ସୁଶାନ୍ତଙ୍କ ଆକାଉଣ୍ଟରୁ ୧୫ କୋଟି ଗାଏବ: ମାମଲା ରୁଜୁ କଲା ଇଡି

ନୂଆଦିଲ୍ଲୀ: ବଲିଉଡ ଅଭିନେତା ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁ ଘଟଣାରେ ନୂଆ ଟ୍ୱିଷ୍ଟ ଆସିଛି। ସୁଶାନ୍ତଙ୍କ ଆକାଉଣ୍ଟରୁ ୧୫ କୋଟି ଟଙ୍କା ଗାଏବ ହେବା ଅଭିଯୋଗ ପରେ ଆଜି ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି) ବିଧିବଦ୍ଧ ଭାବେ ମାମଲା ରୁଜୁ କରିଛି। ଏହାପୂର୍ବରୁ ଇଡି ବିହାର ପୁଲିସ୍‌ ନିକଟରେ ଏନେଇ ଅଭିଯୋଗ କରିଥିବା ସୁଶାନ୍ତଙ୍କ ବାପାଙ୍କ ଏଫଆଇଆର କପି ମଗାଇଥିଲା। ଏଥିସହ ସୁଶାନ୍ତଙ୍କ ସବୁ ଆକାଉଣ୍ଟର ବିସ୍ତୃତ ତଥ୍ୟ ମଧ୍ୟ ଇଡି ଛାନଭିନ କରିଥିଲେ।

ଏହାପରେ ୧୫ କୋଟି ଟଙ୍କା ଗାଏବ ଘଟଣାକୁ ନେଇ ଇଡି ମାମଲା ରୁଜୁ କରିଛି। ଇଡି ପକ୍ଷରୁ ଇସିଆଇଆର ରୁଜୁ କରାଯାଇଛି। ସେହିପରି ସନ୍ଦେହ ଘେରରେ ଥିବା ଲୋକଙ୍କୁ ଇଡି ସମନ ମଧ୍ୟ କରିବ। ଇଡି ରିୟା ଚକ୍ରବର୍ତ୍ତୀଙ୍କୁ ମାମଲାରେ ଅଭିଯୁକ୍ତ ଭାବେ ଦର୍ଶାଇଛି।

ବିହାର ପୁଲିସ୍‌ ନିକଟରେ ସୁଶାନ୍ତଙ୍କ ବାପା କେକେ ସିଂହ ଏତଲା ଦେଇ ସୁଶାନ୍ତଙ୍କ ବାନ୍ଧବୀ ରିୟାଙ୍କ ବିରୋଧରେ ଅଭିଯୋଗ କରିଥିଲେ। କେକେ ସିଂହଙ୍କ ଅଭିଯୋଗ ଅନୁଯାୟୀ, ସୁଶାନ୍ତଙ୍କ ବ୍ୟାଙ୍କ ଆକାଉଣ୍ଟରୁ ୩ ଜଣଙ୍କ ଆକାଉଣ୍ଟକୁ ୧୫ କୋଟି ଟଙ୍କା ପଠାଯାଇଛି। ଏହି ୩ଟି ଯାକ ଆକାଉଣ୍ଟ ସହ ରିୟାଙ୍କ ସମ୍ପର୍କ ରହିଛି। ଗୋଟିଏ ଆକାଉଣ୍ଟ ରିୟାଙ୍କର ହୋଇଥିବା ବେଳେ ଆଉ ଗୋଟିଏ ତାଙ୍କ ଭାଇଙ୍କର ଓ ଅନ୍ୟଟି ମା’ଙ୍କର ବୋଲି ଅଭିଯୋଗ ହୋଇଛି।

ସେହିପରି ରିୟାଙ୍କ ପରାମର୍ଶ କ୍ରମେ ସୁଶାନ୍ତ ୩ଟି ଷ୍ଟାର୍ଟଅପରେ ମଧ୍ୟ ପୁଞ୍ଜିନିବେଶ କରିଥିଲେ। ରିୟା ଓ ତାଙ୍କ ଭାଇ ଶୋୱିକ ଏହି ୩ଟି ଯାକ ଷ୍ଟାର୍ଟଅପର ନିର୍ଦ୍ଦେଶକ ରହିଛନ୍ତି। ଏହି ୩ଟି କମ୍ପାନୀ ମଧ୍ୟରୁ ଦୁଇଟିର ଠିକଣା ଉଲେୱରେ ଥିବା ଏକ ଫ୍ଲାଟ ମଧ୍ୟରେ ରହିଛି। ଏହି ଫ୍ଲାଟର ମାଲିକ ହେଉଛନ୍ତି ରିୟାଙ୍କ ବାପା। ମୁମ୍ବାଇ ପୁଲିସ୍‌ ତଦନ୍ତ ବେଳେ ଏହା ସାମ୍ନାକୁ ଆସିଥିଲା।

ଆହୁରି ପଢ଼ନ୍ତୁ

ଆଇସିୟୁରେ ଭର୍ତ୍ତି ହେଲେ କେନ୍ଦ୍ରମନ୍ତ୍ରୀ

ରାଜ୍ୟସଭା ଉପାଧ୍ୟକ୍ଷ ହରିବଂଶଙ୍କ ବିରୋଧରେ ଅବିଶ୍ୱାସ ପ୍ରସ୍ତାବ ଖାରଜ

ହଙ୍ଗାମା କରି ସସ୍‌ପେଣ୍ଡ ହେଲେ ରାଜ୍ୟସଭାର ୮ ସାଂସଦ

୨୧ ସେପ୍ଟେମ୍ବର, ସୋମବାର: ପରିଶ୍ରମ ଅନୁସାରେ ସଫଳତା ପାଇବେ

ନେପୋଟିଜିମ୍ ପାଇଁ କିଏ ଦାୟୀ? ଜବାବ ରଖିଲେ ନଓ୍ୱାଜୁଦ୍ଦିନ ସିଦ୍ଦିକି

କଥା ଦେଇ କଥା ରଖିଲେ, ନମିତାଙ୍କୁ ଜଗନ୍ନାଥ ଭଜନ ଗାଇବାର ସୁଯୋଗ ଦେଲେ ବର୍ଷା

ଆସୁଛି ‘ଫେଲୁଦା’, କମ୍‌ ଖର୍ଚ୍ଚରେ ଅଧାଘଣ୍ଟାରେ ହେବ କୋଭିଡ୍ ଟେଷ୍ଟ୍

ରାଜ୍ୟରେ ୪,୩୩୦ ନୂଆ କରୋନା ଆକ୍ରାନ୍ତ ଚିହ୍ନଟ: ଖୋର୍ଦ୍ଧାରେ ସର୍ବାଧିକ, କଟକରେ ୫୦୦ରୁ ଅଧିକ

୨୦ ସେପ୍ଟେମ୍ବର, ରବିବାର: ଶତ୍ରୁମାନେ ପରାଜିତ ହେବେ

ଅନୁରାଗ କଶ୍ୟପଙ୍କ ନାମରେ ଯୌନ ନିର୍ଯାତନା ଅଭିଯୋଗ

କରୋନାରେ ପ୍ରଭାବିତ ୧୦ ରାଜ୍ୟ ମଧ୍ୟରେ ଓଡ଼ିଶା

ଆକବରଙ୍କ ମନ୍ତ୍ରୀ ତୋଡରମଲ୍ଲ ଥିଲେ ଓଡ଼ିଶାର ସୂର୍ଯ୍ୟବଂଶୀ!