ନୂଆଦିଲ୍ଲୀ: ପୂର୍ବ ଦିଲ୍ଲୀରେ ଆମ ଆଦମୀ ପାର୍ଟି (ଆପ୍)ର ପ୍ରାର୍ଥୀ ଆତିଶିଙ୍କ ଉପରେ "ଆପତ୍ତିଜନକ ମନ୍ତବ୍ୟ' ପାମ୍ଫଲେଟ୍ ବାଣ୍ଟିବା ମାମଲାରେ ଗୌତମ ଗମ୍ଭୀରଙ୍କ ଉପରେ ଲାଗିଥିବା ଅଭିଯୋଗରେ କ୍ରିକେଟର ହରଭଜନ ସିଂହ ଓ ଭିଭିଏସ୍ ଲକ୍ଷ୍ମଣ ପ୍ରତିକ୍ରିୟା ଦେଇଛନ୍ତି।
ହରଭଜନ ଟ୍ୱିଟ୍ କରି କହିଛନ୍ତି, "ଗମ୍ଭୀର କେବେବି କୌଣସି ମହିଳାଙ୍କ ପ୍ରତି ଏଭଳି ଟିପ୍ପଣୀ କରିପାରିବେ ନାହିଁ। ତେଣିକି ସେ ହାରନ୍ତୁ କିମ୍ବା ଜିତନ୍ତୁ, କିନ୍ତୁ ଜଣେ ମଣିଷ ଭାବେ ଗମ୍ଭୀର ଏସବୁଠାରୁ ବହୁ ଉଦ୍ଧ୍ୱର୍ରେ।"
I am shocked to note yesterday’s events involving @GautamGambhir. I know him well and he can never talk ill for any woman. Whether he wins or loses is another matter but the man is above all this
— Harbhajan Turbanator (@harbhajan_singh) May 10, 2019
ସେହିପରି ଲକ୍ଷ୍ମଣ ମଧ୍ୟ ଗମ୍ଭୀରଙ୍କୁ ସମର୍ଥନ କରି କହିଛନ୍ତି, "ଗମ୍ଭୀରଙ୍କୁ ମୁଁ ଗତ ଦୁଇ ଦଶନ୍ଧି ଧରି ଜାଣିଛି, ଏଥିପାଇଁ ମୁଁ ତାଙ୍କ ସଚ୍ଚୋଟତା, ଚରିତ୍ର ଓ ମହିଳାଙ୍କ ପ୍ରତି ସମ୍ମାନର ଗ୍ୟାରେଣ୍ଟି ଦେଉଛି।"
Shocked to hear about yesterday's developments. Having known @GautamGambhir for nearly 2 decades, I can vouch for his integrity, character and the respect he has for women.
— VVS Laxman (@VVSLaxman281) May 10, 2019
ସୂଚନାଯୋଗ୍ୟ, ଆମ ଆଦମୀ ପାର୍ଟି (ଆପ୍)ର ପ୍ରାର୍ଥୀ ଆତିଶିଙ୍କ ବିରୋଧରେ ଗମ୍ଭୀର ଆପତ୍ତିଜନକ ଭାଷା ବ୍ୟବହାର କରିଥିବା ଅଭିଯୋଗ ଉଠିଥିଲା। ତେବେ ନିଜ ଉପରେ ଲାଗିଥିବା ଏହି ଅଭିଯୋଗର ଗମ୍ଭୀର ଦୃଢ଼ ଜବାବ ଦେଇଛନ୍ତି। ଏଭଳି ଅପପ୍ରଚାର ପାଇଁ ଗମ୍ଭୀର ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ବିରୋଧରେ ମାନହାନି ମକଦ୍ଦମା ରୁଜୁ କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
