୧୦୨ ବର୍ଷର ବୃଦ୍ଧା ଜିତିଲେ ପଞ୍ଚାୟତ ନିର୍ବାଚନ

ମହୀଶୂର: ବୟସ ଯେତେ ହେଉ ନା କାହିଁକି ନିର୍ବାଚନ ଲଢିବା ଓ ଜିତି ଦେଖାଇବା ପାଇଁ ଜୋସ୍ କିମ୍ୱା ଆତ୍ମବିଶ୍ୱାସ ରହିବା ନିହାତି ଜରୁରୀ। ଯାହା କର୍ଣ୍ଣାଟକର ଏକ ଗ୍ରାମରେ ରହୁଥିବା ୧୦୨ ବର୍ଷର ବୃଦ୍ଧା ଗୋଥାଆମ୍ମା କରି ଦେଖାଇଛନ୍ତି। ଡଡୋଲାଥୁର ପଞ୍ଚାୟତ ନିର୍ବାଚନରେ ପ୍ରତିଦ୍ୱନ୍ଦ୍ୱୀତା କରି ସେ ବିଜୟୀ ହୋଇଛନ୍ତି। ଶୁକ୍ରବାର ପ୍ରକାଶିତ ପାଇଥିବା ନିର୍ବାଚନ ଫଳାଫଳରେ ଗୋଥାଆମ୍ମା ତାଙ୍କ ନିକଟତମ ପ୍ରତିଦ୍ୱନ୍ଦ୍ୱୀ ତଥା ତାଙ୍କ ସମ୍ପକୀୟ ଚେତ୍ରା ଜାମ୍ମାଙ୍କୁ ୧୩୬ ଭୋଟରେ ପରାସ୍ତ କରିଛନ୍ତି। ଗୋଥାଆମ୍ମା ମୋଟ ୩୫୪ ଭୋଟ ପାଇଥିବା ବେଳେ ଚେତ୍ରା ଜାମ୍ମାଙ୍କୁ ୨୧୮ ଭୋଟ ମିଳିଛି। ଗୋଥାଆମ୍ମାଙ୍କୁ ନିର୍ବାଚନ ଲଢେଇ କରିବା ପାଇଁ ତାଙ୍କ ସମ୍ପର୍କୀୟ ରବି କୁମାର ଉତ୍ସାହିତ କରିଥିଲେ।

ଗୋଥାଆମ୍ମା ପଞ୍ଚାୟତ ନିର୍ବାଚନରେ ଜୋରଦାର ପ୍ରଚାର କରିଥିଲେ। ତାଙ୍କ ଆଗ୍ରହକୁ ଦେଖି ଗ୍ରାମବାସୀ ଆଶ୍ଚର୍ଯ୍ୟ ପ୍ରକଟ କରିଥିଲେ। ଗୋଥାଆମ୍ମା ନିର୍ବାଚନ ପ୍ରଚାରେ ଯାଇ ସେ ଜିତିଲେ ସ୍ୱଚ୍ଛ ପାନୀୟ ଜଳ ବ୍ୟବସ୍ଥା ସହ ସଡକ ଉନ୍ନତୀକରଣ ପ୍ରତି ଦୃଷ୍ଟି ଦେବେ ବୋଲି ପ୍ରତିଶ୍ରୁତି ଦେଇଥିଲେ।