ନୂଆଦିଲ୍ଲୀ: ଭାରତକୁ ଟାର୍ଗେଟ କରିବା ପାଇଁ ପାକିସ୍ତାନ ଜାତିସଂଘରେ ଯେଉଁ ଗୋଟି ଚାଳନା କରିଥିଲା, ତା’ହା ଫସର ଫାଟିଛି। ଜାତିସଂଘରେ ପାକିସ୍ତାନ ଅର୍ଗାନାଇଜେସନ ଅଫ ଇସଲାମିକ କର୍ପୋରେସ(ଓଆଇସି) କୂଟନୀତିକଜ୍ଞଙ୍କୁ ନେଇ ଏକ ଇନଫର୍ମାଲ ଗ୍ରୁପ ଗଠନ କରିବାକୁ ଚାହୁଁଥିଲା। ଏହାଦ୍ୱାରା ଇସଲାମଫୋବିଆ ପ୍ରସଙ୍ଗକୁ ଆଳ କରି ପାକିସ୍ତାନ ଜାତିସଂଘରେ ଭାରତକୁ ଟାର୍ଗେଟ କରିଥାଆନ୍ତି।
ହେଲେ ଏହାକୁ ମାଳଦ୍ୱୀପ ଓ ୟୁଏଇ ପଣ୍ଡ କରିଦେଇଛନ୍ତି। ଓଆଇସିରେ ପାକିସ୍ତାନ ଭାରତ ବିରୋଧରେ ପ୍ରଚାର କରିଥିଲେ ହେଁ ଏହାକୁ ମାଲେ ଜୋରଦାର ବିରୋଧ କରିଥିଲା। ଭିଡିଓ କନଫରେନ୍ସିଂରେ ଓଆଇସିର ବୈଠକ ବସିଥିଲା। ଏଥିରେ ପାକିସ୍ତାନ ଇସଲାମଫୋବିଆ ପ୍ରସଙ୍ଗ ଉଠାଇ ଭାରତକୁ ଟାର୍ଗେଟ କରିଥିଲା।
କିନ୍ତୁ ଏଥିରେ ମାଳଦ୍ୱୀପ ଏକମତ ହୋଇ ନଥିଲା। ମାଲେ ପକ୍ଷରୁ କୁହାଯାଇଥିଲା ଯେ ଭାରତକୁ ଇସଲାମଫୋବିଆ କହିବା କେବଳ ତଥ୍ୟଗତ ତ୍ରୁଟି ନୁହେଁ ବରଂ ଏହାଦ୍ୱାରା ଦକ୍ଷିଣ ଏସିଆର ଧାର୍ମିକ ଏକତା ମଧ୍ୟ କ୍ଷୁଣ୍ଣ ହେଉଛି। ତେଣୁ ଆମେ ଭାରତ ବିରୋଧରେ କୌଣସି ପ୍ରକାରର କାର୍ଯ୍ୟାନୁଷ୍ଠାନ ଗ୍ରହଣ କରିବା ପ୍ରସ୍ତାବକୁ ସମର୍ଥନ କରିବୁ ନାହିଁ।
ପାକିସ୍ତାନ ଗ୍ରୁପ ଗଠନ କରିବା ପ୍ରସ୍ତାବ ଦେଇଥିବା ବେଳେ ଏହାକୁ ୟୁଏଇ ବିରୋଧ କରିଥିଲା। ୟୁଏଇ କହିଥିଲା, ଜାତିସଂଘରେ ଓଆଇସିର ଗ୍ରୁପ ଗଠନ କରିବା ଅଧିକାର ଆମର ନାହିଁ। କେବଳ ବୈଦେଶିକ ମନ୍ତ୍ରୀମାନେ ଚାହିଁଲେ ହିଁ ଗ୍ରୁପ ଗଠନ ହୋଇପାରିବ। ତେଣୁ ଆମେ ଏହାକୁ ସମର୍ଥନ କରିପାରିବୁ ନାହିଁ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
