ଇସଲାମାବାଦ: ଚାଇନାକୁ ବନ୍ଧୁ ପାକିସ୍ତାନ ଜବରଦସ୍ତ ଝଟକା ଦେଇଛି। ଭାରତ ଭଳି ପାକିସ୍ତାନ ମଧ୍ୟ ନିଜ ଦେଶରେ ଚାଇନିଜ୍ ଭିଡିଓ ଆପ୍ ଟିକଟକ ଉପରେ ବ୍ୟାନ୍ ଲଗାଇଛି। ଅନୈତିକ ଓ ଅଶାଳୀନ କଣ୍ଟେଣ୍ଟକୁ ରୋକିବାରେ ଟିକଟକ ବିଫଳ ହୋଇଥିବାରୁ ପାକିସ୍ତାନ ସରକାର ଏଭଳି ନିଷ୍ପତ୍ତି ନେଇଛନ୍ତି।
ପାକିସ୍ତାନ ଟେଲିକମ୍ୟୁନିକେସନ ଅଥୋରିଟି ପକ୍ଷରୁ କୁହାଯାଇଛି ଯେ ବିଭିନ୍ନ ବର୍ଗର ଲୋକ ଟିକଟକରେ ଦେଖାଯାଉଥିବା ଅନୈତିକ ଓ ଅଶାଳୀନ କଣ୍ଟେଣ୍ଟକୁ ନେଇ ଆପତ୍ତି ଉଠାଇଥିଲେ। ଏଗୁଡ଼ିକୁ ବନ୍ଦ କରିବା ପାଇଁ ଟିକଟକକୁ କୁହାଯାଇଥିଲା। ହେଲେ ଟିକଟକ ଏଥିରେ ବିଫଳ ହୋଇଛି। ଫଳରେ ଆମେ ଟିକଟକକୁ ପାକିସ୍ତାନରେ ବନ୍ଦ କରିବାରକୁ ନିର୍ଦ୍ଦେଶ ଦେଇଛୁ। ଅନ୍ୟପକ୍ଷରେ ଟିକଟକ ପକ୍ଷରୁ ଏ ସଂକ୍ରାନ୍ତରେ କୌଣସି ପ୍ରତିକ୍ରିୟା ଦିଆଯାଇ ନାହିଁ।
ପାକିସ୍ତାନ ପକ୍ଷରୁ ଟିକଟକକୁ କୁହାଯାଇଛି ଯେ ସଂସ୍ଥା ଚାହିଁଲେ ସରକାରଙ୍କ ସହ ଏ ସମ୍ପର୍କରେ ଆଲୋଚନା କରିପାରିବ ଓ ଦରକାର ପଡ଼ିଲେ ସରକାର ମଧ୍ୟ ଏହା ଉପରେ ପୁଣି ସମୀକ୍ଷା କରିପାରନ୍ତି।
ଏହାପୂର୍ବରୁ ଜାତୀୟ ସୁରକ୍ଷା ଦୃଷ୍ଟିରୁ ଭାରତରେ ଟିକଟକକୁ ବ୍ୟାନ କରାଯାଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।