ନୂଆଦିଲ୍ଲୀ: ବିମାନ ଭଳି ଏବେ ଟ୍ରେନ୍ ମଧ୍ୟ ବାକ୍ଲବକ୍ସ ଲାଗିବ। ବିଭିନ୍ନ ସମୟରେ ଘଟୁଥିବା ରେଳ ଦୁର୍ଘଟଣାର କାରଣ ଏବଂ ଟ୍ରେନ୍ରେ କାର୍ଯ୍ୟରତ କର୍ମଚାରୀଙ୍କ ଦକ୍ଷତା ମାପିବା ପାଇଁ ଏଭଳି ବ୍ୟବସ୍ଥା କରାଯିବ। ରେଳ ବିଭାଗର ଜଣେ ବରିଷ୍ଠ ଅଧିକାରୀ ଆଜି ଏହି ସୂଚନା ଦେଇଛନ୍ତି। ଲୋକଙ୍କ ସୁରକ୍ଷା ଦୃଷ୍ଟିରୁ ବଗିରେ ଲୋକୋ କ୍ୟାବ୍ ଭଏସ୍ ରେକର୍ଡିଂ (ଏଲ୍ସିଭିଆର୍) ଡିଭାଇସ୍ ଲଗାଯିବାକୁ ନିଷ୍ପତ୍ତି ହୋଇଛି। ବର୍ତ୍ତମାନ ଏହି ସିଷ୍ଟମର ତିଆରି ଶେଷ ପର୍ଯ୍ୟାୟରେ ପହଞ୍ଚିଥିବା ସେ କହିଛନ୍ତି।
ଭିଡିଓ/ଭୟସ୍ ରେକର୍ଡିଂ ଦ୍ୱାରା ଟ୍ରେନ୍ ଦୁର୍ଘଟଣାର ପ୍ରକୃତ କାରଣ ଜଣାପଡ଼ିବ। ଉଭୟ ଅପରେସନାଲ୍ ଇସ୍ୟୁ ଓ ହ୍ୟୁମାନ ଫ୍ୟାକ୍ଟର ବିଷୟରେ ମଧ୍ୟ ତଥ୍ୟ ମିଳିପାରିବ।
ବର୍ତ୍ତମାନ ବ୍ଲାକବକ୍ସ ବ୍ୟବସ୍ଥା ବିମାନରେ ରହିଛି। ବ୍ଲାକବକ୍ସରେ ଦୁଇ ପ୍ରକାରର ଯନ୍ତ୍ରପାତି ରହିଥାଏ। ଗୋଟିଏ ବିମାନର ତଥ୍ୟ ରେକର୍ଡର ଓ ଅନ୍ୟଟି କକ୍ପିଟ୍ ଭଏସ୍ ରେକର୍ଡର। ଏହାକୁ ସାଧାରଣତଃ ବିମାନର ପଛ ପାଖରେ ଅତି ସୁରକ୍ଷିତ ଭାବେ ରଖାଯାଏ। ତେଣୁ ବିମାନ ଦୁର୍ଘଟଣା ବେଳେ ଏହା କ୍ଷତିଗ୍ରସ୍ତ ହୁଏ ନାହିଁ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
