ମେହବୁବାଙ୍କୁ ରାଜନାଥଙ୍କ ପ୍ରଶ୍ନ: ୬ ହଜାର ଚାକିରି ଦେଇଥିଲୁ, ୩ ହଜାର କୁଆଡେ ଗଲା

ଜମ୍ମୁ: ଆଜି ଗୃହମନ୍ତ୍ରୀ ରାଜନାଥ ସିଂହ ଏବଂ ଜମ୍ମୁ-କାଶ୍ମୀର ପ୍ରଧାନମନ୍ତ୍ରୀ ମେହବୁବା ମୁଫିତ୍‌ଙ୍କ ମଧ୍ୟରେ ସାକ୍ଷାତ ଆଲୋଚନା ହୋଇଥିଲା। ଏହି ସମୟରେ ଚାକିରି ପ୍ରଦାନକୁ ନେଇ ରାଜନାଥ ମେହବୁବାଙ୍କୁ ଗୁଡାଇ ତୁଡାଇ ପ୍ରଶ୍ନ କରିଛନ୍ତି। ରଜନାଥ କହିଛନ୍ତି, ଜମ୍ମୁ-କାଶ୍ମୀରର ଯୁବବର୍ଗଙ୍କ ପାଇଁ ୬୦୦୦ ଚାକିରି ସୃଷ୍ଟି କରାଯାଇଥିଲା। ୩୦୦୦ ଚାକିରି ପ୍ରଦାନ କରାଯାଇଛି। ବାକି ୩୦୦୦ କୁଆଡେ ଗଲା ?

ଉତ୍ତରରେ ମେହବୁବା କହିଥିଲେ, କିଛି ଆଇନଗତ ସମସ୍ୟା ଥିଲା। ଏହାର ସମାଧାନ କରି ଦିଆଯାଇଛି। ଶୀଘ୍ର ବାକି ୩୦୦୦ରେ ନିଯୁକ୍ତି ପ୍ରଦାନ କରାଯିବ।

ମୋଦି ସରକାର ଜମ୍ମୁ-କାଶ୍ମୀର ପାଇଁ ଦେଇଥିବା ୮୦,୦୦୦ କୋଟି ଟଙ୍କା ଫଣ୍ଡର ସମୀକ୍ଷା କରିଥିଲେ ରଜନାଥ। ଏହାର ୨୮ ପ୍ରତିଶତ ବିନିଯୋଗ ହୋଇଥିବା ଜଣାପଡିଛି। ରାଜନାଥ ପ୍ରାୟ ୨୦ ମିନିଟ ପର୍ଯ୍ୟନ୍ତ ମେହବୁବାଙ୍କ ସହ ଆଲୋଚନା କରିଥିଲେ।

ଏହାସହ ରାଜନାଥ, ସଡ଼କ, ପର୍ଯ୍ୟଟନ ଓ ଦୁଇଟି ଆଇଆଇଏମ୍‌ର ସମୀକ୍ଷା କରିଥିଲେ। ରାଜ୍ୟ ପୋଲିସ୍‌କୁ ରାଜନାଥ ପ୍ରଶଂସା କରିବା ସହ ଡିଜିପିଙ୍କୁ ସମସ୍ତ ପ୍ରକାର ସହଯୋଗ ପ୍ରଦାନ କରାଯିବ ବୋଲି ଆଶ୍ୱାସନା ଦେଇଥିଲେ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।