ଯିବେନି କହି ଭୂମି ପୂଜନ କାର୍ଯ୍ୟକ୍ରମରେ ସାମିଲ ହେଲେ ଉମା ଭାରତୀ

ଅଯୋଧ୍ୟା: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପାଇଁ ମୁଁ ବ୍ୟସ୍ତ। କାଳେ ମୋ ପାଇଁ ଭୂମି ପୂଜନ କାର୍ଯ୍ୟକ୍ରମରେ ସାମିଲ ହେଉଥିବା ଲୋକଙ୍କୁ କରୋନା ସଂକ୍ରମିତ କରିବ, ସେଥିପାଇଁ ମୁଁ ସଭାସ୍ଥଳକୁ ଯିବି ନାହିଁ। ଦୁଇ ଦିନ ତଳେ ଏଭଳି ଭାବେ ବୟାନ ଦେଇ ଅଯୋଧ୍ୟା ରାମ ମନ୍ଦିର ନିର୍ମାଣ କାର୍ଯ୍ୟକ୍ରମରେ ଯୋଗଦେବେ ନାହିଁ ବୋଲି କହିଥିଲେ ଉମା ଭାରତୀ।

ହେଲେ ଆଜି ଭୂମି ପୂଜନ କାର୍ଯ୍ୟକ୍ରମରେ ସେ ଅନ୍ୟ ଅତିଥିମାନଙ୍କ ଭଳି ସେଠାରେ ଉପସ୍ଥିତ ରହି ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ସହ କଥାବାର୍ତ୍ତା କରୁଥିବା ବେଳର ଫଟୋ ସାମ୍ନାକୁ ଆସିଛି। ମନା କରି ପୁଣି କେମିତି କାର୍ଯ୍ୟକ୍ରମକୁ ଆସିଲେ ବୋଲି ପ୍ରଶ୍ନର ଉତ୍ତର ମଧ୍ୟ ଉମା ଭାରତୀ ଦେଇଛନ୍ତି।

ସେ କହିଛନ୍ତି, “ମର୍ଯ୍ୟାଦା ପୁରୋଷତ୍ତମ ଭଗବାନ ରାମଙ୍କ ସମ୍ମାନକୁ ପାଳନ କରିବାକୁ ମୁଁ ବାଧ୍ୟ। ରାମ ଜନ୍ମ ଭୂମିର ଜଣେ ବରିଷ୍ଠ ଅଧିକାରୀମାନେ ଭୂମି ପୂଜନ କାର୍ଯ୍ୟକ୍ରମରେ ଉପସ୍ଥିତ ରହିବାକୁ ବାଧ୍ୟ ବୋଲି କହିଥିଲେ। ତେଣୁ ମୁଁ ଏହି କାର୍ଯ୍ୟକ୍ରମରେ ଯୋଗଦେଇଛି।”

ସେ ଆହୁରି କହିଛନ୍ତି, “ଅଯୋଧ୍ୟା ଆଜି ସମସ୍ତଙ୍କୁ ଏକ କରି ଦେଇଛି। ଏବେ ଏ ଦେଶ ପୂରା ଦୁନିଆରେ ମୁଣ୍ଡ ଉଠାଇ କହିପାରିବ ଯେ ଏଠାରେ କୌଣସି ଭେଦଭାବ ନାହିଁ।”

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।