ଏୟାର ଷ୍ଟ୍ରାଇକ୍‌ ପୂର୍ବରୁ ବାଲାକୋଟ୍‌ରେ ଏକାଠି ହୋଇଥିଲେ ୨୬୩ ଆତଙ୍କବାଦୀ

ନୂଆଦିଲ୍ଲୀ: ବାଲାକୋଟ୍‌ରେ ଏୟାର ଷ୍ଟ୍ରାଇକ୍‌ ନେଇ ଏକ ଚାଞ୍ଚଲ୍ୟକର ତଥ୍ୟ ଆସିଛି। ଏୟାର ଷ୍ଟ୍ରାଇକ୍‌ ପୂର୍ବରୁ ବାଲାକୋଟ୍‌ରେ କୁଖ୍ୟାତ ଆତଙ୍କବାଦୀ ଜୈଶ-ଇ-ମହମ୍ମଦରର ୨୬୩ ଜଣ ଆତଙ୍କବାଦୀ ଏକାଠି ହୋଇଥିଲେ। ଏୟାର ଷ୍ଟ୍ରାଇକ୍‌ର ୫ ଦିନ ପୂର୍ବରୁ ଏମାନେ ଉକ୍ତ କ୍ୟାମ୍ପରେ ଏକାଠି ହୋଇଥିଲେ। ଏହାର ପ୍ରମାଣ ଏବେ ସାମ୍ନାକୁ ଆସିଥିବା ଟାଇମ୍‌ସ ଅଫ ଇଣ୍ଡିଆ ଦାବି କରିଛି।

ସମସ୍ତଙ୍କୁ ମୋବାଇଲ ଏବଂ ଅନ୍ୟାନ୍ୟ ସାମଗ୍ରୀ ଦିଆଇଥିବା ନ୍ୟାସନାଲ ଟେକନିକାଲ ରିସର୍ଚ୍ଚ ଅର୍ଗାନାଇଜେସନ(ଏନ୍‌ଟିଆରଓ) ପକ୍ଷରୁ ଟ୍ରାକ୍‌ କରାଯାଥିଲା।  ଏହି ଆତଙ୍କବାଦୀଙ୍କୁ ଅତି ସତର୍କତାର ସହ ଟ୍ରାକ୍‌ କରିଥିଲା ଏନ୍‌ଟିଆରଓ। ତେବେ ଭାରତୀୟ ବାୟୁ ସେନାର ଆକ୍ରମଣ ପରେ ସିଗ୍‌ନାଲ ଗୁଡ଼ିକୁ ବ୍ଲକ କରିଦିଆଯାଇଥିବା ଏନ୍‌ଟିଆରଓ ପକ୍ଷରୁ କୁହାଯାଥିଲା।

ସୂଚନାଯୋଗ୍ୟ ଯେ, ପୁଲୱାମା ଆକ୍ରମଣ ପ୍ରତିଶୋଧ ନେବାକୁ ଯାଇ ଗତ ୨୬ ତାରିଖରେ ଭାରତୀୟ ବାୟୁ ସେନା ପକ୍ଷରୁ ପାକିସ୍ତାନର ବାଲାକୋଟ୍‌ ଉପରେ ଏୟାର ଷ୍ଟ୍ରାଇକ୍‌ କରାଯାଇଥିଲା। ଏଥିରେ ୩୦୦ ଆତଙ୍କବାଦୀ ନିହତ ହୋଇଥିବା କୁହାଯାଇଥିଲା।