ବ୍ୟବସାୟୀଙ୍କୁ ଅପହରଣ ଓ ହତ୍ୟା ମାମଲାରେ ୨ ଓଡ଼ିଆ ଗିରଫ

ସୁରଟ: ଗୁଜରାଟର ସୁରଟରେ ଜଣେ ବ୍ୟବସାୟୀଙ୍କୁ ଅପହରଣ ପରେ ହତ୍ୟା ଘଟଣାରେ ୨ ଓଡିଆ ଯୁବକ ଗିରଫ ହୋଇଛନ୍ତି। ୨ ଅଭିଯୁକ୍ତ ହେଲେ ଗଞ୍ଜାମ ଜିଲ୍ଲାର ମୁକେଶ ସାହୁ ଏବଂ ରବି ବେହେରା। ୭୦ ହଜାର ଟଙ୍କାର ଋଣକୁ ନେଇ ଏମାନେ ଜଗଦୀଶ ପଟେଲ ନାମକ ଜଣେ ବ୍ୟବସାୟୀଙ୍କୁ କାରଖାନାକୁ ଯାଉଥିବାବେଳେ ଅପହରଣ କରିବା ପରେ ହତ୍ୟା କରିଥିବା ଅଭିଯୋଗ ହୋଇଛି।

ଗତକାଲି ସାୟନ ଅଞ୍ଚଳର ଏକ ବିଲରୁ ଜଗଦୀଶଙ୍କ ଶବ ମିଳିଥିଲା। ଋଣ ନଦେବାରୁ  ଅଭିଯୁକ୍ତମାନେ ତାଙ୍କୁ ଅପହରଣ କରି ୪୦ ଲକ୍ଷ ଟଙ୍କା ମାଗିଥିଲେ। ଟଙ୍କା ନ ମିଳିବାରୁ ସେମାନେ ଜଗଦୀଶଙ୍କୁ ହତ୍ୟା କରିଥିବା ଅଭିଯୋଗ ହୋଇଛି।