୯୨ ବର୍ଷୀୟା ସୁଦାମା ଦିନକୁ ଖାଆନ୍ତି କିଲେ ବାଲି

ଲକ୍ଷ୍ମୌ: କୌଣସି ମଣିଷ କ’ଣ କେବେ ବାଲି ଖାଇବାକୁ ପସନ୍ଦ କରିବ? କିନ୍ତୁ ଏ ଦୁନିଆରେ ଏପରି ଜଣେ ମହିଳା ଅଛନ୍ତି ଯେ କି ପ୍ରତିଦିନ କିଲେ ବାଲି ଖାଇ ଥାଆନ୍ତି। ପ୍ରତିଦିନ ଏକ କିଲୋ ବାଲି ନ ଖାଇଲେ ତାଙ୍କ ଭୋକ ମରି ନ ଥାଏ। ତାଙ୍କ ନାମ ସୁଦାମା ଦେବୀ। ବୟସ ୯୨।  ଉତ୍ତର ପ୍ରଦେଶର ଶାହାଜାନ୍ ଜିଲ୍ଲା କାଜିର୍ ନୁରପୁରରେ ରହନ୍ତି ସେ। ଗତ ୮୦ ବର୍ଷ ହେବ ସେ  ପ୍ରତିଦିନ ଏକ କିଲୋ ବାଲି ଖାଇ ଆସୁଛନ୍ତି। ସୁଦାମା ଦେବୀ କହିଛନ୍ତି ଯେ ସେ ଦଶ ବର୍ଷ ବୟସରୁ ବାଲି ଖାଇବା ଆରମ୍ଭ କରିଥିଲେ। ଦିନେ ସେ ମଜାରେ ମଜାରେ ସାଙ୍ଗମାନେ କହିବାରୁ ବାଲି ଖାଇ ଦେଇଥିଲେ। ଆଉ ତା’ପରେ ଏହା ଅଭ୍ୟାସରେ ପରିଣତ ହୋଇଗଲା।

ଚାରୋଟି ସନ୍ତାନର ମା’ ସୁଦାମା ଦେବୀ କହିଛନ୍ତି ଯେ ବାଲି ଖାଇବା ଦ୍ୱାରା ସେ କେବେ ଅସୁସ୍ଥ ହୋଇନାହାନ୍ତି। ଶୁଖା ବାଲି ଖାଇବା ପୂର୍ବରୁ ସେ ଗୋଟିଏ ଗ୍ଲାସ୍ ପାଣି ପିଇଥା’ନ୍ତି। ଏହା ବ୍ୟତୀତ କମଳା ଆଦି ଫଳରେ ବାଲି ଲଗାଇ ଖାଇଥା’ନ୍ତି। ଏହି ଅଜବ ଅଭ୍ୟାସ ସତ୍ତ୍ୱେ ସ କେବେ ବି ଅସୁସ୍ଥ ହୋଇନଥିବା ଗାଁ ଲୋକେ କହିଛନ୍ତି।