ନୂଆଦିଲ୍ଲୀ: ଭାରତର ନିର୍ବାଚନ ସହିତ କୌଣସି ପ୍ରକାରେ ବି ଜଡିତ ନାହାନ୍ତି ବଲିଉଡ଼ ସେଲିବ୍ରେଟି ସନି ଲିଓନି। ହେଲେ ରେଜଲ୍ଟ ବାହାରିବା ପୂର୍ବରୁ ସେ ଏବେ ଇଣ୍ଡିଆନ ଟ୍ୱିଟରର ଟପ୍ ଟ୍ରେଣ୍ଡରେ। ଏହା ପଛରେ ତାଙ୍କର କୌଣସି ଭୂମିକା ନାହିଁ କି ଇଚ୍ଛା ବି ନାହିଁ । ହେଲେ ସେ କିପରି ଏଠାରେ ପହଞ୍ଚିଲେ ସେ କାରଣ ଜାଣିଲେ ଆପଣ ବି ଆଶ୍ଚର୍ଯ୍ୟ ହୋଇଯିବେ ।
କଥାଟା ଏପରି। ବଲିଉଡର ଆଙ୍ଗ୍ରି ମ୍ୟାନ ସନ୍ନି ଦେଓଲ ଏଥର ନିର୍ବାଚନ ମଇଦାନରେ ନୂଆ କରି ପାଦ ଦେଇଛନ୍ତି। ଆଉ ସେ ତାଙ୍କ କଂଗ୍ରେସ ପ୍ରତିଦ୍ୱନ୍ଦ୍ୱୀଙ୍କଠାରୁ ଆଗରେ ମଧ୍ୟ ଅଛନ୍ତି।
https://twitter.com/SirJadeja/status/1131417506936004609
ହେଲେ ରିପବ୍ଲିକ୍ ଚିଫ୍ ଅର୍ଣ୍ଣବ ଗୋସ୍ୱାମୀ ଏ ସମ୍ପର୍କିତ ନ୍ୟୁଜ୍ ପରିବେଷଣ କରୁଥିବା ବେଳେ କରି ବସିଲେ ଏକ ବଡ଼ ଭୁଲ। ଆଉ ଏହା ଦର୍ଶକଙ୍କ ଆଖିରୁ ଖସି ଯାଇପାରିନି। ଏଥିପାଇଁ ତାଙ୍କୁ ଟ୍ରୋଲ୍ର ଶିକାର ହେବାକୁ ପଡିଛି। ସନ୍ନି ଦେଓଲ ଲିଡ୍ କରୁଥିବା କହିବା ପରିବର୍ତ୍ତେ ଅର୍ଣ୍ଣବ ଧରିଦେଲେ ସନି ଲିଓନିଙ୍କ ନାଁ। ଫଳରେ ନିର୍ବାଚନୀ ରେଜଲ୍ଟ ବାହାରିବା ପୂର୍ବରୁ ସନି ଲିଓନି ଏବେ ଇଣ୍ଡିଆନ ଟ୍ୱିଟରର ଟପ୍ ଟ୍ରେଣ୍ଡରେ ପହଞ୍ଚି ଗଲେଣି। ଏହା ଅର୍ଣ୍ଣବଙ୍କ ସ୍ଲିପ୍-ଅଫ୍-ଟଙ୍ଗ ହୋଇଥିଲେ ମଧ୍ୟ ଇଣ୍ଟରନେଟରେ ଏହା ଭାଇରାଲ ହେବାକୁ ବେଶି ସମୟ ଲାଗିଲା ନାହିଁ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
