ଜମି ଅଧିଗ୍ରହଣ ସମ୍ପର୍କିତ ଅଧ୍ୟାଦେଶ ଆଣିବେ କେନ୍ଦ୍ର ସରକାର

ନୂଆଦିଲ୍ଲୀ: ପୁଣି ଥରେ ଜମି ଅଧିଗ୍ରହଣ ସମ୍ପର୍କିତ ଅଧ୍ୟାଦେଶ ଆଣିବେ କେନ୍ଦ୍ର ସରକାର। ପ୍ରଧାନମନ୍ତ୍ରୀଙ୍କ ଅଧ୍ୟକ୍ଷତାରେ ଆଜି ଅନୁଷ୍ଠିତ କେନ୍ଦ୍ର କ୍ୟାବିନେଟ କମିଟି ବୈଠକରେ ଏହି ନିଷ୍ପତ୍ତି ହୋଇଛି। ବୈଠକରେ ଜମି ଅଧିଗ୍ରହଣ ବିଲ୍ ସମ୍ପର୍କରେ ବିସ୍ତୃତ ଭାବେ ଚର୍ଚ୍ଚା ହୋଇଥିଲା। ପୂର୍ବରୁ ଅଣାଯାଇଥିବା ଅଧ୍ୟାଦେଶର ଅବଧି ଆସନ୍ତା ଜୁନ ୪ ତାରିଖରେ ଶେଷ ହେଉଛି। ତେଣୁ ତାପୂର୍ବରୁ ସରକାର ପୁଣି ଅଧ୍ୟାଦେଶ ଆଣିବାକୁ ସ୍ଥିର ହୋଇଛି। ଏହି ଅଧ୍ୟାଦେଶ ତୃତୀୟ ଥର ପାଇଁ ମୋଦି ସରକାର ଆଣୁଛନ୍ତି। କେନ୍ଦ୍ରର ଏହି ଜମି ଅଧିଗ୍ରହଣ ବିଲକୁ କୃଷକ ସଂପ୍ରଦାୟ ସମେତ ବିଭିନ୍ନ ବିରୋଧୀ ଦଳ ଏପରିକି ଏନଡିଏର ଅଂଶୀଦାର ଦଳ ଶିବସେନା ମଧ୍ୟ ବିରୋଧ କରୁଛି।