ନୂଆଦିଲ୍ଲୀ : ଆଣ୍ଡ୍ରୋଏଡ୍ ଫୋନ ଆସିବା ପୂର୍ବରୁ ଭାରତୀୟ ବଜାରରେ ବେଶ୍ ଦବଦବା ଦେଖାଇଥିଲା ନୋକିଆ। ଆଣ୍ଡ୍ରୋଏଡ୍ ଫୋନର ଲଞ୍ଚ ପରେ ନୋକିଆର ଲୋକ ପ୍ରିୟତା ଧୀରଧୀରେ ହ୍ରାସ ପାଇବାରେ ଲାଗିଛି।
ଏହାକୁ ଦୃଷ୍ଟିରେ ରଖି ନୋକିଆ ପକ୍ଷରୁ ଏବେ ଏକ ନୂଆ ଫୋନ ବଜାରକୁ ଛାଡ଼ିବା ପାଇଁ ପ୍ରସ୍ତୁତି ଆରମ୍ଭ କରାଯାଇଛି। ଟିଏ-1316 ନମ୍ୱର ମଡେଲର ଫିଚର ଫୋନ ନୋକିଆ ଖୁବଶୀଘ୍ର ଲଞ୍ଚ କରିବ। ଏହି ଫୋନକୁ ୟୁଏସ ଫେଡେରେସନ ଅଫ କମ୍ୟୁନିକେଶନ କମିଶନ (ଏଫସିସି)ର ଅନୁମତି ମିଳିଛି ।
ଲିଷ୍ଟିଙ୍ଗରୁ ଯାହା ଜଣାପଡ଼ିଛି ଏହି ଫୋନରେ 4ଜି କନେକ୍ଟିଭିଟି ରହିବ। ଏଥିରେ ଡୁଆଲ ସିମ୍ ସହ ଜିଏସଏମ, ଏଲଟିଇ ଏବଂ ଡବ୍ଲୁସିଡିଏମଏ ନେଟୱାର୍କ ସପୋର୍ଟ କରିବ। ଏଥିରେ 1150 ଏମଏଚର ବ୍ୟାଟେରୀ ରହିବ ଯାହାର ପାୱାର ରେଟିଙ୍ଗ 3.7 ଭିଡିସି ରହିଛି।
ଏହି ଫୋନରେ ରିୟର କ୍ୟାମେରା ରହିବ। ଏହାସହ ପଛକରେ ନୋକିଆ ବ୍ରଣ୍ଡର ଲୋଗୋ ମଧ୍ୟ ରହିବ। ଫୋନର ଆକାରରୁ ଯାହା ସୂଚନା ମିଳୁଛି ଏହା ଏକ ଫିଚର ଫୋନ। ଏଥିରେ ରିୟର ସ୍ପିକର ସହ ଏଫଏମ, ରେଡିଓ ଓ ବ୍ଲୁ-ଟୁଥ ବି ଦିଆଯାଇଛି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।