ନୂଆଦିଲ୍ଲୀ: ବିମାନରେ ଯାତ୍ରୀମାନଙ୍କୁ ଦିଆଯାଉଥିବା ପ୍ରତିଟି ସୂଚନା ପରେ ଏୟାର ଇଣ୍ଡିଆ କର୍ତ୍ତୃପକ୍ଷ ଓ ସଦସ୍ୟ ‘ଜୟହିନ୍ଦ’ କହିବେ। ଏନେଇ ଆଜି ଏୟାର ଇଣ୍ଡିଆ ପକ୍ଷରୁ ସର୍କୁଲାର ଜାରି କରାଯାଇଛି। ତତ୍କାଳ ଭିତ୍ତିରେ ଏହି ନିୟମ ଲାଗୁ କରାଯାଇଛି। ଲୋକଙ୍କ ମନରେ ଦେଶାତ୍ମକବୋଧ ଭାବ ଜାଗ୍ରତ କରିବାକୁ ଏୟାର ଇଣ୍ଡିଆ ଏଭଳି ପଦକ୍ଷେପ ଗ୍ରହଣ କରିଥିବା ଜଣାପଡ଼ିଛି।
ଡାଇରେକ୍ଟର ଅପ୍ ଅପରେସନ୍ ଅମିତାଭ ସିଂହ କହିଛନ୍ତି, “ ତତ୍କାଳ ଭିତ୍ତିରେ ସମସ୍ତ କ୍ରୁ ମାନେ ପ୍ରତିଟି ଘୋଷଣା ପରେ ଏବଂ ନିୟମିତ ବ୍ୟବଧାନରେ ଜୟହିନ୍ଦ କହିବେ।”
୨୦୧୬ ମେ’ ମାସରେ ତତ୍କାଳୀନ ଏୟାର ଇଣ୍ଡିଆ ଅଧ୍ୟକ୍ଷ ଅଶ୍ୱିନୀ ଲୋହାନୀ ପାଇଲଟମାନଙ୍କୁ ଜୟହିନ୍ଦ କହିବାକୁ ନିର୍ଦ୍ଦେଶ ଦେଇଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
