ଭାରତରୁ ଧରା ପଡ଼ିଲା ପାକିସ୍ତାନର ଗୁଇନ୍ଦା ପାରା, ନିଜ ସାଙ୍ଗେ ଆଣିଥିଲା ଏମିତି ତଥ୍ୟ

ନୂଆଦିଲ୍ଲୀ: ଭାରତ ବିରୋଧରେ ପାକିସ୍ତାନ କରୁଥିବା ଆଉ ଏକ ଷଡ଼ଯନ୍ତ୍ରର ପର୍ଦ୍ଦାଫାଶ ହୋଇଛି। ଜମ୍ମୁ-କଶ୍ମୀରରୁ ଗୋଟିଏ ଗୁଇନ୍ଦା ପାରାକୁ କାବୁ କରାଯାଇଛି। ପାକିସ୍ତାନ ଉକ୍ତ ପାର ଦ୍ୱାରା କିଛି କୋଡ ମେସେଜ ଭାରତକୁ ପଠାଇ ବଡ଼ଧରଣର ଅଘଟଣ କରିବାକୁ ଯୋଜନା କରୁଥିବା ଜଣାପଡ଼ିଛି।

ସୂଚନା ଅନୁଯାୟୀ, ଜମ୍ମୁ-କଶ୍ମୀରର କଠୁଆ ଜିଲ୍ଲାର ଅନ୍ତର୍ଜାତୀୟ ସୀମାନ୍ତରେ ଏହି ପାରାଟି ସନ୍ଦିଗ୍ଧ ଅବସ୍ଥାରେ ବୁଲୁଥିଲା। ପାରାଟି ପାକିସ୍ତାନ ସୀମାରୁ ମନୟାର ଗାଁକୁ ପ୍ରବେଶ କରିବା କ୍ଷଣି ଜଣେ ସ୍ଥାନୀୟ ଲୋକ ଏହାକୁ ନୋଟିସ୍ କରିଥିଲେ। ତେବେ ପାରାଟି ଆଗକୁ ଯିବା ପୂର୍ବରୁ ଉକ୍ତ ବ୍ୟକ୍ତି ଜଣଙ୍କ ତା’କୁ କାବୁ କରିଦେଇଥିଲେ।

ପାରାଟି କିଛି କୋଡ ମେସେଜ ବାର୍ତ୍ତା ନେଇ ଭାରତ ଆସିଥିଲା। ଏବେ ଭାରତୀୟ ସୁରକ୍ଷାକର୍ମୀ ଉକ୍ତ କୋଡ୍‌କୁ ବିସ୍ତୃତ ଭାବେ ସମୀକ୍ଷା କରିବା ଆରମ୍ଭ କରିଛନ୍ତି।

ଏହି ପାରାଟିକୁ ଗ୍ରାମବାସୀ ଜଣଙ୍କ ସ୍ଥାନୀୟ ପୁଲିସକୁ ଦେଇଥିଲେ। ତା’ର ଗୋଟିଏ ଗୋଡ଼ରେ ଛୋଟ ରିଙ୍ଗ ଥିବା ବେଳେ ଏହା ଉପରେ କିଛି ନମ୍ବର ଲେଖାଯାଇଛି। ଏବେ ଘଟଣାର ତଦନ୍ତ କରାଯାଉଥିବା କଠୁଆ ଏସ୍‌ପି ଶୈଳନ୍ଦ୍ର ମିଶ୍ର ସୂଚନା ଦେଇଛନ୍ତି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।