ମୁଁ ଶୀଘ୍ର ଫେରିବି କହି ବ୍ରେକ ନେଲେ ସଞ୍ଜୟ ଦତ୍ତ

ନୂଆଦିଲ୍ଲୀ: ଦୁଇ ଦିନ ଧରି ହସ୍ପିଟାଲରେ ରହି ଡିସଚାର୍ଜ ହେବା ପରେ ନିଜ କାର୍ଯ୍ୟରୁ କିଛି ଦିନ ବ୍ରେକ ନେଉଥିବା ସମ୍ପର୍କରେ ଘୋଷଣା କରିଛନ୍ତି ବଲିଉଡ ଅଭିନେତା ସଞ୍ଜୟ ଦତ୍ତ। ସ୍ୱାସ୍ଥ୍ୟଗତ ସମସ୍ୟା କାରଣରୁ ସେ କିଛି ସମୟ ପାଇଁ ବ୍ରେକ ନେଉଥିବା କହିଛନ୍ତି।

ସଞ୍ଜୟ ଦତ୍ତ ନିଜ ଟ୍ୱିଟର ଆକାଉଣ୍ଟରେ ଲେଖିଛନ୍ତି ଯେ ହାଏ ଫ୍ରେଣ୍ଡ୍ସ। ମୁଁ କିଛି ସମୟ ପାଇଁ ବ୍ରେକ ନେଉଛି। ମେଡିକାଲ ଚିକିତ୍ସା ପାଇଁ ମୁଁ କିଛି ସମୟ କାର୍ଯ୍ୟ କରିବି ନାହିଁ। ଏହି ଘୋଷଣା ପରେ ମୋର ଶୁଭେଚ୍ଛୁ ଓ ଫ୍ୟାନମାନେ କୌଣସି ଆକଳନ କରନ୍ତୁ ନାହିଁ। ସେହିପରି କେହି ବି ବ୍ୟସ୍ତ ହୁଅନ୍ତୁ ନାହିଁ। ମୁଁ ଖୁବଶୀଘ୍ର କମବ୍ୟାକ କରିବି ବୋଲି ସେ କହିଛନ୍ତି।

ଅଗଷ୍ଟ ୮ରେ ସଞ୍ଜୟ ଦତ୍ତ ଅଣନିଃଶ୍ୱାସ ହେବାରୁ ତାଙ୍କୁ ମୁମ୍ବାଇର ଏକ ହସ୍ପିଟାଲରେ ଭର୍ତ୍ତି କରାଯାଇଥିଲା। ଗତକାଲି ସେ ଡିସଚାର୍ଜ ହୋଇଥିଲେ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।