବିଶେଷଙ୍କ ଦବଦବା ରହିଛି। ବ୍ୟକ୍ତିବିଶେଷଙ୍କ ଦବଦବା ଚାଲୁଥିବା ଦଳ ଠିକ ନୁହେଁ।”

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos