ସଚିବାଳୟରେ ଲାଗିଲା ନିଆଁ, ସୁନା ଚୋରା ଚାଲାଣର ପ୍ରମାଣ ନଷ୍ଟ କରିବାର ଗନ୍ଧ ବାରିଲେ ବିରୋଧୀ

ଥିରୁଭନନ୍ତପୁରମ: କେରଳ ସଚିବାଳୟରେ ଆଜି ହଠାତ୍‌ ଅଗ୍ନିକାଣ୍ଡ ଘଟିଛି। ଅଗ୍ନିକାଣ୍ଡ ଯୋଗୁ କିଛି ଫାଇଲ ପୋଡ଼ି ଯାଇଥିବା ଜଣାପଡ଼ିଛି। ଗୋଟିଏ ପଟେ ସୁନା ଚୋରା ଚାଲାଣକୁ ନେଇ କେରଳ ସରକାର ବ୍ୟାକଫୁଟରେ ଥିବା ବେଳେ ଏଭଳି ଅଗ୍ନିକାଣ୍ଡ ପଛରେ ଷଡ଼ଯନ୍ତ୍ର ଥିବା ବିରୋଧୀ ଅଭିଯୋଗ କରିଛନ୍ତି।

ସୁନା ଚୋରା ଚାଲାର ପ୍ରମାଣ ନଷ୍ଟ କରିବା ପାଇଁ ସରକାର ଜାଣିଶୁଣି ସଚିବାଳୟରେ ନିଆଁ ଲଗାଇଛନ୍ତି ବୋଲି ବିରୋଧୀ କଂଗ୍ରେସ ଓ ବିଜେପି ଅଭିଯୋଗ କରିଛନ୍ତି। ଏଥିପାଇଁ ଦୁଇ ଦଳ ପକ୍ଷରୁ ସଚିବାଳୟ ବାହାରେ ବିକ୍ଷୋଭ ମଧ୍ୟ ପ୍ରଦର୍ଶନ କରାଯାଇଛି। ଆନ୍ଦୋଳନ ତୀବ୍ର ହେବାରୁ ଏକାଧିକ ନେତାକୁ ପୁଲିସ୍‌ ଘଟଣାସ୍ଥଳରୁ ଉଠାଇ ନେଇଛି।

ଆଜି ମଧ୍ୟାହ୍ନରେ ମୁଖ୍ୟମନ୍ତ୍ରୀଙ୍କ ଅଫିସ ପାଖ ସାଉଥ ସାଣ୍ଡୱିଚ୍‌ ବ୍ଲକରେ ହଠାତ୍‌ ଅଗ୍ନିକାଣ୍ଡ ଘଟିଥିଲା। ସାଧାରଣ ପ୍ରଶାସନିକ ବିଭାଗ ଅନ୍ତର୍ଗତ ପଲଟିକାଲ ସେକସନର କର୍ମଚାରୀମାନେ ପ୍ରଥମେ ଅଗ୍ନିକାଣ୍ଡର ଖବର ପାଇଥିଲେ। ୱାରିଙ୍ଗରୁ ଧୁଆଁ ବାହାରିବା ପରେ ଛୋଟ ଧରଣ ଅଗ୍ନିକାଣ୍ଡ ଘଟିଥିଲା। ତେବେ ତୁରନ୍ତ ନିଆଁକୁ ଆୟତ୍ତ କରି ଦିଆଯାଇଥିଲା।

କିନ୍ତୁ ଅଗ୍ନିକାଣ୍ଡ ପଛରେ ଗଭୀର ଷଡ଼ଯନ୍ତ୍ର ଥିବା ବିରୋଧୀ ଦଳର ବିଧାୟକମାନେ ଅଭିଯୋଗ କରିଥିଲେ। ସାଣ୍ଡୱିଚ୍‌ ବ୍ଲକରେ ଥିବା ସୁନା ଚୋରା ଚାଲାଣ ସଂକ୍ରାନ୍ତ ଫାଇଲକୁ ପୋଡ଼ି ଦେବା ପାଇଁ ଏପରି କରାଯାଇଥିବା ବିରୋଧୀ ବିଧାୟକମାନେ ଅଭିଯୋଗ କରି ସଚିବାଳୟ ଆଗରେ ବିକ୍ଷୋଭ ପ୍ରଦର୍ଶନ କରିଥିଲେ। ତେବେ ସରକାର ଏହି ଅଭିଯୋଗକୁ ଭିତ୍ତିହୀନ ବୋଲି କହିଛନ୍ତି।

ଗତକାଲି କେରଳରେ କ୍ଷମତାସୀନ ପିନରାୟୀ ବିଜୟନ ସରକାରଙ୍କ ବିରୋଧରେ ବିଧାନସଭାରେ ଅନାସ୍ଥା ପ୍ରସ୍ତାବ ଅଣାଯାଇଥିଲା। ତେବେ ୮୭ -୪୦ ବୋଟ ବ୍ୟବଧାନରେ ସରକାର ଏଥିରେ ବିଜୟ ହୋଇଥିଲେ। ସୁନା ଚୋରା ଚାଲାଣାରେ ମୁଖ୍ୟମନ୍ତ୍ରୀଙ୍କ ଅଫିସର ଅଧିକାରୀମାନେ ସାମିଲ ଥିବା ଅଭିଯୋଗ ହୋଇଛି। ଘଟଣାର ତଦନ୍ତ ଏବେ ଜୋରାଦାର କରାଯାଇଛି। ଏହି ଚୋରା ଚାଲାଣ ପଛରେ ବିଦେଶୀ ଲିଙ୍କ ରହିଥିବା ଜଣାପଡ଼ିଛି।

ଆହୁରି ପଢ଼ନ୍ତୁ

ସୁରକ୍ଷାକର୍ମୀଙ୍କ ଗୁଳିରେ ୨ ଆତଙ୍କୀ ସଫା, ଯବାନ ଆହତ

ସଞ୍ଜୟ ରାଉତ-ଫଡନାଭିସ ଆଲୋଚନାର ଇଫେକ୍ଟ: ଉଦ୍ଧବ ଓ ଶରଦ ପାୱାରଙ୍କ ରୁଦ୍ଧଦ୍ୱାର ବୈଠକ

କୋଇଲା ଖଣିରେ ଭୟଙ୍କର ଦୁର୍ଘଟଣା: ୧୬ ମୃତ

ନାବାଳିକା ଭଉଣୀକୁ ୮ ବର୍ଷ ଧରି ଦୁଷ୍କର୍ମ କରୁଥିଲା ଭାଇ, ଆଉ ମା’…

ଆତଙ୍କୀ କାର୍ଯ୍ୟକଳାପର କେନ୍ଦ୍ରସ୍ଥଳ ପାଲଟିଛି ବେଙ୍ଗାଲୁରୁ: ବିଜେପି ସାଂସଦ

ପାୟଲଙ୍କ ଚେତାବନୀ: ଅନୁରାଗଙ୍କୁ ଗିରଫ ନ କଲେ…

ଦୁବାଇ ଓ ବ୍ରିଟେନରୁ ଆସିଥିବା ଲୋକଙ୍କ ପାଇଁ ଭାରତରେ ବଢ଼ିଥିଲା କରୋନା!

ନୀତୀଶ କୁମାରଙ୍କ ଦଳରେ ମିଶିଲେ ଗୁପ୍ତେଶ୍ୱର ପାଣ୍ଡେ

ଚୋରା ଚାଲାଣର ପର୍ଦ୍ଦାଫାସ: ୩ କୋଟି ଟଙ୍କାର ହାତ ଘଣ୍ଟା ଜବତ

ରବି କିଶନଙ୍କୁ ମିଳୁଛି ହତ୍ୟା ଧମକ!

ଉମା ଭାରତୀ କରୋନାରେ ଆକ୍ରାନ୍ତ

ଦିନକରେ ୮୮,୬୦୦ ଆକ୍ରାନ୍ତ, ୯୨ ହଜାର ସୁସ୍ଥ