ସାଧାରଣତନ୍ତ୍ର ଦିବସ ପାଇଁ ଦିଲ୍ଲୀରେ ୪୦ହଜାର ସୁରକ୍ଷାକର୍ମୀ ମୁତୟନ

ନୂଆଦିଲ୍ଲୀ: ଆସନ୍ତାକାଲି ସାଧାରଣତନ୍ତ୍ର ଦିବସ। ସେଥିପାଇଁ ଦିଲ୍ଲୀରେ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଛି। ଆଜିଠାରୁ ପୂରା ଦିଲ୍ଲୀ ଉପରେ ନଜର ରଖୁଛନ୍ତି ୪୦ ହଜାରରୁ ଅଧିକ ସୁରକ୍ଷାକର୍ମୀ। ଇତି ମଧ୍ୟରେ ଏକାଧିକ ଆତଙ୍କବାଦୀଙ୍କୁ ଧରାଯାଇଥିବାରୁ ଓ  ଗୁଇନ୍ଦା ରିପୋର୍ଟ ଅନୁଯାୟୀ ଆତଙ୍କୀ ହମଲା ଆକ୍ରମଣ ଆଶଙ୍କା ଥିବାରୁ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରି ଦିଆଯାଇଛି।

ରବିବାର ଦିଲ୍ଲୀ ପୋଲିସ ପକ୍ଷରୁ ସନ୍ଦିଗ୍ଧ ଆତଙ୍କୀଙ୍କ ଫଟୋ ସହରର ବିଭିନ୍ନ ସ୍ଥାନରେ ଲଗା ଯାଇଥିଲା ଓ ଲୋକଙ୍କୁ ସଜାଗ ରହିବାରୁ  ଅନୁରୋଧ କରାଯାଇଥିଲା। ଦିଲ୍ଲୀର ପ୍ରମୁଖ ସ୍ଥାନ ଯେପରିକି ମେଟ୍ରୋ ଷ୍ଟେସନ ବିମାନ ବନ୍ଦର ଓ ଅନ୍ୟ ପ୍ରମୁଖ ସ୍ଥାନ ଗୁଡ଼ିକରେ ଅର୍ଦ୍ଧସାମରିକ ବାହିନୀର ଯବାନକୁ ମୁତୟନ କରାଯାଇଛି। ଇଣ୍ଡିଆ ଗେଟ୍ ଅଞ୍ଚଳକୁ ନୋ-ଫ୍ଲାଇଂ ଜୋନ୍ ଘୋଷଣା କରାଯାଇଛି। ଭୂପୃଷ୍ଠରୁ ଆକାଶରୁ ନିକ୍ଷେପ ହେଉଥିବା  ମିସାଇଲ୍ ମଧ୍ୟ ମୁତୟନ କରାଯାଇଛି।

ଚଳିତ ବର୍ଷ ସାଧରଣତନ୍ତ୍ର ଦିବସରେ ଫ୍ରାଁସ୍ୱା ରାଷ୍ଟ୍ରପତି ଫ୍ରାନକୋଇସ୍ ଓଲାନ୍ଦେ ମୁଖ୍ୟ ଅତିଥି ଭାବେ ଯୋଗ ଦେବାକୁ ଆସିଛନ୍ତି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।