ଟିକଟକକୁ କିଣିବା ପାଇଁ ମାଇକ୍ରୋସଫ୍ଟକୁ ୪୫ ଦିନର ସମୟ ଦେଲେ ଟ୍ରମ୍ପ

ୱାଶିଂଟନ: ଚାଇନିଜ ଆପ ଟିକଟକକୁ ମାଇକ୍ରୋସଫ୍ଟ କିଣିବାର ସମ୍ଭାବନା ସୃଷ୍ଟି ହୋଇଛି। ଜାତୀୟ ସୁରକ୍ଷାକୁ ଦୃଷ୍ଟିରେ ରଖି ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏହାକୁ ଆମେରିକାରେ ବନ୍ଦ କରିବାକୁ ଚାହୁଁଛନ୍ତି। ତେବେ ଯଦି ଏହାକୁ ମାଇକ୍ରୋସଫ୍ଟ କିଣି ନେଉଛି, ତା’ହେଲେ ଏହା ଉପରେ ଆଉ ପ୍ରତିବନ୍ଧକ ଲାଗିବ ନାହିଁ।

ଏଥିପାଇଁ ମାଇକ୍ରୋସଫ୍ଟକୁ ଟ୍ରମ୍ପ ୪୫ ଦିନର ସମୟ ଦେଇଛନ୍ତି। ୪୫ ଦିନ ମଧ୍ୟରେ ଟିକଟକ ସହ ଡିଲ ଫାଇନାଲ କରିବାକୁ ସମୟ ଦେଇଛନ୍ତି।

ଆମେରିକାରେ ପ୍ରାୟ ୧୦୦ ମିଲିୟନ ଲୋକ ଟିକଟକକୁ ବ୍ୟବହାର କରୁଛନ୍ତି। ହେଲେ ଚାଇନା ସହ ଆମେରିକାର ସୃଷ୍ଟି ହୋଇଥିବା ବିବାଦ ଚରମ ସୀମାରେ ପହଞ୍ଚି ଥିବାରୁ ୱାଶିଂଟନ ପକ୍ଷରୁ ଟିକଟକୁ ବ୍ୟାନ କରିବାକୁ ଯୋଜନା କରାଯାଉଛି।

ତେବେ ଟିକଟକର ଲୋକପ୍ରିୟତା ଅଧିକ ଥିବାରୁ ଏହାକୁ ମାଇକ୍ରୋସଫ୍ଟ ଚାଇନିଜ କମ୍ପାନୀ ବାଇଟ ଡ୍ୟାନ୍ସ ଠାରୁ କିଣିବାକୁ ଚାହୁଁଛି। ସେପ୍ଟେମ୍ବର ୧୫ ସୁଦ୍ଧା ଏହି ଡିଲ୍‌ ଉପରେ ଚୂଡ଼ାନ୍ତ ନିଷ୍ପତ୍ତି ହେବ ବୋଲି ଜଣାପଡ଼ିଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।