ଓଲଟି ପଡ଼ିଲା ବସ୍; ୧୭ ମୃତ, ୩୦ ଆହତ

ଲକ୍ଷ୍ନୌ: ଉତ୍ତର ପ୍ରଦେଶର ମୈନପୁରୀରେ ବୁଧବାର ସକାଳେ ଏକ ବଡ଼ ସଡ଼କ ଦୁର୍ଘଟଣା ଘଟିଛି। ପର୍ଯ୍ୟଟକଙ୍କୁ ନେଇ ଯାଉଥିବା ଏକ ବସ୍ ଭାରସାମ୍ୟ ହରାଇ ଡିଭାଇଡରେ ପିଟି ହେବା ପରେ ଓଲଟି ପଡ଼ିବାରୁ ୧୭ ଜଣଙ୍କ ମୃତ୍ୟୁ ଘଟିଛି। ୩୦ରୁ ଅଧିକ ଆହତ ହୋଇଛନ୍ତି।

ମିଳିଥିବା ସୂଚନା ଅନୁଯାୟୀ, ବସ୍‌ଟି ରାଜସ୍ଥାନର ଜୟପୁରରୁ ଗୁରଦହାୟଗଞ୍ଜ ଯାଉଥିଲା। ମୈନପୁରୀର ଦନ୍ନାହାର ଥାନା ଅନ୍ତର୍ଗତ କିରତପୁରରେ ବସ୍‌ଟି ଡିଭାଇଡରରେ ପିଟି ହୋଇ ଓଲଟି ପଡ଼ିଥିଲା। ବସ୍‌ଟି ଦ୍ରୁତ ଗତିରେ ଯାଉଥିଲା। ବସ୍‌ର ଡ୍ରାଇଭର ମଧ୍ୟ ଆହତ ହୋଇଛନ୍ତି।

kkk

ଦୁଇ ଦିନ ତଳେ ଉତ୍ତର ପ୍ରଦେଶର ଆଗ୍ରା- ଲକ୍ଷ୍ନୌ ଏକ୍ସପ୍ରେସ୍ ୱେରେ ଏଭଳି ଏକ ବଡ଼ ଦୁର୍ଘଟଣା ହୋଇଥିଲା। ଏକ ବସ୍ ୭ ଜଣଙ୍କ ଉପରେ ମାଡ଼ି ଯାଇଥିଲା। ଏମାନଙ୍କ ମଧ୍ୟରେ ୬ ଜଣ ଛାତ୍ର ଓ ଜଣେ ଶିକ୍ଷକ ଥିଲେ। ସେମାନଙ୍କ ଗାଡ଼ି ଖରାପ ହୋଇଯାଇଥିଲା, ତେଣୁ ସେମାନେ ରାସ୍ତା ଉପରେ ଛିଡ଼ା ହୋଇଥିଲେ। ସେତିକି ବେଳେ ବସ୍‌ଟି ଦ୍ରୁତ ଗତିରେ ଆସି ସେମାନଙ୍କ ଉପରେ ଚଢ଼ି ଯାଇଥିଲା।