ଚଣ୍ଡିଗଡ଼: କରୋନା ସଂକ୍ରମଣକୁ ଦୃଷ୍ଟିରେ ରଖି ହରିଆଣା ସରକାର ଆଜି ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇଛନ୍ତି। ଦୋକାନ ଓ ସହରାଞ୍ଚଳରେ ଥିବା ମଲ ଗୁଡ଼ିକ ଏଣିକି ୱିକଏଣ୍ଡ ବଦଳରେ ସୋମବାର ଓ ମଙ୍ଗଳବାର ବନ୍ଦ ରହିବ। ତେବେ ଜରୁରୀ ସାମଗ୍ରୀ ବିକ୍ରି କରୁଥିବା ଦୋକାନଗୁଡ଼ିକ ପାଇଁ ଏହି ନୂଆ ନିୟମ ଲାଗୁ ହେବନାହିଁ।
ଏହାପୂର୍ବରୁ ସରକାର ଶନିବାର ଓ ରବିବାର ରାଜ୍ୟରେ ଥିବା ସମସ୍ତ ଦୋକାନଗୁଡ଼ିକୁ ବନ୍ଦ କରିବାକୁ ନିର୍ଦ୍ଦେଶ ଦେଇଥିଲେ। ହେଲେ ଏବେ ଏହା ସୋମବାର ଓ ମଙ୍ଗଳବାର କରିଦିଆଯାଇଛି।
ଆଗାମୀ ନିର୍ଦ୍ଦେଶ ଯାଏ ଏହି ନିୟମ ବଳବତ୍ତର ରହିବ। ଅଗଷ୍ଟ ୨୧ରେ ସରକାର ଏକ ନିର୍ଦ୍ଦେଶନାମା ଜାରି କରିଥିଲେ। ଏଥିରେ କୁହାଯାଇଥିଲା ଯେ ସପ୍ତାହର ପ୍ରତି ଶନିବାର ଓ ରବିବାର ରାଜ୍ୟରେ ଥିବା ସମସ୍ତ ଅଫିସ ଏବଂ ଦୋକାନ ପତ୍ର ବନ୍ଦ ରହିବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
