ଭାରତ ଉପରେ ଆକ୍ରମଣ କରିପାରେ ଲସ୍କର

ୱାଶିଂଟନ୍: ଆଫଗାନିସ୍ତାନରୁ ଆମେରିକୀୟ ସେନା ଫେରିଆସିବା ପରେ ଲସ୍କର ଏ ତୋଏବା ଭଳି ଆତଙ୍କବାଦୀ ସଂଗଠନଗୁଡ଼ିକ ଭାରତକୁ ଟାର୍ଗେଟ କରିପାରନ୍ତି। ଆମେରିକାର ରକ୍ଷା ସଂସ୍ଥା ପେଣ୍ଟାଗନ ପକ୍ଷରୁ ଗୁରୁବାର ଏହି ଆଶଙ୍କା ପ୍ରକାଶ କରାଯାଇଛି। ପେଣ୍ଟାଗନ ପକ୍ଷରୁ ଗଠିତ ଏକ କମିଟି କହିଛି ଯେ ଆମେରିକୀୟ ଓ ନାଟୋ ସେନା ଆଫଗାନିସ୍ତାନରୁ ଫେରିବା ପରେ ଆଗାମୀ ବର୍ଷେରୁ ତିନି ବର୍ଷ ପର୍ଯ୍ୟନ୍ତ ଲସ୍କର ଭାରତୀୟ ଉପମହାଦୀପ ଉପରେ ଟାର୍ଗେଟ କରିପାରେ। ସେହିପରି ଲସ୍କର ସହିତ ପାକିସ୍ତାନରେ ସକ୍ରି୍ରୟ ଥିବା ଅନେକ ଆତଙ୍କବାଦୀ ସଂଗଠନ ଆଫଗାନିସ୍ତାନରେ ମଧ୍ୟ ଯୁଦ୍ଧ ଜାରି ରଖିବେ।