୮ ମୋଷ୍ଟ ୱାଣ୍ଟେଡ୍ ଆତଙ୍କୀଙ୍କ ପୋଷ୍ଟର ଲଗାଇଲା ଏନଆଇଏ

ନୂଆଦିଲ୍ଲୀ: ଦିଲ୍ଲୀ ପୋଲିସ ପରେ ରାଷ୍ଟ୍ରୀୟ ସୁରକ୍ଷା ଏଜେନ୍ସି(ଏନଆଇଏ) ମୋଷ୍ଟ ୱାଣ୍ଟେଡ୍ ଲିଷ୍ଟରେ ଥିବା ୮ ଆତଙ୍କୀଙ୍କ ଫଟୋ ଜାରି କରିଛି। ଏହି ଆତଙ୍କୀକୁ ଧରାଇଦେବାରେ ସହାୟତା କରିବା ବ୍ୟକ୍ତିଙ୍କୁ ୧୦ ଲକ୍ଷ ଟଙ୍କା ପୁରସ୍କାର ଦିଆଯିବ ବୋଲି ଘୋଷଣା କରିଛି।

ଏନଆଇଏ ପକ୍ଷରୁ ଦିଲ୍ଲୀ ସହରର ଜନଗହଳି ସ୍ଥାନରେ ଥିବା ପାଚେରୀ କାନ୍ଥରେ ଏହି ୮ ଆତଙ୍କୀଙ୍କ ଫଟୋ ଲଗାଯାଇଛି। ଉକ୍ତ ଆତଙ୍କୀମାନେ ବିଜନୋର ବିସ୍ଫୋରଣରେ ସାମିଲ ଥିବା ଅଭିଯୋଗ ହୋଇଥିଲା।

ଏହାପୂର୍ବରୁ ଦିଲ୍ଲୀ ପୋଲିସର ସ୍ପେଶାଲ୍ ସେଲ୍ ଇଣ୍ଡିଆନ୍ ମୁଜାହିଦ୍ଦିନର ୩ ଆତଙ୍କୀଙ୍କ ଫୋଟ ସାମ୍ମାକୁ ଆଣିଥିଲା।