କାଫେରେ ଗ୍ୟାସ୍‌ ବିସ୍ଫୋରଣ, ୨୨ ଗୁରୁତର

ମସ୍କୋ: ପଶ୍ଚିମ ଋସିଆର ସାରାଟଭ୍‌ ଅଞ୍ଜଳରେ  ଶନିବାର ଏକ ଅଭାବନୀୟ ଘଟଣା ଘଟିଛି। ଗୋଟିଏ କାଫେରେ ଗ୍ୟାସ୍‌ ଦୁଘର୍ଟଣା ଘଟି ୨୨ ଜଣ ଗୁରୁତର ହୋଇଛନ୍ତି। ପରେ ନିଆଁକୁ ଆୟତ୍ତ କରାଯାଇ ଥିଲା। ଏକ ବିବାହ ଉତ୍ସବ ଚାଲିଥିବା ବେଳେ ହଠାତ୍‌ ଏକ ଗ୍ୟାସ୍‌ ବିସ୍ଫୋରଣ ହୋଇଥିଲା।  ଉକ୍ତ କାଫେରେ ପ୍ରାୟ ୪୦ ଜଣ ଥିଲେ। ୧୪ ଜଣଙ୍କୁ  ଅତି ଗୁରୁତର ଅବସ୍ଥାରେ ସ୍ଥାନୀୟ ହସପିଟାଲରେ ଭର୍ତ୍ତି କରାଯାଇଛି। ସେମାନଙ୍କ ମଧ୍ୟରେ ୨ ଜଣ ଶିଶୁଙ୍କ ଶରୀରରେ ୭୦ ଭାଗ ଜଳି ଯାଇଛି। ସରକାର ଏହି ଘଟଣାକୁ ଗମ୍ଭୀରଭାବେ ନେଇ ଏକ ଜରୁରୀକାଳୀନ ବୈଠକ ଡାକିଛନ୍ତି।