ନୂଆଦିଲ୍ଲୀ: ପଞ୍ଜାବ, ଗୋଆ, ଓ ଗୁଜୁରାଟରେ ହେବାକୁ ଥିବା ବିଧାନସଭା ନିର୍ବାଚନ ପ୍ରଚାର ପାଇଁ ଦଳୀୟ ନେତା ଓ ମନ୍ତ୍ରୀଙ୍କୁ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଦାୟିତ୍ୱ ଦେଇଛନ୍ତି।
କେଜ୍ରିୱାଲ ଦିଲ୍ଲୀ ଫେରିବା ପରେ ଆଜି ତାଙ୍କ ବାସଭବନରେ ବରିଷ୍ଠ ନେତାଙ୍କ ସହ ଏକ ବୈଠକ କରିଥିଲେ। ବୈଠକରେ ଏହି ତିନି ରାଜ୍ୟରେ ବିଧାନସଭା ନିର୍ବାଚନ ପାଇଁ ରଣନୀତି ପ୍ରସ୍ତୁତ ହୋଇଥିଲା। କେଜ୍ରିୱାଲ ନିଜେ ପଞ୍ଜାବର ବିଧାନସଭା ନିର୍ବାଚନ ଦାୟିତ୍ୱ ନେଇଛନ୍ତି। ମନୀଷ ସିସୋଦିଆ ଏବଂ ସତ୍ୟେନ୍ଦ୍ର ଜୈନଙ୍କୁ ଗୋଆ ନିର୍ବାଚନର ପ୍ରଚାର ଦାୟିତ୍ୱ ଦିଆଯାଇଛି। ଆଶୁତୋଷ ଗୁପ୍ତା ଓ କପିଲ ମିଶ୍ରାଙ୍କୁ ଗୁଜରାଟର ଦାୟିତ୍ୱ ଦିଆଯାଇଛି।
ପୂର୍ବରୁ ସଞ୍ଜୟ ସିଂହଙ୍କୁ ପଞ୍ଜାବ ଓ ପଙ୍କଜ ଗୁପ୍ତାଙ୍କୁ ଗୋଆର ପ୍ରଭାରୀ ଭାବେ ନିଯୁକ୍ତି ଦିଆଯାଇସାରିଛି। ଏହା ସହ କିଛି ବିଧାୟକଙ୍କୁ ସହପ୍ରଭାରୀ ଭାବେ ନିଯୁକ୍ତି ଦିଆଯାଇଛି। ଏହି ନେତାମାନଙ୍କୁ ପ୍ରତିମାସରେ ୧୦ ଦିନରୁ ଅଧିକ ସେମାନଙ୍କ ଦାୟିତ୍ୱରେ ଥିବା ରାଜ୍ୟରେ ରହିବାକୁ କେଜ୍ରିୱାଲ ନିର୍ଦ୍ଦେଶ ଦେଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
