ବେଜିଂ: ମହାକାଶରେ ଖଣିର ସନ୍ଧାନ କରିବା ପାଇଁ ଚାଇନା ପ୍ରସ୍ତୁତି ଆରମ୍ଭ କରିଦେଇଛି। ଏଥିପାଇଁ ଚଳିତ ବର୍ଷ ନଭେମ୍ୱର ମାସରେ ବିଶ୍ୱର ପ୍ରଥମ ମାଇନିଂ ରୋର୍ବଟ ଚାଇନା ମହାକାଶକୁ ପଠାଇବ। ଏନେଇ IEEE Specturmର ଏକ ରିପୋର୍ଟରେ ଖବର ପ୍ରକାଶ ପାଇଛି। ଅରିଜିନ୍ ସ୍ପେସ୍ ନାମକ ଏକ ଘରୋଇ କମ୍ପାନୀ ଏହାକୁ ପ୍ରେରଣ କରିବ। ଏହାର ନାମ ଏଷ୍ଟେରଏଡ୍ ମାଇନିଂ ରବୋର୍ଟ ରଖାଯାଇଛି।
ଏହି ରୋର୍ବଟ କୌଣସି ମାଇନିଂ କାମ କରିବ ନାହିଁ। ମିଶନ ଅନୁସାରେ ଏହି ରୋର୍ବଟ ପ୍ରାଥମିକ ପ୍ରର୍ଯ୍ୟାୟରେ କେବଳ ମହାକାଶରେ ଥିବା ମୂଲ୍ୟବାନ ଖଣିଜ ପଦାର୍ଥ ଗୁଡ଼ିକ ଚିହ୍ନିବା ସହ ଏହାର ଉତ୍ତୋଳନ କରିବାର ଦକ୍ଷତାକୁ ମାପିବ।
ଅରିଜିନ୍ ସ୍ପେସ୍ର ସହ-ପ୍ରତିଷ୍ଠାତା ୟୁ ତିଆନହଙ୍ଗ ଆମେରିକାର ଏକପତ୍ରିକାକୁ ସାକ୍ଷାତକାର ଦେଇ କହିଛନ୍ତି, ଏହାର ଲକ୍ଷ୍ୟ ହେଉଛି ମହାକାଶରେ ବିଭିନ୍ନ କାମ କରିବା ଯଥା ମହାକାଶଯାନର ଅର୍ବିଟାଲ୍ ମନିଭର୍, ଖଣ୍ଡବିଖଣ୍ଡିତ ହୋଇଥିବା ବିଭିନ୍ନ ମହାକାଶଯାନର ଉପସ୍ଥିତି, ଗୁଇନ୍ଦା ମହାକାଶଯାନକୁ ଠାବ କିରିବା ଓ ଏହାର ନିୟନ୍ତ୍ରଣ। ଏହା ମହାକାଶ ଅଭିଯାନରେ ଏକ ନୂଆ ଅଧ୍ୟାୟ ସୃଷ୍ଟି କରିବ। ଏପରି ମିଶନ ପୂର୍ବରୁ କେବେ ହେଲେ ଚେଷ୍ଟା କରାଯାଇ ନାହିଁ । ଯଦି ଏହି ପ୍ରକଳ୍ପ ସଫଳ ହୁଏ ତେବେ ଏକ ଟ୍ରିଲିୟନ ଡଲାର ମହାକାଶ ଶିଳ୍ପ ଖୋଲିପାରିବ ବୋଲି ସେ କହିଛନ୍ତି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।