ଶେଷରେ ଗିରଫ ହେଲା ଗ୍ୟାଙ୍ଗଷ୍ଟର ବିକାଶ ଦୁବେ

ଭୋପାଲ: ଶୁକ୍ରବାର ଠାରୁ ଚାଲିଥିବା ଛକାପଞ୍ଝାରେ ପୂର୍ଣ୍ଣଚ୍ଛେଦ ପଡ଼ିଛି। ଉତ୍ତର ପ୍ରଦେର ଗାଙ୍ଗଷ୍ଟର ତଥା କାନପୁର ଶୁଟଆଉଟ ବେଳେ ୮ ଜଣ ପୁଲିସ୍‌କୁ ହତ୍ୟା କରିଥିବା ବିକାଶ ଦୁବେ ଶେଷରେ ଗିରଫ ହୋଇଛି। ତାକୁ ମଧ୍ୟପ୍ରଦେଶର ଉଜୈନରେ ଥିବା ମହାକାଳ ମନ୍ଦିରରୁ ସ୍ଥାନୀୟ ପୁଲିସ୍‌ ଗିରଫ କରିଥିବା ସୂଚନା ମିଳିଛି। ଆସନ୍ତକାଲି ସୁଦ୍ଧା ବିକାଶକୁ ଏସଟିଏଫ ରିମାଣ୍ଡରେ ନେବ ବୋଲି ଜଣାପଡ଼ିଛି। ମଧ୍ୟପ୍ରଦେଶ ପୁଲିସ୍‌ ବିକାଶକୁ ଉତ୍ତର ପ୍ରଦେଶ ପୁଲିସ୍‌କୁ କୋର୍ଟଙ୍କ ଅନୁମତି କ୍ରମେ ହସ୍ତାନ୍ତର କରିବ।

ଉତ୍ତର ପ୍ରଦେଶ ପୁଲିସ୍‌ ତା’ର ଗିରଫଦାରୀ ସମ୍ପର୍କରେ ସୂଚନା ଦେଇଥିଲେ ହେଁ ବିସ୍ତୃତ ତଥ୍ୟ ଦେଇନାହିଁ। ଏବେ ତା’କୁ ଉଜୈନରୁ କାନପୁର ଅଣାଯାଉଛି। ଏହାପରେ ସମସ୍ତ ତଥ୍ୟ ସାମ୍ନାକୁ ଆସିବ ବୋଲି କୁହାଯାଉଛି। ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଲା, ଗତକାଲି ସନ୍ଧ୍ୟାରେ ବିକାଶକୁ ନୋଏଡାରେ ଠାବ କରାଯାଇଥିଲା। ହେଲେ ସେ ପୁଲିସ୍‌କୁ ଚକମା ଦେଖାଇ ମଧ୍ୟପ୍ରଦେଶରେ ପହଞ୍ଚି ଯାଇଥିଲା।

ନୋଏଡାର ଏକ ଟିଭି ଚ୍ୟାନେଲରେ ସେ ଆତ୍ମସମର୍ପଣ କରିବାର ସୂଚନା ମିଳିଥିଲା। କାରଣ ଉତ୍ତର ପ୍ରଦେଶ ପୁଲିସ୍‌ ତା’କୁ ପାଇବା ମାତ୍ରେ ଗୁଳି କରିବାର ଭୟ ତା’କୁ ଘାରିଥିଲା। ତେଣୁ ସେ ଟିଭି ଚ୍ୟାନେଲରେ ହାଜର ହୋଇ ପୁଲିସ୍‌କୁ ଧରା ଦେଇଥାଆନ୍ତା। ଏଥିପାଇଁ ପୁଲିସ୍‌ ନୋଏଡାରେ ସୁରକ୍ଷା ବ୍ୟବସ୍ଥା କଡ଼ାକଡ଼ି କରିଥିଲା। କିନ୍ତୁ ବିକାଶ ନିଜ ଯୋଜନାରେ ପରିବର୍ତ୍ତନ କରି ଉଜୈନ ଚାଲି ଯାଇଥିଲା।

ସୂତ୍ର ଅନୁସାରେ, ସେ ନିଜେ ହିଁ ତା’ର ଠିକଣା ବିଷୟରେ ମଧ୍ୟପ୍ରଦେଶ ପୁଲିସ୍‌କୁ ସୂଚନା ଦେଇଥିଲା। କାରଣ ମଧ୍ୟପ୍ରଦେଶ ପୁଲିସ୍‌ ତା’କୁ ଏନକାଉଣ୍ଟର କରିବ ନାହିଁ ବୋଲି ସେ ଭଲ ଭାବେ ଜାଣିଥିଲା। ମଧ୍ୟପ୍ରଦେଶ ପୁଲିସ୍‌ ସୂଚନା ପାଇବା ପରେ ମହାକାଳ ମନ୍ଦିରରେ ଥିବା ବିକାଶ ଦୁବେକୁ ଗିରଫ କରିଛି। ଗିରଫ ପରେ ତା’କୁ ରାସ୍ତାରେ ଚଲାଇ ଚଲାଇ ଗାଡ଼ିକୁ ନିଆଯାଉଥିବା ଦୃଶ୍ୟ ସ୍ଥାନୀୟ ସିସିଟିଭରେ କଏଦ ହୋଇଛି।

ଜୁନ୍‌ ୩ ଏନକାଉଣ୍ଟର ପରେ ବିକାଶ ଫେରାର ଥିଲା। ସେ ଓ ତା’ ସହଯୋଗୀମାନେ ଶୁଟ ଆଉଟ ବେଳେ ୮ ଜଣ ପୁଲିସ୍‌ କର୍ମଚାରୀଙ୍କୁ ହତ୍ୟା କରିଥିଲେ। ଏହାପରେ ତାକୁ ଧରିବା ପାଇଁ ୨୦ଟି ଟିମ ଗଠନ କରାଯାଥିଲା। ବିକାଶକୁ ଖୋଜିବା ବେଳେ ଏକାଧିକ ଏନକାଉଣ୍ଟରେ ତା’ର ୩ ଜଣ ସହଯୋଗୀ ପ୍ରାଣ ହରାଇଛନ୍ତି।

ବିକାଶକୁ ମଧ୍ୟ ପୁଲିସ୍‌ ଏନକାଉଣ୍ଟର କରିବା ପାଇଁ ଯୋଜନା କରିଥିଲା। ତା’ ବିଷୟରେ ସୂଚନା ଦେଲେ ୫ ଳକ୍ଷ ଟଙ୍କାର ପୁରସ୍କାର ମିଳିବ ବୋଲି ମଧ୍ୟ ପୁଲିସ ଘୋଷଣା କରିଥିଲା। ତା’ ଉପରେ ୬୦ରୁ ଅଧିକ ହତ୍ୟା, ଲୁଟ ଓ ଧମକ ଦେଇ ବଟି ଆଦାୟ ଭଳି ମାମଲା ରହିଛି। ପୁଲିସ୍‌ ଠାରୁ ଆରମ୍ଭ କରି ରାଜନୀତିକ ଦଳ ସହ ତା’ର ସମ୍ପର୍କ ଥିବା ମଧ୍ୟ ତଦନ୍ତରୁ ଜଣାପଡ଼ିଛି। ଏବେ ସେ ଗିରଫ ହୋଇଥିବାରୁ ସବୁ ଗୁମର ଫିଟିବାର ସମ୍ଭାବନା ସୃଷ୍ଟି ହୋଇଛି।

ଆହୁରି ପଢ଼ନ୍ତୁ

ସଞ୍ଜୟ ଦତ୍ତ ଲୀଳାବତି ହସ୍ପିଟାଲରେ ଭର୍ତ୍ତି

କେନ୍ଦ୍ରମନ୍ତ୍ରୀ ଅର୍ଜୁନ ରାମ ମେଘୱାଲ୍‌ଙ୍କୁ କରୋନା

ଖୋଲିବ ଆଉ ୬୫ଟି ନୂଆ ଜେଏମଏଫସି କୋର୍ଟ, ଅନୁମତି ଦେଲେ ହାଇକୋର୍ଟ

ସର୍ବସାଧାରଣ ସ୍ଥାନରେ ହୋଇପାରିବନି ଗଣେଶ ପୂଜା

ଅଧା ରହିଗଲା ମା’ଙ୍କ ଜନ୍ମଦିନ ସରପ୍ରାଇଜ୍‌…

ଆରୋଗ୍ୟ ହେଲେ ୧୫୪୪ କରୋନା ଆକ୍ରାନ୍ତ

ମୁଡ ଅଫ ନେଶନ: କୋଭିଡ ମୁକାବିଲା ମୋଦି ସରକାରଙ୍କ ବଡ଼ ବିଫଳତା

ଭୁବନେଶ୍ୱରରୁ ୧୯୦ କରୋନା ଆକ୍ରାନ୍ତ ଚିହ୍ନଟ, ୫୨ ଲୋକାଲ୍‌ କେସ୍‌

ମୁଡ ଅଫ ନେଶନ: ଯୋଗୀ ଆଦିତ୍ୟନାଥ ୧ନଂ ମୁଖ୍ୟମନ୍ତ୍ରୀ, ନବୀନଙ୍କ ସ୍ଥାନ କେତେ

ଆସନ୍ତାକାଲି ଏହି ସବୁ ଜିଲ୍ଲାରେ ହେବ ପ୍ରବଳ ବର୍ଷା

୨୯ ଦିନ ପରେ କରୋନାରୁ ଆରୋଗ୍ୟ ହେଲେ ଅଭିଷେକ ବଚ୍ଚନ

ଗର୍ଭବତୀ ହଟହଟା; ଅଲଟ୍ରା ସାଉଣ୍ଡ ପୂର୍ବରୁ ଡାକ୍ତର ମାଗୁଛନ୍ତି କୋଭିଡ ରିପୋର୍ଟ