ରାଜସ୍ଥାନ ସଙ୍କଟ: ବୈଠକ ପୂର୍ବରୁ ହ୍ୱିପ ଜାରି କଲା କଂଗ୍ରେସ

ଜୟପୁର: ରାଜସ୍ଥାନ ଉପମୁଖ୍ୟମନ୍ତ୍ରୀ ତଥା କଂଗ୍ରେସ ନେତା ସଚିନ ପାଇଲଟଙ୍କ ସରକାର ବିରୋଧରେ ବିଦ୍ରୋହ ଘୋଷଣା ପୂରା ଦେଶରେ ରାଜନୀତିକ ହଟଚମଟ ସୃଷ୍ଟି କରିଛି। ମୁଖ୍ୟମନ୍ତ୍ରୀ ଅଶୋକ ଗେହଲଟଙ୍କ ଗାଦି ଟଳମଳ ହେବାରୁ ଆଜି କଂଗ୍ରେସ ପକ୍ଷରୁ ବିଧାୟକ ଦଳ ବୈଠକ ଡକାଯାଇଛି। ଏଥିରେ ସମସ୍ତ ବିଧାୟକଙ୍କୁ ଯୋଗଦେବାକୁ ଦଳ ପକ୍ଷରୁ ହ୍ୱିପ ଜାରି କରାଯାଇଛି।

ଯଦି କୌଣସି ଦଳୀୟ ବିଧାୟକ ବିନା କୌଣସି କାରଣ ଦର୍ଶାଇ ବୈଠକରେ ଯୋଗଦେବେ ନାହିଁ, ତା’ହେଲେ ସେମାନଙ୍କ ବିରୋଧରେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ରାଜସ୍ଥାନ କଂଗ୍ରେସ ଇନଚାର୍ଜ ଅବିନାଶ ପାଣ୍ଡେ କହିଛନ୍ତି। ଗତାକାଲି ବିଳମ୍ବିତ ରାତିରେ ଅଶୋକ ଗେହଲଟଙ୍କ ଅଧ୍ୟକ୍ଷତାରେ ବୈଠକ ବସିଥିଲା। ଏଥିରେ ପ୍ରାୟ ୭୫ ଜଣ ବିଧାୟକ ଯୋଗଦେଇଥିଲେ। ହେଲେ ସଚିନ ପାଇଲଟ ଓ ତାଙ୍କର ସମର୍ଥିତ ବିଧାୟକମାନେ ଏଥିରେ ଯୋଗଦେଇ ନଥିଲେ। ତେଣୁ ଆଜି ସମସ୍ତ ବିଧାୟକଙ୍କୁ ବୈଠକରେ ଯୋଗଦେବାକୁ କୁହାଯାଇଛି।

ସୂଚନାଯୋଗ୍ୟ, ସଚିନ ପାଇଲଟ ଓ ତାଙ୍କ ସମର୍ଥକ ବିଧାୟକ ଦିଲ୍ଲୀ ଗସ୍ତ କରିଥିଲେ। ସଚିନ ମୁଖ୍ୟମନ୍ତ୍ରୀ ପଦ ପାଇଁ ବ୍ୟାକୁଳ ହୋଇ ଉଠିଛନ୍ତି। ଏଥିପାଇଁ ସେ ଗେହଲଟ ସରକାରଙ୍କ ବିରୋଧରେ ଖୋଲାଖୋଲି ବିଦ୍ରୋହ ମଧ୍ୟ ଘୋଷଣା କରିଛନ୍ତି। ଏହା ପୂର୍ବରୁ କଂଗ୍ରେସ ଛାଡ଼ି ବିଜେପିରେ ମିଶିଥିବା ଜ୍ୟୋତିର ଆଦିତ୍ୟ ସିନ୍ଧିଆଙ୍କ ସହ ମଧ୍ୟ ସଚିନ ପାଇଲଟ ୪୦ ମିନିଟ୍‌ ଧରି ବୈଠକ କରିଥିଲେ।

ଏହାପରେ ସେ ଗେହଲଟ ଡାକିଥିବା ବୈଠକକୁ ଯିବେନାହିଁ ଓ ରାଜସ୍ଥାନ ସରକାର ସଂଖ୍ୟାଗରିଷ୍ଠତା ହରାଇଛନ୍ତି ବୋଲି ସଚିନ କହିଛନ୍ତି। ତେଣୁ ଏସବୁକୁ ଦୃଷ୍ଟିରେ ରଖି ଆଜି ୧୦.୩୦ରେ କଂଗ୍ରେସ ପକ୍ଷରୁ ବିଧାୟକ ଦଳ ବୈଠକ ଡକାଯାଇଛି।

ଆହୁରି ପଢ଼ନ୍ତୁ

ରେକର୍ଡ ସଂଖ୍ୟକ କରୋନା ଆକ୍ରାନ୍ତ ସୁସ୍ଥ, କେଉଁ ଜିଲ୍ଲାରୁ କେତେ ପଢ଼ନ୍ତୁ

ଭୁବନେଶ୍ୱରରୁ ୮୯ କରୋନା ଆକ୍ରାନ୍ତ ଚିହ୍ନଟ, ୨୪ ଲୋକାଲ୍‌ କେସ୍‌

କାର୍‌ ପୋଡ଼ି ଯବାନଙ୍କୁ ଅପହରଣ କରିନେଲେ ଆତଙ୍କୀ!

କାଲିଠାରୁ ରାଜଧାନୀରେ ଗଡ଼ିବ ‘ମୋ ବସ୍‌’

କୁଳଭୂଷଣଙ୍କ ପାଇଁ ପାକିସ୍ତାନ ହାଇକୋର୍ଟରେ ଲଢ଼ିବେ ଓକିଲ, କିନ୍ତୁ…

ଜିମ ଓ ଯୋଗ କେନ୍ଦ୍ର ପାଇଁ ଜାରି ହେଲା ଗାଇଡଲାଇନ, ରହିଛି ଏସବୁ ନିୟମ

ଷ୍ଟାର ଖେଳାଳିଙ୍କୁ ୧୦ ମାସ ହେଲା ଦରମା ଦେଇନି ବିସିସିଆଇ

ମୁଖ୍ୟମନ୍ତ୍ରୀଙ୍କ ପରେ ତାଙ୍କର ୬ କର୍ମଚାରୀ ଓ ଝିଅଙ୍କୁ କରୋନା, ହସ୍ପିଟାଲରେ ଭର୍ତ୍ତି

ଆର୍ଥିକ ଶୃଙ୍ଖଳା ନାମରେ ବିଶୃଙ୍ଖଳା କରୁଛନ୍ତି ରାଜ୍ୟ ସରକାର

‘କରୋନାଠୁ ବି ଘାତକ ସାଜୁଛି ଅକ୍ସିଜେନ ଅଭାବ, ଆଖି ଆଗରେ ଯାଉଛି ଜୀବନ’

ଅବିଶ୍ୱାସ ଲାଗୁଥିଲେ ବି ସତ; ମା’ ବିନା ଅଣ୍ଡାରୁ ଫୁଟୁଛି କୁକୁଡ଼ା ଛୁଆ

ବାଧା ଦେଲା ବିବେକ; ଗାଁକୁ ଅଟକ ପିଲାର ଚିକିତ୍ସା ପାଇଁ ମାଗୁଛନ୍ତି ସହାୟତା